Markôs 2:17 - Bunong Bible Latin Script Cambodian dialect

¹⁷ Jêh Brah Yêsu tăng khân păng lah kơt nây, Păng lah: “Bunuyh geh săk jăn ueh mâu ŭch ôh ma kôranh dak si, bunuyh i geh nau ji dơm ŭch. Ndri dâng Gâp văch ta dja mâu ôh gay ma kuăl bunuyh sŏng, ŭch kuăl bunuyh tih, gay ma kơl khân păng.”

Bunong

¹⁷ ជេស​ឞ្រាស​យេឆូ  ​តាង់​ខាន់​ពាង់​លាស​កើត​នៃ ពាង់​លាស៖ “ឞូនុយ្ស​គែស​ឆាក់​ជាន់​អ្វែស​មោ​អុច​អោស​មា​កោរាញ​ទាក​ឆី ឞូនុយ្ស​អី​គែស​នាវ​ជី​ទើម​អុច។ នទ្រី​ទឹង​គ៝ប់​វាច់​តា​អ្យា​មោ​អោស​គៃ​មា​ក្វាល់​ឞូនុយ្ស​ឆ៝ង់ អុច​ក្វាល់​ឞូនុយ្ស​តីស គៃ​មា​កើល​ខាន់​ពាង់”។

Nau Brah Ndu Ngơi 2023

¹⁷ Tăng kơt nây, Brah Yêsu lah: “Bunuyh ueh săk jăn mâu ŭch ma nai dak si ôh, ƀiălah bunuyh ji kuet. Gâp văch mâu di kuăl bunuyh sŏng srăng ôh, ƀiălah kuăl bunuyh geh nau tih.”

Markôs 2:17 ပူးပေါင်းရင်းမြစ်များ

Mathay 18:10

Ăn khân ay may njrăng hŏm, lơi ôh uănh mâu khlay ta kon se jê̆ kơt nây. Gâp mbơh ma khân ay may, ta ntŭk Kôranh Brah ta kalơ trôk phung tông păr i kơl njrăng kon se i nây gŭ nâng ta năp măt Bơ̆ Gâp.

Luka 15:10

Gâp mbơh ma khân may, tông păr Kôranh Brah geh nau răm maak dŭt hô, yorlah geh du huê dơm bunuyh tih lĕ rgâl lơi nuih n'hâm djơh.”

Luka 15:29

Păng ơh ma i bơ̆: ‘Gâp gŭ ndrel may lĕ jŏ năm ngăn, mâu ôh rlau bŏr mbung may, jêh ri bol lah i kon be may mâu ăn ma gâp, gâp be ma lăch gŭch nhêt sông sa ndrel mât jăng, du mlŏm mâu ơm.

Luka 15:7

Gâp mbơh ma khân may, geh nau răm maak hô ngăn ta kalơ trôk ta ntŭk Kôranh Brah nơm, ma du huê bunuyh tih rgâl lơi nuih n'hâm djơh, rlau ma bunuyh sŏng 99 i mâu hôm khăch rgâl nuih n'hâm djơh.”

Luka 16:15

Brah Yêsu lah ma khân păng: “Khân may jêng phung ŭch jan sŏng ăn măt bunuyh say, yơn ma Kôranh Brah lĕ gĭt jêh nuih n'hâm khân may. Geh ŏk ndơ i bunuyh kơp khlay, tih ma Kôranh Brah biănh ngăn ndơ i nây.

Luka 19:10

Gâp i Kon Bunuyh tă bơh Kôranh Brah de njuăl văch gay ma joi, ndrel ma rklaih bunuyh tih i roh yot nuih n'hâm ngai bơh Kôranh Brah tâm ban ma du mlŏm be biăp hiơt.”

Yôhan 9:34

Bu lah ma păng: “May jêng bunuyh jan tih hô ngăn bơh ndŭl me, mơm may bănh nti lah ma hên!” Jêh ri bu mprơh ôbăl lôh a dih.

Yôhan 9:40

Phung Pharisi i gŭ ndrel Brah Yêsu ta nây, tăng Păng lah kơt nây, jêh ri ôp Păng: “Lah ndri May kuăl hên dja bunuyh cheh măt ƀah?”

Kôranh Oh Mon 20:21

Gâp mbơh nkoch ăn ma phung Israel, ndrel ma phung Grek, ma nau rgâl nuih n'hâm djơh sât ma Kôranh Brah, nsing ma Kôranh Yêsu [Krist] i Kôranh ma phung bân.

Kôranh Oh Mon 26:20

Jêh ri gâp mbơh nkoch ăn bu rgâl nuih n'hâm djơh, plơ̆ sât ma Kôranh Brah, jêh ri ăn lĕ ndơ i khân păng jan nơh lĕ geh tâm di đah nau rgâl nuih n'hâm djơh ngăn. Bơh ntơm bôk dak gâp lor mbơh nkoch ndơ i nây ta ƀon Đamas, jêh ri ta ƀon Yêrusalem, ndrel ma dâng lĕ bri Yuđa, n'ho tât ma phung i mâu di phung Israel đŏng.

Titus 2:14

Brah Yêsu lĕ njŭn jêh săk Păng nơm ma khât, gay ma rklaih bân klaih bơh nau tih ăp ntil, nđâp ma jan kloh bunuyh du phung ăn ma Păng nơm, jêng ƀon lan i gơyh jan ndơ ueh.