Luka 8:35 - Bunong Bible Latin Script Cambodian dialect

³⁵ Jêh ri bunuyh i tăng nau nây khân păng hăn uănh gay ma say n'hêl ndơ i nây. Tât ta Brah Yêsu khân păng klach dadê ngăn, say bu klô brah djơh lăp nơh gŭ ta năp Brah Yêsu ri, ndrel ma nsoh kho ao kah gĭt săk đŏng.

Bunong

³⁵ ជេសរី​ឞូនុយ្ស​អី​តាង់​នាវ​នៃ​ខាន់​ពាង់​ហាន់​អ្វាញ់​គៃ​មា​ឆៃ​នហេល​នទើ​អី​នៃ។ ត៝ត់​តា​ឞ្រាស​យេឆូ  ​ខាន់​ពាង់​ក្លាច​ទាទេ​ងាន់ ឆៃ​ឞូ​ក្លោ​ឞ្រាស​អ្យើស​លាប់​នើស​គុ​តា​នាប់​ឞ្រាស​យេឆូ  ​រី នទ្រែល​មា​ញឆ៝ស​ខ៝​អាវ​កាស​គឹត​ឆាក់​ដ៝ង់។

Nau Brah Ndu Ngơi 2023

³⁵ Lĕ rngôch bunuyh hăn uănh nau mhe tât geh. Nôk khân păng văch ta nây saơ Brah Yêsu, saơ bunuyh klaih jêh tă bơh phung brah mhĭk lăp, gŭ ta jâng Brah Yêsu, nsoh kho ao, nau mĭn kah gĭt rah vah pôri khân păng klach hâu ngăn.

Luka 8:35 ပူးပေါင်းရင်းမြစ်များ

Mathay 4:24

Bu lư Brah Yêsu lam bri Siri đŏng i tâm dăch ma bri Galilê. Jêh ri bu njŭn leo dâng lĕ bunuyh i geh nau ji a Păng, bunuyh geh nau ji kuet ăp ntil, bunuyh brah djơh lơh, bunuyh brŭt, ndrel ma bunuyh rven jŏng rven ti, Păng jan bah dadê.

Markôs 5:15

Khân păng ran tât a Brah Yêsu, jêh ri say bunuyh i tă brah djơh lăp ŏk ngăn nơh gŭ ta ri, nsoh bok ao n'ho ma kah gĭt săk đŏng, jêh say lĕ nau nây khân păng klach dadê ngăn.

Luka 15:17

Tât du nar păng kah gĭt săk, păng mân êng ta săk păng nơm ri: ‘Dâng lĕ bunuyh jan kar ma bơ̆ gâp geh ndơ sông sa tŏng rmeh, lŏng gâp gŭ ta dja tăch proch ŭch ma khât ngăn ro.

Luka 2:46

Joi tât pe nar, khân păng say Păng gŭ ta jŏng gung nhih jan brah ma Kôranh Brah ndrel nơm nti nau vay phung Israel ta ri, Păng gŭ iăt nau bu ngơi, nkre ma ôp bu nau êng êng jât.

Luka 8:27

Nôk Brah Yêsu hao a kơh ti, geh du huê bu klô tă bơh ƀon nây ran jât Păng dja. Bunuyh i nây brah djơh lăp gŭ ta păng, ăn păng gŭ lahôk, mâu geh ôh gŭ ta jay, gŭ ta ntŭk môch dơm lĕ jŏ năm hơi.

Luka 8:34

Jêh mpôl chiăp sŭr i nây say kơt nây, khân păng nchuăt mbơh ro ma bunuyh gŭ rŏ ƀon, rŏ mir.

Kôranh Oh Mon 22:3

“Gâp jêng phung Israel, deh ta ƀon Tasơs, bri Kilikia. Yơn ma gâp gŭ rêh ta ƀon dja ntơm bơh jê̆ ngăn, n'ho ma lăp nti tâng nau vay phung u che bân kăl e nơh lĕ dŭt nau đŏng. Gâp nti tă bơh nơm nti Gamaliel i bu lư hô ngăn. Gâp nđơr tâng Kôranh Brah kơt khân ay may nar dja nây đŏng.

I Yôhan 3:8

Yơn ma bu moh i jan tih, păng i nây kon kôranh mpôl brah djơh, yorlah kôranh mpôl brah djơh lĕ ơm jan tih ntơm bơh saơm nơh ngăn. Ndri dâng Brah Krist i Kon Kôranh Brah văch ta dja, gay ma n'groh lơi dâng lĕ nau kar kôranh mpôl brah djơh i nây.