Luka 24:45 - Bunong Bible Latin Script Cambodian dialect

⁴⁵ Jêh ri Brah Yêsu pơk bôk tôr khân păng ăn gĭt vât lĕ ndơ i lĕ geh nchih ma Păng nơm ta samƀŭt Nau Kôranh Brah Ngơi.

Bunong

⁴⁵ ជេសរី​ឞ្រាស​យេឆូ  ​ពើក​ឞោក​តោរ​ខាន់​ពាង់​អ៝ន់​គឹត​វ៝ត់​លែៈ​នទើ​អី​លែៈ​គែស​ញចីស​មា​ពាង់​នើម​តា​ឆ៝ម់បុត​នាវ​កោរាញ​ឞ្រាស​ងើយ។

Nau Brah Ndu Ngơi 2023

⁴⁵ Nôk nây, Păng pơk nau mĭn ma phung oh mon gay gĭt vât Nau Brah Ndu Ngơi.

Luka 24:45 ပူးပေါင်းရင်းမြစ်များ

Luka 24:32

Jêh ri khân păng tâm lah ndrăng khân păng nơm: “Nôk Păng ngơi đah bân, n'ho ma rblang Nau Kôranh Brah Ngơi rŏ trong nơh, Păng pơk bôk tôr bân, ta nuih n'hâm bân răm maak ngăn.”

Kôranh Oh Mon 16:14

Ta nây geh du huê bu ur rnha Liđa, păng jêng bunuyh i mâu di phung Israel, yơn ma yơk mbah ma Kôranh Brah, păng tă bơh ƀon Thiathira, jêng bunuyh tăch bok laih chăng i geh khlay ngăn. Păng tăng nau Pôl mbơh nkoch, jêh ri Kôranh Brah pơk bôk tôr păng, gay ma iăt nanê̆ nau Pôl nti nây, jêh ri nsing ma Brah Yêsu.

Kôranh Oh Mon 26:18

gay ma nti khân păng ăn pơk nuih n'hâm ma nau Kôranh Brah, ăn khân păng du lôh tă bơh ntŭk ngo, jêh ri hăn ta nau ang, du lôh tă bơh nau dơi Satăng i kôranh mpôl brah djơh, jêh ri plơ̆ sât ma Kôranh Brah, ri mơ Kôranh Brah yô̆ khân păng mâu hôm kơp nau tih khân păng, jêh ri Kôranh Brah ăn khân păng gŭ ndrel phung i Kôranh Brah lĕ kơp kloh ueh jêh, yorlah nsing ma Gâp’.”

Êphêsô 5:14

yorlah nau ang ăn bu dơi say dâng lĕ ndơ. Kơt ndri dâng geh lah kơt nđa: ‘Khân ay may i lĕ hăk bêch, kah rngăl hŏm! Ăn dâk bơh phung bunuyh khât hŏm, ntay dâng Brah Krist ang nchrat ta khân ay may’.

I Yôhan 5:20

Bân lĕ gĭt đŏng, Brah Yêsu Krist i Kon Kôranh Brah nơm lĕ văch ta dja, Păng ăn nau gĭt blao gay ma bân gĭt năl Kôranh Brah i ngăn ngên. Bân gŭ ndrel Păng i Kon Kôranh Brah nơm, Păng i Brah nanê̆ ngăn, nđâp ma Păng i tơm nau rêh n'ho ro.

Nau Tâm Mpơl 3:7

Jêh ri Păng lah jât: “Ăn may nchih njuăl ăn ma kôranh phung nsing ta ƀon Philađĭlphia, lah kơt nđa: ‘Nơm i kloh ueh, Nơm i răp jăp, Păng i ndjôt kon so kađăch Đavid i nhhơ Păng geh nau dơi ma mât uănh, Lah Păng pơk mpông, mâu geh ôh du huê dơi ntâl, Jêh ri lah Păng ntâl mâu geh đŏng du huê dơi pơk, Păng lah: