Mathay 20:30 - Bunong Bible Latin Script Cambodian dialect

³⁰ Nôk nây geh bar hê bunuyh cheh măt gŭ ta meng trong ri. Tât khân păng tăng lah Brah Yêsu hăn rŏ trong nây, khân păng nter ro: “Ơ Kôranh i kon sau kađăch Đavid, yô̆ nđach hên ƀă ơ!”

Bunong

³⁰ នោក​នៃ​គែស​ឞារ​ហៃ​ឞូនុយ្ស​ចែស​មាត់​គុ​តា​មែង​ត្រ៝ង​រី។ ត៝ត់​ខាន់​ពាង់​តាង់​លាស​ឞ្រាស​យេឆូ  ​ហាន់​រ៝ៈ​ត្រ៝ង​នៃ ខាន់​ពាង់​នតែរ​រ៝៖ “អើ​កោរាញ​អី​ក៝ន​ឆៅ​កាដាច់​ដាវីត  យោៈ​នអាច​ហេន​បាៈ​អើ!”

Nau Brah Ndu Ngơi 2023

³⁰ Aơ, geh bar hê chieh măt gŭ ta meng trong, tăng ma Brah Yêsu hăn rgăn ta nây, khân păng kuăl huy: “Ơ Kon hađăch Đavit, dăn yô̆ nđach ma hên ƀă!”

Mathay 20:30 ပူးပေါင်းရင်းမြစ်များ

Mathay 13:4

Nôk păng sui nây aƀă tŭp rŏ trong, jêh ri siŭm chok lĕ phiao.

Mathay 15:22

Ta bri nây geh du huê bu ur bri Kanaan i mâu di phung Israel păng hăn a Brah Yêsu, n'ho ma nter kuăl Brah Yêsu mâu bah ôh: “Ơ Kôranh! Ơ Kon Sau kađăch Đavid! Dăn May yô̆ nđach gâp ơ, kon bu ur gâp brah djơh lơh, păng geh nau rêh rnhăl hô ngăn!”

Mathay 20:31

Geh bunuyh ŏk buay khân păng ăn gŭ iăt săk rklăk hŏ, yơn ma lơ hô khân păng nter: “Ơ Kôranh i kon sau kađăch Đavid, yô̆ nđach hên ơ!”

Mathay 21:14

Nôk nây geh bunuyh cheh măt, ndrel ma bunuyh kuet rven hăn a Brah Yêsu ta jŏng gung nhih jan brah ri, jêh ri Păng jan bah dadê.

Mathay 21:9

Bunuyh ŏk ngăn brô̆ tâng Brah Yêsu bơh năp bơh kơi, leo băl nter drơu lah: “Rnê ma Kôranh Brah ăn ma i kon sau kađăch Đavid! Dăn Kôranh Brah ăn nau geh jêng ma Păng i Kôranh Brah de đă văch! Rnê ma Kôranh Brah i gŭ kalơ trôk dŭt prêh ri!”

Mathay 22:42

“Mơm khân may gĭt Brah Krist i nơm rklaih tă bơh Kôranh Brah de njuăl, Păng bu moh kon sau?” Khân păng ơh: “Păng kon sau kađăch Đavid.”

Markôs 10:46

Jêh ri Brah Yêsu, ndrel ma mpôl oh mon hăn tât ta ƀon Yêrikhô. Nôk khân păng lôh bơh ƀon Yêrikhô nây, phung ƀon lan brô̆ ndrel drưm. Geh đŏng du huê bu klô cheh măt, rnha Ƀartimê i kon Timê gŭ kŏp dăn prăk bu ta meng trong ri.

Luka 4:18

‘Brah Huêng Ueh gŭ ta Gâp, Păng lĕ kơih Gâp Gay ma Gâp leo nau mhe mhan ueh mbơh ma bunuyh o ach. Păng đă Gâp hăn mbơh nkoch nau rklaih ăn ma bunuyh i Satăng i kôranh mpôl brah djơh lĕ nhŭp kât, Kôranh Brah de drih ƀơk dadê. Păng đă Gâp hăn mbơh nkoch ma bunuyh cheh măt ăn say ang. Jêh ri đă Gâp rklaih bunuyh bu tŭn jot.

Luka 7:21

Nôk nây ŏk bunuyh Brah Yêsu lĕ jan ăn bah ji, bunuyh geh nau ji êng êng, bunuyh brah djơh lơh, jêh ri ŏk bunuyh cheh măt Păng jan ăn say ang đŏng.

Kôranh Oh Mon 2:30

Ndri dâng bân gĭt n'hêl Đavid mâu ôh ngơi ma săk păng nơm ta trong i nây, yơn ma păng nơh jêng bunuyh ntơyh nau ngơi Kôranh Brah. Kơt ndri dâng păng gĭt Kôranh Brah ton ma păng, ăn geh du huê Bunuyh ta rnoi deh păng hao jêng Kađăch, jêng Brah Krist i nơm rklaih i Kôranh Brah de njuăl đŏng.