Markôs 1:39 - Bunong Bible Latin Script Cambodian dialect

³⁹ Jêh ri Brah Yêsu hăn mbơh nkoch nau mhe mhan ueh ta nhih rƀŭn phung Israel lam bri Galilê n'ho ma mprơh brah djơh du lôh bơh bunuyh ŏk đŏng.

Bunong

³⁹ ជេសរី​ឞ្រាស​យេឆូ  ​ហាន់​មឞើស​ងក៝ច​នាវ​មហែ​មហាន​អ្វែស​តា​ញីស​រាបុន​ផូង​អីឆ្រាអែល  ​លាម​ឞ្រី​កាលីលេ  ​នហ៝​មា​មព្រើស​ឞ្រាស​អ្យើស​ទូ​លោស​ឞើស​ឞូនុយ្ស​អ៝ក់​ដ៝ង់។

Nau Brah Ndu Ngơi 2023

³⁹ Păng hăn lam tâm n'gor Galilê, mbơh nkoch tâm lĕ ngih rƀŭn jêh ri mprơh brah mhĭk.

Markôs 1:39 ပူးပေါင်းရင်းမြစ်များ

Mathay 4:23

Brah Yêsu hăn lam bri Galilê, Păng nti phung ƀon lan ta nhih rƀŭn phung Israel khân păng nơm. Păng mbơh nkoch nau mhe mhan ueh ma nau Kôranh Brah mât uănh, jêh ri jan bah dâng lĕ nau ji ăp ntil.

Mathay 9:35

Jêh ri Brah Yêsu hăn rŏ ƀon kuŏng ƀon jê̆, ntŭm nti bu ta nhih rƀŭn khân păng nơm, ndrel ma mbơh nkoch nau mhe mhan ueh ma nau Kôranh Brah mât uănh, nđâp ma jan bah dâng lĕ nau ji ăp ntil đŏng.

Markôs 1:21

Jêh ri Brah Yêsu, ndrel ma mpôl oh mon Păng hăn ta ƀon Kapơnŭm. Tât nar Saƀăt i nar rlu phung Israel Păng lăp ntŭm nti ta nhih rƀŭn phung Israel.

Markôs 1:23

Ta nhih rƀŭn nây, geh du huê bu klô lăp ta nây brah djơh gŭ ta săk păng đŏng, păng nter:

Markôs 1:38

Brah Yêsu lah ma khân păng: “Hô̆ bân brô̆ rŏ ƀon i dăch dăch ta dja. Gâp be ma mbơh nkoch nau mhe mhan ueh ăn ma ƀon i nây, ndri dâng Gâp hăn tât ta dja.”

Markôs 3:1

Jêh ri Brah Yêsu lăp ta nhih rƀŭn phung Israel du tơ̆ jât, ta nây geh du huê bu klô rven ti du ding.

Markôs 6:6

Păng ndrŏt hih rhŏl ngăn yor ma mâu say khân păng geh nau nsing kơt nây. Jêh ri Brah Yêsu hăn rŏ ƀon êng êng, n'ho ma ntŭm nti ăn bu đŏng.

Markôs 7:30

Păng sât tât ta jay say i kon păng bêch ueh kalơ gre ri, brah djơh lĕ lôh bơh kon păng nây jêh.

Luka 4:41

Geh bunuyh ŏk brah djơh lôh bơh săk khân păng, n'ho ma nter lah: “May Kon Kôranh Brah!”, yorlah khân păng gĭt Brah Yêsu Brah Krist i nơm rklaih tă bơh Kôranh Brah de njuăl. Tih ma Brah Yêsu mbram mpôl brah djơh mâu ăn ôh ngơi.