Mathay 11:3 - Bunong Bible Latin Script Cambodian dialect

³ “Nôk kăl e nơh Kôranh Brah lĕ ton ma bunuyh ntơyh nau ngơi Kôranh Brah lah: Geh Brah Krist i nơm rklaih tă bơh Kôranh Brah de njuăl jŭr văch tă bơh kalơ trôk ntŭk Kôranh Brah nơm. May dja Brah Krist i nây bơh, mâu lah ăn hên hôm kŏp du huê a êng jât?”

Bunong

³ “នោក​កាល់​អែ​នើស​កោរាញ​ឞ្រាស​លែៈ​ត៝ន​មា​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លាស៖ គែស​ឞ្រាស​ក្រីស  ​អី​នើម​រាក្លាយ្ស​តាៈ​ឞើស​កោរាញ​ឞ្រាស​ទែ​ញជ្វាល់​ជុរ​វាច់​តាៈ​ឞើស​កាលើ​ត្រោក​នតុក​កោរាញ​ឞ្រាស​នើម។ មៃ​អ្យា​ឞ្រាស​ក្រីស  ​អី​នៃ​ឞើស មោ​លាស​អ៝ន់​ហេន​ហោម​ក៝ប់​ទូ​ហ្វេ​អា​អេង​ជឹត?”

Nau Brah Ndu Ngơi 2023

³ “Di lĕ Nơm Nti jêng Nơm mra văch ƀơh, mâu lah hên kâp nơm êng đŏng?”

Mathay 11:3 ပူးပေါင်းရင်းမြစ်များ

Nau Ntơm 12:3

Gâp ăn geh jêng ma bu moh i ăn geh jêng ma may, Gâp rtăp đŏng ma bu moh i rtăp may, dâng lĕ rnăk vâl bunuyh ta neh ntu dja, geh jêng tă bơh may dadê”.

Nau Ntơm 3:15

Jêh ri Gâp ăn geh nau tâm lơh may, đah bu ur i nây Ndrel ma rnoi deh bu ur i nây, đah ma i kon sau may tay đŏng Rnoi deh păng tay mra jot bôk may Jêh ri may tay mra chôk rmăng iăr rnoi deh păng đŏng”.

Nau Ntơm 49:10

Mŏng tăk jra kađăch geh ta may nâng Rnoi deh may tay mra jêng kađăch mro mrăng N'ho ma tât truyh păng i geh nau dơi kuŏng nây Nđâp ma dâng lĕ phung bunuyh lam ntŭk iăt nau păng dadê.

Mathay 11:10

Yorlah ta Nau Kôranh Brah Ngơi lĕ geh nchih lah ma păng: ‘Kôranh Brah lah: ‘Lŏng Gâp njuăl bunuyh hăn lor May Gay ma ndrăp nuih n'hâm bunuyh ăn ma May tâm ban ma kuayh trong ăn ma May’’ Yôhan-Ƀaptem i nây i bunuyh hăn lor ta nau i nây.

Mathay 11:4

Brah Yêsu ơh ma khân păng: “Khân may mbơh nkoch ma păng ri, dâng lĕ ndơ khân may tăng khân may say Gâp jan.

Mathay 21:5

‘Ăn mbơh nkoch hŏm ma phung ƀon lan ta ƀon Yêrusalem: ‘Lŏng uănh dja, kađăch khân ay may văch. Păng mleh hô ngăn, ncho ta kalơ seh lia, Ncho ta kon seh lia đŏng’’.

Mathay 21:9

Bunuyh ŏk ngăn brô̆ tâng Brah Yêsu bơh năp bơh kơi, leo băl nter drơu lah: “Rnê ma Kôranh Brah ăn ma i kon sau kađăch Đavid! Dăn Kôranh Brah ăn nau geh jêng ma Păng i Kôranh Brah de đă văch! Rnê ma Kôranh Brah i gŭ kalơ trôk dŭt prêh ri!”

Markôs 11:9

Dâng lĕ bunuyh i brô̆ tâng Brah Yêsu bơh năp bơh kơi, leo băl nter drơu lah: “Rnê ma Kôranh Brah! Dăn Kôranh Brah ăn nau geh jêng ma Păng i Kôranh Brah de đă văch!

Luka 19:38

Khân păng lah: “Dăn Kôranh Brah ăn nau geh jêng ma Kađăch dja I Kôranh Brah de đă văch. Ăn geh nau đăp mpăn ma hên đah ma Kôranh Brah ta kalơ trôk. Rnê nau ueh reh ma Kôranh Brah gŭ ta kalơ trôk dŭt prêh ri!”

Yôhan 11:27

Matha lah ma Brah Yêsu: “Ơ Kôranh, lĕ gâp iăt May Brah Krist i Nơm Rklaih i Kôranh Brah lĕ ton njuăl ta neh ntu dja. May Kon Kôranh Brah nơm.”

Yôhan 12:13

Khân păng leo băl sreh n'ha jôm lôh bơh ƀon hăn chuă Brah Yêsu, nđâp ma nter lah: “Rnê ma Kôranh Brah! Dăn Kôranh Brah ăn nau geh jêng ma Păng i Kôranh Brah de đă văch, Păng kađăch phung Israel”.

Yôhan 16:14

Păng mra ăn Gâp geh nau chrêk lơp, yorlah dâng lĕ nau Păng mbơh nkoch ăn ma khân may, Păng sŏ tă bơh Gâp dadê.

Yôhan 4:21

Brah Yêsu lah: “Ơ yôh, ay iăt nau Gâp dja: Tât di nar ri tay, ntŭk yơk mbah ma Kôranh Brah i Bơ̆ mâu geh ôh lah ta kalơ yôk dja, mâu lah ta ƀon Yêrusalem.

Yôhan 6:14

Tât ma phung ƀon lan say nau khlay Brah Yêsu de jan i nây, khân păng tâm lah: “Păng i nây ngăn ro bunuyh ntơyh nau ngơi Kôranh Brah i Môsê lĕ nchih kăl e nơh: ‘Păng mra văch ta neh ntu dja’.”

Yôhan 7:31

Ta phung ƀon lan nây geh ŏk bunuyh lĕ nsing ma Brah Yêsu, khân păng tâm lah ndrăng khân păng: “Lah Bunuyh dja mâu ôh di Brah Krist, lah hôm geh Brah Krist văch tay, gĭt păng dơi jan nau khlay ŏk rlau ma Bunuyh dja ƀah?”

ហេឞ្រើ 10:37

Yorlah Kôranh Brah lĕ lah nơh: ‘Hôm du ƀlât jât mra lôch ngăn, Nơm i văch, Păng văch ngăn ro, mâu ôh mbrĕ mbrơi.