Mathay 4:25 - Bunong Bible Latin Script Cambodian dialect

²⁵ Jêh ri geh bunuyh phung ŏk tâng Păng, khân păng tă bơh bri Galilê, tă bơh bri Đêkapôlis, tă bơh ƀon kuŏng Yêrusalem, tă bơh bri Yuđa, ndrel ma tă bơh kăl ti dak rlai Yôrđăn.

Bunong

²⁵ ជេសរី​គែស​ឞូនុយ្ស​ផូង​អ៝ក់​តឹង​ពាង់ ខាន់​ពាង់​តាៈ​ឞើស​ឞ្រី​កាលីលេ  តាៈ​ឞើស​ឞ្រី​ដេកាពោលីស  តាៈ​ឞើស​ប៝ន​ក្វ៝ង់​យេរូឆាលឹម  តាៈ​ឞើស​ឞ្រី​យូដា  នទ្រែល​មា​តាៈ​ឞើស​កាល់​តី​ទាក​រាលាយ​យោរដាន់  ។

Nau Brah Ndu Ngơi 2023

²⁵ Geh âk bunuyh hăn tĭng Păng tă bơh n'gor Galilê, ƀon Đêkapôlis, ƀon Yêrusalem, n'gor Yuđa jêh ri tă bơh bri kăl tê̆ dak krong Yurdan hăn tĭng Păng.

Mathay 4:25 ပူးပေါင်းရင်းမြစ်များ

Mathay 12:15

Nôk Brah Yêsu gĭt nau i nây, jêh ri Păng lôh bơh ntŭk nây, geh ŏk phung ƀon lan tâng Păng đŏng, dâng lĕ nau ji khân păng, Păng jan bah dadê.

Mathay 19:2

Geh bunuyh ŏk ngăn tâng Păng, jêh ri Păng jan bah phung ji kuet ta nây.

Mathay 4:15

‘Ơ bri mpôl Sapulôn, ndrel ma bri mpôl Năptali I rŏ trong rŏ meng dak nglao kuŏng Galilê, ơ bri mpeh kăl ti dak rlai Yôrđăn, bri Galilê ntŭk ŏk phung i mâu di phung Israel gŭ!

Mathay 5:1

Tât Brah Yêsu say phung ƀon lan ŏk, Păng hao ta meng yôk, gŭ rgơp ta nây. Mpôl oh mon Păng hăn a Păng,

Mathay 8:1

Nôk Brah Yêsu jŭr bơh kalơ yôk nây, geh ŏk bunuyh tâng Păng.

Markôs 5:20

Jêh ri bu klô i nây hăn ro, ntơm mbơh ăn ma ƀon lan ta bri Đêkapôlis ăn khân păng gĭt dâng lĕ nau i Brah Yêsu jan ma păng. Jêh tăng nau păng mbơh nkoch nây ndrŏt hih rhŏl ngăn ƀon lan.

Markôs 6:2

Tât nar Saƀăt i nar rlu phung Israel ri, Păng lăp ta trôm nhih rƀŭn ntŭm nti bu, geh ŏk bunuyh i tăng nau Păng ndrŏt hih rhŏl ngăn, khân păng ôp ndrăng khân păng lah: “Bơh tă gĭt nau Păng i nây hiah? Nau mân gĭt blao Păng nây bơh tă sŏ? Ndơ ueh ndơ khlay Păng dơi jan nơh bơh tă dơi?

Markôs 7:31

Jêh ri Brah Yêsu lôh bơh bri i dăch đah ƀon kuŏng Tirus hăn glăt rŏ ƀon kuŏng Siđôn n'ho ma tât ta bri Đêkapôlis i dăch ma dak nglao kuŏng Galilê ri.

Luka 6:17

Jêh ri Brah Yêsu, ndrel ma mpôl oh mon Păng jŭr bơh lơ yôk nây, hăn tât ta ntŭk lŏng ri. Ta ntŭk nây geh ŏk mpôl oh mon iăt nau Păng, ndrel ma phung ƀon lan ŏk ngăn, khân păng tă bơh ƀon kuŏng Yêrusalem, ndrel ma bơh ƀon êng êng ta bri Yuđa, bơh bri rgŏ dak văch dak văr dăch kêng ƀon kuŏng Tirus ƀon kuŏng Siđôn.

Luka 6:19

Lĕ bunuyh tâm mpet ngăn ran pah Brah Yêsu, jêh ri bu bah dadê, yorlah Păng geh nau brah ta săk Păng nơm.