Yakơ 5:13 - Bunong Bible Latin Script Cambodian dialect

¹³ Ta phung khân ay may, lah geh du huê bunuyh geh nau jêr jŏt, ăn păng mbơh sơm. Lah bu moh i geh nau răm maak, ăn păng mprơ rnê Kôranh Brah.

Bunong

¹³ តា​ផូង​ខាន់​អៃ​មៃ លាស​គែស​ទូ​ហ្វេ​ឞូនុយ្ស​គែស​នាវ​ជេរ​ជ៝ត់ អ៝ន់​ពាង់​មឞើស​ឆើម។ លាស​ឞូ​ម៝ស​អី​គែស​នាវ​រាម់​មអាក អ៝ន់​ពាង់​មព្រើ​រានេ​កោរាញ​ឞ្រាស។

Nau Brah Ndu Ngơi 2023

¹³ Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.

Yakơ 5:13 ပူးပေါင်းရင်းမြစ်များ

Yônais 2:2

jêh ri păng mbơh sơm ma Brah Yêhôva i Brah păng nơm ri bơh trôm ndŭl ka i nây.

Yônais 2:7

Hơi Brah Yêhôva i Brah gâp ơi Gâp nơh ngŏm ta nâm dak văch dak văr dŭt jru ta njŏng yôk ri Nkre ma khan ta bri phan nây Yơn ma May lĕ sŏ jêh bơh ntŭk nây ăn gâp rêh tay.

Mathay 26:30

Jêh mprơ rnê, Brah Yêsu ndrel mpôl oh mon Păng lôh bơh nây hăn jât yôk tơm Ôlive.

Luka 22:44

Ta nây Păng geh nau rngot rvê dŭt hô, jêh ri Păng mbơh sơm lơ ma hô đŏng, lôh dak rhal Păng tâm ban ma hoch mham trôh klĭch ngăn ta neh ri.

Luka 23:42

Jêh ri bunuyh nây lah ma Brah Yêsu: “Hơi Kôranh! Tât May jêng Kađăch ngăn ta bri May nơm, dăn May kah gĭt ma gâp ƀă.”

I Kôrintô 14:15

Lah ndri mơm gâp jan? Gâp mbơh sơm ta nau ngơi êng êng i nây tă bơh nuih n'hâm gâp nơm, jêh ri gâp kŏ mbơh sơm dŏng nau mân gâp nơm đŏng. Gâp mprơ ta nau ngơi êng êng i nây tă bơh nuih n'hâm gâp nơm, jêh ri gâp kŏ mprơ tă bơh nau mân gâp nơm đŏng.

I Kôrintô 14:26

Ơ oh nô ta nau nsing, nôk khân ay may gŭ rƀŭn, bunuyh aƀă ma mprơ rnê, bunuyh aƀă ma ntŭm nti, bunuyh aƀă ma mbơh nkoch ma nau tâm mpơl tă bơh Kôranh Brah, bunuyh aƀă ma ngơi nau ngơi êng êng i nây, bunuyh aƀă jât ma rblang nau ngơi i nây. Iăt ma dâng lĕ ndơ jan i nây jan gay ma rdŏk njêng phung i nsing.

Êphêsô 5:19

Nôk gŭ ndrel băl ăn khân ay may mprơ ma nau mprơ ơm tă bơh Nau Kôranh Brah Ngơi, ma nau mprơ rnê Kôranh Brah, ndrel ma nau mprơ i tă bơh Brah Huêng Ueh. Ăn mprơ, ndrel ma rnê Kôranh Brah ăn lĕ nuih n'hâm.

ហេឞ្រើ 5:7

Nôk Brah Yêsu gŭ rêh ta neh ntu dja nơh, Păng nter mbơh sơm ma Kôranh Brah hô ngăn nđâp ma lôh dak măt, dăn Kôranh Brah i dơi rklaih Păng bơh nau khât. Jêh ri Kôranh Brah iăt nau Păng dăn nây, yorlah Păng yơk Kôranh Brah, nđâp ma iăt jan tâng nau Kôranh Brah de đă.

Yakơ 5:10

Lŏng uănh mpôl bunuyh ntơyh nau ngơi Kôranh Brah kăl e nơh, khân păng mbơh nkoch ta rnha Kôranh Brah nđâp ma nuih n'hâm ăt nuih, bol lah bu jan jêr jŏt ma khân păng kađôi, ăn khân ay may jan tâng khân păng dô.

Nau Tâm Mpơl 14:3

Khân păng i 144000 nuyh nây, mprơ nau mprơ mhe ta bơh năp rnơl kađăch i nây, ta bơh năp puăn nuyh ndơ i geh nau rêh i nây, ndrel ma ta bơh năp mpôl 24 nuyh kôranh i nây. Mâu geh ôh du huê bunuyh a êng blao nti nau mprơ i nây, geh phung i 144000 nuyh i lĕ Kôranh Brah de chuai bơh neh ntu nơh dơm blao.

Nau Tâm Mpơl 7:10

Khân păng nter dŭt dăng dăng: “Geh Kôranh Brah i gŭ ta rnơl kađăch nây, ndrel ma Kon Be Biăp dơm i rklaih bunuyh.”