Luka 4:35 - Bunong Bible Latin Script Cambodian dialect

³⁵ Brah Yêsu de mbram brah djơh i nây: “Lơi hôm ngơi, gŭ iăt săk rklăk hŏ, du lôh hŏm bơh bunuyh i nây!” Brah djơh lơh bu klô i nây ăn păng chôt ta năp băl phung, jêh ri lôh ƀhŭch bơh bunuyh i nây, mâu ôh ăn ôbăl geh nau ji.

Bunong

³⁵ ឞ្រាស​យេឆូ  ​ទែ​មឞ្រាម​ឞ្រាស​អ្យើស​អី​នៃ៖ “លើយ​ហោម​ងើយ គុ​អ្យាត់​ឆាក់​រាក្លាក់​ហ៝ៈ ទូ​លោស​ហ៝ម់​ឞើស​ឞូនុយ្ស​អី​នៃ!” ឞ្រាស​អ្យើស​លើស​ឞូ​ក្លោ​អី​នៃ​អ៝ន់​ពាង់​ចោត​តា​នាប់​ឞាល់​ផូង ជេសរី​លោស​ប្ហុច​ឞើស​ឞូនុយ្ស​អី​នៃ មោ​អោស​អ៝ន់​អោឞាល់​គែស​នាវ​ជី។

Nau Brah Ndu Ngơi 2023

³⁵ Ƀiălah Brah Yêsu nduyh păng: “Gŭ rklăk hom, jêh ri luh bơh bunuyh aơ!” Brah mhĭk ƀư lơh prah bunuyh nây ta nklang phung âk, jêh nây du luh ƀiălah mâu ƀư nau mhĭk ma păng.

Luka 4:35 ပူးပေါင်းရင်းမြစ်များ

Mathay 17:18

Jêh ri Brah Yêsu mbram brah djơh i gŭ ta kon se ri, brah djơh lôh bơh kon se ro, ntơm bơh nôk nây ro kon se i nây bah.

Mathay 8:26

Brah Yêsu lah ma khân păng: “Ơ phung geh nau nsing đê̆ dơm, moh nau khân may klach hô ir?” Brah Yêsu dâk, Păng buay sial phŭt, ndrel ma dak, dak nchŏch rbuh rngŏn njŭp ro.

Markôs 1:26

Jêh tăng Brah Yêsu lah ndri brah djơh lơh bunuyh i nây chôt dŭl nslŏng sŏng sa, nter lŭng loch ngăn lôh ƀhŭch brah djơh i nây.

Markôs 4:39

Brah Yêsu kah rngăl Păng dâk đơp, buay phŭt, ndrel ma dak rbuh nây: “Bah hŏm! Rngŏn hŏm!” Jêh ri phŭt bah sial mâu hôm, dak rbuh rngŏn njŭp đŏng.

Markôs 9:26

Brah djơh nây nter ro, jan ăn kon se nây nslŏng nslăng dŭt hô ngăn, jêh ri lôh ƀhŭch. Jêh nây kon se bêch la-or tâm ban ma bunuyh lĕ khât, ŏk bunuyh lah păng lĕ khât ngăn.

Luka 11:22

Yơn ma lah geh du huê bunuyh jât dăng rlau păng, tâm lơh dơi bu, bu mra sŏ tak đao păng i nây, ndrel ma sŏ drăp ndơ păng pă ăn ma bunuyh êng jât.

Luka 4:23

Brah Yêsu lah ma khân păng: “Ngăn ro, khân ay may sŏ nau ngơi ntât dja lah ma Gâp: ‘Hơi Kôranh dak si, săm bah săk may nơm lor ƀŏt’, geh nau khlay lah ‘Hên lư tăng nau May lĕ jan ta ƀon Kapơnŭm, lŏng jan tay nau i nây ta ƀon May nơm dja đŏng’.”

Luka 4:39

Jêh ri Brah Yêsu hăn ta bunuyh ji i nây, n'ho ma mbram nau ji i ri, nau ji bah ndal ro. Jêh ri păng dâk đưp jan kar ndrăp ndơ sông sa ăn ma bu năch i gŭ ta jay nây.

Luka 4:41

Geh bunuyh ŏk brah djơh lôh bơh săk khân păng, n'ho ma nter lah: “May Kon Kôranh Brah!”, yorlah khân păng gĭt Brah Yêsu Brah Krist i nơm rklaih tă bơh Kôranh Brah de njuăl. Tih ma Brah Yêsu mbram mpôl brah djơh mâu ăn ôh ngơi.

Luka 8:24

Jêh ri khân păng rlay Brah Yêsu: “Hơi Kôranh! Hơi Kôranh! Khât ro bân mê.” Brah Yêsu kah rngăl, văl phŭt chuănh, ndrel ma dak rbuh. Jêh ri phŭt chuănh, ndrel ma dak rbuh bah ro, dak rngŏn kơt ơm đŏng.

Luka 9:39

Geh brah djơh nguai lơh păng du tơ̆ du tơ̆, ăn păng nter mpŏt nslŏng nslăng ngăn, lôh mpŭnh dak diu ta mbung, săk jăn lôh bŭr lôh môr, tât ma păng lĕ huăr ngăn, ri mơ brah djơh i ri lôh du n'hâm mê.

Luka 9:42

Nôk kon păng brô̆ ê hŏ tât a Brah Yêsu, brah djơh nklơ̆ păng chôt nslŏng nslăng ro. Jêh ri Brah Yêsu mbram brah djơh ri, jan kon păng bah, leo păng ma bơ̆ păng nơm.

Nau Tâm Mpơl 12:12

Lah ndri răm maak hŏm dâng lĕ nơm i gŭ ta kalơ trôk, Ta lam ntŭk ta kalơ trôk i ntŭk Kôranh Brah, răm maak hŏm! Lŏng lam neh ntu, ndrel ma lam dak văch dak văr geh nau rêh rnhăl ngăn ro, Yorlah kôranh mpôl brah djơh lĕ jŭr jêh a khân ay may, Nđâp ma ji nuih dŭt hô ngăn, Yor ma păng lĕ gĭt mong păng nơm hôm e đê̆ dơm.”