Samƀŭt Pôl Njuăl Ăn Ma Phung Nsing Ta Ƀon Rôm 9:33 - Bunong Bible Latin Script Cambodian dialect

³³ Kơt ma lĕ geh nchih jêh lah kơt nđa: ‘Kôranh Brah lah: ‘Uănh hŏm, Gâp tê̆ du mlŏm lŭ ta ƀon Yêrusalem i jan ăn bu chêh srok, du mlŏm lŭ kuŏng i jan ăn khân păng chêh prah, Yơn ma bu moh i nsing ma lŭ i nây, păng mâu ôh geh nau đit prêng.’’

Bunong

³³ កើត​មា​លែៈ​គែស​ញចីស​ជេស​លាស​កើត​នអា៖ «កោរាញ​ឞ្រាស​លាស៖ «អ្វាញ់​ហ៝ម់ គ៝ប់​តេៈ​ទូ​មល៝ម់​លុ​តា​ប៝ន​យេរូឆាលឹម  ​អី​ជាន​អ៝ន់​ឞូ​ចេស​ឆ្រ៝ក ទូ​មល៝ម់​លុ​ក្វ៝ង់​អី​ជាន​អ៝ន់​ខាន់​ពាង់​ចេស​ព្រាស‌ យើន​មា​ឞូ​ម៝ស​អី​ញឆីង​មា​លុ​អី​នៃ ពាង់​មោ​អោស​គែស​នាវ​ដីត​ព្រេង។»»

Nau Brah Ndu Ngơi 2023

³³ tâm ban geh nchih: “Aơ, Gâp dơm ta Siôn du mlâm lŭ nking, jêng lŭ toyh ƀư ma khân păng chêh prah; Ƀiălah mbu nơm chroh ma păng mâu mra geh nau bêk prêng ôh.”

Samƀŭt Pôl Njuăl Ăn Ma Phung Nsing Ta Ƀon Rôm 9:33 ပူးပေါင်းရင်းမြစ်များ

Mathay 21:42

Brah Yêsu lah ma khân păng: “Ndri khân may mâu geh rŏ samƀŭt Nau Kôranh Brah Ngơi lĕ geh nchih lah: ‘Bunuyh blao jan jay lŭ blon lĕ mƀăr lơi du mlŏm lŭ blon, Yơn ma lŭ blon i nây nkhơng ma jêng lŭ dŭt nâp khlay rlau bu ma jan jay. Kôranh Brah nơm jan nau i nây lĕ nau ngăn, Say kơt nây ăn bân ndrŏt hih rhŏl hô ngăn’.

Mathay 21:44

Lah ndri moh nau bu ntât dja? Lŭ blon i nây jêng ntât ma Gâp. Bu moh i chôt ta lŭ blon i nây, păng i nây lêk rhŏch ro. Jêh ri lah lŭ blon i nây tŭp kalơ du huê bunuyh, bunuyh i nây hăch lĕ phiao.”

Samƀŭt Pôl Njuăl Ăn Ma Phung Nsing Ta Ƀon Rôm 10:1

Ơ oh nô ta nau nsing, gâp ŭch ngăn ta nuih n'hâm, gâp nsrôyh mbơh sơm dăn ma Kôranh Brah, gay ma dâng lĕ phung Israel geh nau rklaih.

Samƀŭt Pôl Njuăl Ăn Ma Phung Nsing Ta Ƀon Rôm 10:11

Nau i nây tâm di đah Nau Kôranh Brah Ngơi lah: ‘Bu moh i nsing ma Kôranh Brah, mâu geh ôh bu ăn păng geh nau đit prêng’.

Samƀŭt Pôl Njuăl Ăn Ma Phung Nsing Ta Ƀon Rôm 5:5

Jêh ri nau rnơm i nây mâu ôh jan ăn bân nduih tôr, yorlah Brah Huêng Ueh i kloh ueh lĕ ăn jêh nau rŏng Kôranh Brah ta nuih n'hâm bân. Kôranh Brah nơm ăn Brah Huêng Ueh gŭ ta bân.

Galati 5:11

Ơ oh nô ta nau nsing, geh bunuyh aƀă lah gâp nti bu ăn koh ntô, yơn ma lah gâp hôm nti bu ăn koh ntô jât, lah ndri mơm dâng phung Israel i mâu nsing ma Brah Krist hôm jan jêr ma gâp jât? Lah gâp mâu hôm ntŭm nti nau rklaih man ma tă bơh nsing ma nau Brah Krist i khât ta si tâm rkăng dơm, mâu hôm ôh geh bu tâm rdâng đah gâp jât ro.

Philip 1:20

Gâp ŭch hô ngăn, ndrel ma rnơm nâp rkâk, gâp mâu ôh geh nau đit prêng ta năp Kôranh Brah, đê̆ mâu ơm, yorlah gâp hôm gŭ nâp ta Păng tât lôch. Jêh ri gâp ŭch hô ngăn, ndrel ma rnơm nâp rkâk, gâp mâu ôh geh nau đit prêng tă bơh gâp hôm mbơh nkoch Brah Krist ma nuih n'hâm dŭt bănh kơt ơm đŏng, Brah Krist geh nau rnê tă bơh săk gâp, bol lah gâp hôm rêh, mâu lah khât kađôi.

II Timôthê 1:12

Ndri dâng gâp geh nau jêr jŏt dja, yơn ma gâp mâu ôh đit prêng, yorlah gâp gĭt jêh Kôranh Brah i gâp nsing dja. Păng geh nau dơi mât njrăng dâng lĕ ndơ i Păng lĕ jao ma gâp n'ho ma tât nar Brah Krist Yêsu plơ̆ văch tay.

I Yôhan 2:28

Ơ kon sau, aƀaơ dja, ăn khân ay may hôm gŭ nâp ta Brah Krist dô, gay ma ta nar Păng văch nsôh săk, bân geh nuih n'hâm bănh, mâu ôh geh nau đit prêng ta năp Păng.