Luka 7:14 - Bunong Bible Latin Script Cambodian dialect

¹⁴ Jêh ri Brah Yêsu hăn dăch pah ta mŏng rnung nây, mpôl i tung ri nsrŭng đŏng, Păng lah ma bunuyh i khât nây: “Hơi oh, Gâp mbơh ma may dâk hŏm!”

Bunong

¹⁴ ជេស​រី​ឞ្រាស​យេឆូ  ​ហាន់​ទាច់​ពាស​តា​ម៝ង់​រានូង​នៃ មពោល​អី​តូង​រី​ញឆ្រុង​ដ៝ង់ ពាង់​លាស​មា​ឞូនុយ្ស​អី​ខឹត​នៃ៖ “ហើយ​អ៝ស គ៝ប់​មឞើស​មា​មៃ​ទ៝ក់​ហ៝ម់!”

Nau Brah Ndu Ngơi 2023

¹⁴ Păng hăn dăch, pah ta băng, jêh ri phung bunuyh tung nsrŭng. Păng lah: “Hơi bu klâu ndăm, Gâp lah ma may dâk hom.”

Luka 7:14 ပူးပေါင်းရင်းမြစ်များ

Markôs 5:41

Jêh ri Păng nhŭp ti kon se nây, n'ho Păng lah: “Talitha kumi” - rblang lah ‘Hơi oh, ay dâk hŏm!’

Luka 7:13

Tât Brah Yêsu say bu ur ndrô khât sai i nây, Păng yô̆ nđach hô ngăn. Brah Yêsu lah ma păng: “Lơi hôm nhŭm.”

Luka 7:15

Jêh ri bunuyh khât i nây dâk đơp gŭ ta ri ro, blao mbơh ngơi ƀhŏ. Jêh ri Brah Yêsu njŭn bu klô ndăm i nây a mê̆ păng nơm.

Luka 7:17

Khân păng mbơh nkoch Brah Yêsu nây lam bri Yuđa, ndrel ma lam bri chiao meng đŏng.

Yôhan 11:25

Brah Yêsu lah: “Gâp dja i tơm jan ăn bunuyh dâk rêh, ndrel ma tơm nau rêh, bu moh nsing ma Gâp, bol lah khât kađôi păng mra hôm rêh.

Yôhan 5:21

Bơ̆ Gâp jan ăn bunuyh lĕ khât dâk rêh, kơt nây đŏng Gâp i Kon Păng ăn nau rêh ma bu moh Gâp ŭch ăn.

Yôhan 5:25

Gâp lah n'hêl nanê̆ ngăn ma khân may, tât di nar nây tay, jêng aƀaơ dja ro, bunuyh i tâm ban ma khât yor ma khân păng nkhah du bơh Kôranh Brah, khân păng i nây tăng bŏr Gâp i Kon Kôranh Brah, jêh ri bu moh tăng bŏr Gâp geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 4:17

Ndri ta Nau Kôranh Brah Ngơi lĕ geh nchih Kôranh Brah mbơh ma Abrahăm kơt nđa: ‘Gâp ăn may jêng che ma ndŭl mpôl bunuyh êng êng ŏk ngăn’. Kôranh Brah ngơi kơt nây, yorlah Abrahăm nsing ma Păng i ăn bunuyh lĕ khât dâk rêh tay, nđâp ma i njêng ndơ mhe i mâu ôh geh bơh ntơm nơh.

Êphêsô 5:12

Moh ndơ bunuyh i nây jan ma nau ndŏp mpôn, nau i nây man ma bu sŏ ngơi dơm hôm e geh nau ƀơ̆ ƀơch đŏng.