Markôs 7:7 - Bunong Bible Latin Script Cambodian dialect

⁷ Khân păng yơk mbah ma Gâp mâu geh ôh ntil khlay, đê̆ mâu ơm, Yor ma khân păng ntŭm nti sŏ nau vay tă bơh bunuyh dơm. Tih ma khân păng lah mƀrôh nau vay i nây tă bơh Gâp đă’’.

Bunong

⁷ ខាន់​ពាង់​យើក​មឞាស​មា​គ៝ប់​មោ​គែស​អោស​នតីល​ខ្លៃ ដេៈ​មោ​អើម‌ យ៝រ​មា​ខាន់​ពាង់​នតុម​នតី​ឆ៝ៈ​នាវ​វៃ​តាៈ​ឞើស​ឞូនុយ្ស​ទើម។ តីស​មា​ខាន់​ពាង់​លាស​មរោស​នាវ​វៃ​អី​នៃ​តាៈ​ឞើស​គ៝ប់​ដាៈ»»។

Nau Brah Ndu Ngơi 2023

⁷ Nau khân păng yơk mbah ma Gâp jêng mâu khlay, Nau khân păng nti knŏng jêng nau vay bunuyh.’

Markôs 7:7 ပူးပေါင်းရင်းမြစ်များ

Mathay 15:9

Khân păng yơk mbah Gâp mâu ôh geh ntil khlay Mâu ơm yor ma khân păng ntŭm nti sŏ nau vay tă bơh bunuyh dơm, yơn ma khân păng lah nau vay i nây tă bơh Gâp đă’’”.

Mathay 6:7

Nôk khân ay may mbơh sơm, lơi lah jong rhêng kơt phung i mâu gĭt năl nau Kôranh Brah, nau i nây mâu geh ôh khlay. Khân păng mân lah Kôranh Brah iăt khân păng tă bơh nau ngơi ŏk.

I Kôrintô 15:14

Jêh ri lah Kôranh Brah mâu ôh jan ăn Brah Krist dâk rêh, nau i hên mbơh nkoch dja jêng dơm dam mâu geh nau khlay, jêh ri nau nsing khân ay may nây jêng dơm dam mâu geh nau khlay đŏng.

I Kôrintô 15:58

Ơ oh nô ta nau nsing i gâp rŏng, lah ndri ăn khân ay may geh nuih n'hâm nâp rkâk ngăn ta nau nsing ma Kôranh Yêsu Krist. Ăn nsrôyh jan kar ma Kôranh Yêsu Krist ma lĕ nuih n'hâm, yorlah khân ay may lĕ gĭt jêh, ndơ i khân ay may jan kar ma Păng nây mâu ôh jêng dơm dam.

Kôlôh 2:22

Dâng lĕ nau buay i nây geh nau khlay ma ndơ i roh dơm lah dŏng, jêng nau ntŭm nti bunuyh dơm.

Titus 3:9

Yơn ma der hŏm nau ngơi tâm rlăch rluk mâl, nau nkoch deh, nau tâm lŏk băl, nau tâm rlăch ma nau vay phung Israel, yorlah dâng lĕ nau i nây mâu ôh geh nau khlay, jêng dơm dam dadê.

Yakơ 1:26

Yơn ma bu moh i kơp êng săk păng nơm jan tâng nau vay Kôranh Brah ngăn, tih ma mâu ôh njrăng mpiăt dah ma ngơi, păng i nây jêng bunuyh mƀrôh êng săk păng nơm dơm, jêh ri nau păng jan tâng nau vay i nây mâu đŏng geh nau khlay.

Yakơ 2:20

Bu moh i gĭt lah geh nau rklaih tă bơh nau nsing dơm, mâu khăch ôh say nau ueh păng jan ta nau gŭ rêh păng, bunuyh i nây rluk mâl ngăn. Gâp mbơh ma khân ay may, mâu ôh geh khlay lah du huê bunuyh i nsing, yơn ma ta nau gŭ rêh păng mâu ôh say nau ueh păng jan.

Nau Tâm Mpơl 22:18

Gâp mbơh ma dâng lĕ bunuyh i tăng nau ngơi Kôranh Brah i lĕ nchih jêh ta samƀŭt dja, ăn njrăng săk, bu moh i ntop nau nguai ta bơh lơ nau dja, Kôranh Brah mra sŏ ndơ jêr jŏt i lĕ geh mbơh nkoch jêh ta samƀŭt dja tê̆ ta păng i nây.