Markôs 12:12 - Bunong Bible Latin Script Cambodian dialect

¹² Tât ma mpôl kôranh jan brah, phung nơm nti nau vay phung Israel, ndrel ma phung kôranh bri Yuđa gĭt lah păng ngơi ntât nau i nây lah ma săk khân păng nơm, jêh ri khân păng ŭch nhŭp Brah Yêsu, tih ma khân păng klach ma phung ƀon lan, ndri khân păng lôh du bơh Păng nây dơm.

Bunong

¹² ត៝ត់​មា​មពោល​កោរាញ​ជាន​ឞ្រាស ផូង​នើម​នតី​នាវ​វៃ​ផូង​អីឆ្រាអែល  នទ្រែល​មា​ផូង​កោរាញ​ឞ្រី​យូដា  ​គឹត​លាស​ពាង់​ងើយ​នតឹត​នាវ​អី​នៃ​លាស​មា​ឆាក់​ខាន់​ពាង់​នើម ជេសរី​ខាន់​ពាង់​អុច​ញុប​ឞ្រាស​យេឆូ  តីស​មា​ខាន់​ពាង់​ក្លាច​មា​ផូង​ប៝ន​លាន នទ្រី​ខាន់​ពាង់​លោស​ទូ​ឞើស​ពាង់​នៃ​ទើម។

Nau Brah Ndu Ngơi 2023

¹² Phung kôranh chiă uănh nau chroh phung Yuđa ŭch joi trong nhŭp Păng, yorlah gĭt jêh Păng sŏk nau hôr nây ŭch ntĭt ma khân păng. Ƀiălah khân păng klach ma phung ƀon lan, rĭ dĭng chalơi Păng gay hăn du.

Markôs 12:12 ပူးပေါင်းရင်းမြစ်များ

Mathay 21:26

Lah bân ơh: ‘Tă bơh bunuyh’, ndri bân klach phung ƀon lan ji nuih, yor ma ŏk bunuyh iăt nau Yôhan-Ƀaptem kơp păng jêng bunuyh ntơyh nau ngơi Kôranh Brah ro.”

Mathay 22:22

Tât tăng nau Brah Yêsu ơh kơt nây, khân păng ndrŏt hih rhŏl ngăn, jêh ri du lôh bơh Brah Yêsu nây.

Markôs 11:18

Tât mpôl kôranh jan brah, ndrel ma phung nơm nti nau vay phung Israel gĭt nau i nây, khân păng leo băl gay ma joi nau mơm dâng geh nkhât lơi Brah Yêsu. Yơn ma khân păng klach Păng, yor ma phung ƀon lan ndrŏt hih rhŏl hô ngăn ma nau ntŭm nti Păng nây.

Markôs 11:32

Lah bân ơh lah: ‘Tă bơh bunuyh’.” Ndri khân păng klach phung ƀon lan ji nuih, yor ma ŏk bunuyh iăt nau Yôhan-Ƀaptem, kơp păng jêng bunuyh ntơyh nau ngơi Kôranh Brah ngăn ro.

Luka 20:19

Jêh khân păng tăng Brah Yêsu ngơi nau ntât nây, phung nơm nti nau vay phung Israel, ndrel ma mpôl kôranh jan brah, khân păng gĭt vât nau ngơi i nây lah ma săk khân păng ro, ndri dâng khân păng ŭch nhŭp Brah Yêsu ta nây ro, yơn ma klach phung ƀon lan lơh.

Luka 20:6

Lah bân lah: ‘Tă bơh bunuyh’, ƀon lan mra ntŭp bân ma lŭ ro, yorlah bu gĭt n'hêl Yôhan-Ƀaptem păng bunuyh ntơyh nau ngơi Kôranh Brah ngăn.”

Yôhan 7:25

Geh phung ƀon lan aƀă i gŭ rêh ta ƀon kuŏng Yêrusalem nây lah: “Gĭt Păng i nây bu tâng joi ŭch nkhât nơh ƀah?

Yôhan 7:30

Nôk nây bu ŭch nhŭp Brah Yêsu, yơn ma mâu geh ôh bunuyh nhŭp Păng, yorlah ê hŏ tât di nar Kôranh Brah ăn.

Yôhan 7:44

Geh bunuyh aƀă ŭch nhŭp Brah Yêsu, yơn ma mâu geh ôh bunuyh nhŭp Păng.