Markôs 11:24 - Bunong Bible Latin Script Cambodian dialect

²⁴ Ndri dâng Gâp mbơh ma khân may, moh ndơ i khân may mbơh sơm dăn, ăn khân may nsing geh ngăn, jêh ri Kôranh Brah ăn ma khân may geh ngăn ro.

Bunong

²⁴ នទ្រី​ទឹង​គ៝ប់​មឞើស​មា​ខាន់​មៃ ម៝ស​នទើ​អី​ខាន់​មៃ​មឞើស​ឆើម​ទាន់ អ៝ន់​ខាន់​មៃ​ញឆីង​គែស​ងាន់ ជេសរី​កោរាញ​ឞ្រាស​អ៝ន់​មា​ខាន់​មៃ​គែស​ងាន់​រ៝។

Nau Brah Ndu Ngơi 2023

²⁴ Yor ri, Gâp lah ma khân may, moh nau khân may dăn dôl mbơh sơm, ăn he rnơm pô aơ khân may nơm hŏ dơn jêh, ri mơ khân may mra geh nau nây.

Markôs 11:24 ပူးပေါင်းရင်းမြစ်များ

Mathay 18:19

Du tơ̆ jât, Gâp lah n'hêl nanê̆ ngăn ma khân ay may, lah geh bar hê ta phung khân ay may ta neh ntu mbơh sơm du ntôr nau, moh ndơ khân păng dăn, Bơ̆ Gâp i gŭ ta kalơ trôk ăn ndơ i nây ma khân păng ro.

Mathay 21:22

Moh ndơ khân may mbơh sơm dăn Kôranh Brah ma nuih n'hâm geh nau nsing, khân may geh ngăn ro.”

Markôs 11:25

Jêh ri jât, nôk khân may mbơh sơm, lah khân may geh nau ji nuih đah bu, ăn khân may geh nau yô̆, lơi hôm ôh kơp nau tih bu, ndri Kôranh Brah Bơ̆ khân may i gŭ ta kalơ trôk lơ hô yô̆ nđach mâu hôm kơp nau tih khân may đŏng.

Yôhan 14:13

Jêh ri moh ndơ khân may dăn ta rnha săk Gâp, Gâp jan ro, gay ma Gâp i Kon ăn nau chrêk lơp ma Bơ̆ Gâp lơ ma hô.

Yôhan 15:7

Lah khân may hôm gŭ ta Gâp nâng, jêh ri nau Gâp ngơi hôm gŭ ta khân may nâng, lah ndri moh ndơ khân may ŭch, dăn hŏm, khân may geh ngăn ro.

I Kôrintô 14:13

Kơt ndri dâng bu moh i ngơi nau ngơi êng êng i nây, ăn păng i nây mbơh sơm dăn ăn blao rblang nau i nây đŏng.

I Yôhan 3:22

Lah ndri moh ndơ i bân dăn bơh Păng, bân mra geh kơt nây ngăn ro, yorlah bân lĕ ndjôt tâng nau Păng đă, nđâp ma lĕ jan tâng ndơ i Păng răm maak.