Yôhan 11:38 - Bunong Bible Latin Script Cambodian dialect

³⁸ Jêh ri Brah Yêsu hăn ta môch, ta nuih n'hâm Păng geh nau ŭk rŭl tay du tơ̆ jât. Môch i nây trôm klêr ta yôk, i trôm nây bu rdŏl ma lŭ kuŏng.

Bunong

³⁸ ជេសរី​ឞ្រាស​យេឆូ  ​ហាន់​តា​មោច តា​នូយ្ស​នហ៝ម់​ពាង់​គែស​នាវ​អុក​រាអុល​តៃ​ទូ​តឹ​ជឹត។ មោច​អី​នៃ​ត្រោម​ក្លេរ​តា​យោក អី​ត្រោម​នៃ​ឞូ​រាទ៝ល់​មា​លុ​ក្វ៝ង់។

Nau Brah Ndu Ngơi 2023

³⁸ Brah Yêsu rngot đŏng tâm nuih n'hâm, hăn tât ta môch ro. Nây jêng du mlâm trôm bu rdâl ma lŭ toyh.

Yôhan 11:38 ပူးပေါင်းရင်းမြစ်များ

Nau Ntơm 23:19

Jêh ri Abrahăm tŏp Sara i ur păng ta trôm yôk mir Măkpêla, mpeh bơh lôh nar ma ƀon Mămrê, i bu kuăl đŏng ƀon Hêbron, ta bri Kanan nây.

Mathay 27:60

Păng njor săk Brah Yêsu nây ta trôm ntu môch mhe, ntu i păng lĕ đă bu lôk ta lŭ klêr ma ndrăp ma săk păng nơm. Jêh ri păng rlă du mlŏm lŭ kuŏng rdŏl trôm môch ri, păng nơm sât yot klăk.

Mathay 27:66

Jêh ri khân păng hăn a môch, njâr ntu môch pla ndơ ver kalơ jât gay ma lơi ăn bu lăp, ndrel ma ăn tahen gŭ njrăng.

Markôs 15:46

Yôsep rvăt bok laih nglang, jêh ri păng njŭr săk Brah Yêsu bơh si tâm rkăng, njor put ma bok i nây tê̆ ta trôm môch lŭ du ntŭk i bu de lôk ta lŭ klêr ma jan trôm môch. Jêh ri păng rlă du mlŏm lŭ rdŏl trôm môch nây.

Markôs 8:12

Jêh tăng nau khân păng đă nây, Brah Yêsu nsôr n'hâm kuŏng djhut, jêh ri lah: “Mơm dâng bunuyh ta rnôk aƀaơ dja ŭch gĭt say nau mbên kơt ri? Gâp lah n'hêl nanê̆ ngăn ma khân may, Kôranh Brah mâu ôh ăn say nau mbên ma bunuyh rnôk aƀaơ dja.”

Luka 24:2

Tât ta nây khân păng say lŭ i rdŏl ntu môch nơh lĕ rlă jêh.

Yôhan 11:33

Brah Yêsu say Mari, ndrel ma phung Israel hăn tâng păng nhŭm vơl dadê, Brah Yêsu rngot ŭk rŭl ta nuih n'hâm dŭt hô.

Yôhan 20:1

Ơm ôi nar tŏl nguai pơh nây bri hôm ngo, Mari tă bơh ƀon Mađala hăn a môch. Tât ta nây păng say lŭ bu rdŏl ntu môch lĕ rlă lơi.