Luka 24:27 - Bunong Bible Latin Script Cambodian dialect

²⁷ Jêh ri Brah Yêsu rblang lĕ nau bu nchih ma săk Păng ta samƀŭt Nau Kôranh Brah Ngơi, ntơm bơh samƀŭt i Môsê nchih, tât ma dâng lĕ samƀŭt i bunuyh ntơyh nau ngơi Kôranh Brah kăl e nơh nchih đŏng.

Bunong

²⁷ ជេសរី​ឞ្រាស​យេឆូ  ​រាឞ្លាង​លែៈ​នាវ​ឞូ​ញចីស​មា​ឆាក់​ពាង់​តា​ឆ៝ម់បុត​នាវ​កោរាញ​ឞ្រាស​ងើយ នតើម​ឞើស​ឆ៝ម់បុត​អី​មោឆេ  ​ញចីស ត៝ត់​មា​ទឹង​លែៈ​ឆ៝ម់បុត​អី​ឞូនុយ្ស​នតើយ្ស​នាវ​ងើយ​កោរាញ​ឞ្រាស​កាល់​អែ​នើស​ញចីស​ដ៝ង់។

Nau Brah Ndu Ngơi 2023

²⁷ Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Luka 24:27 ပူးပေါင်းရင်းမြစ်များ

Nau Ntơm 12:3

Gâp ăn geh jêng ma bu moh i ăn geh jêng ma may, Gâp rtăp đŏng ma bu moh i rtăp may, dâng lĕ rnăk vâl bunuyh ta neh ntu dja, geh jêng tă bơh may dadê”.

Nau Ntơm 22:18

Ndri dâng lĕ phung bunuyh ta neh ntu dja, bu geh jêng tă bơh rnoi deh may, yorlah may lĕ iăt jêh nau Gâp”.

Nau Ntơm 26:4

Gâp mra ăn kon sau may bâk rơ̆ ŏk tâm ban ma mănh kalơ trôk, Gâp mra ăn dâng lĕ bri dak dja ma kon sau may, jêh ri dâng lĕ bunuyh lam neh ntu dja bu mra sŏ dơn geh jêng yor ma tă bơh kon sau may dadê.

Nau Ntơm 3:15

Jêh ri Gâp ăn geh nau tâm lơh may, đah bu ur i nây Ndrel ma rnoi deh bu ur i nây, đah ma i kon sau may tay đŏng Rnoi deh păng tay mra jot bôk may Jêh ri may tay mra chôk rmăng iăr rnoi deh păng đŏng”.

Nau Ntơm 49:10

Mŏng tăk jra kađăch geh ta may nâng Rnoi deh may tay mra jêng kađăch mro mrăng N'ho ma tât truyh păng i geh nau dơi kuŏng nây Nđâp ma dâng lĕ phung bunuyh lam ntŭk iăt nau păng dadê.

Markôs 4:34

Ƀon lan tăng Păng ngơi nau ngơi ntât dơm, yơn ma nôk Păng gŭ êng, Păng rblang nau i nây ăn ma mpôl oh mon Păng.

Luka 24:25

Jêh ri Brah Yêsu lah ma khân păng: “Hơi bunuyh mâu geh nau mân! Khân may mâu dơh iăt ôh dâng lĕ nau bunuyh ntơyh nau ngơi Kôranh Brah kăl e nơh lĕ nchih jêh ma Brah Krist.

Luka 24:44

Păng lah ma khân păng: “Dja nau Gâp mbơh ma khân ay may dôl Gâp hôm gŭ ndrel khân ay may nơh, aƀaơ dja Gâp mbơh tay ma khân ay may du tơ̆ jât: Dâng lĕ nau bu nchih lah ma Gâp kăl e nơh geh ta samƀŭt Nau Vay Môsê, ta samƀŭt bunuyh ntơyh nau ngơi Kôranh Brah, ndrel ma ta samƀŭt Nau Mprơ Ơm, păng geh ngăn kơt nây ro.”

Yôhan 1:45

Philip hăn mbơh nkoch ma Nathanel: “Hên lĕ say i Bunuyh Môsê de lĕ nchih ta samƀŭt Nau Vay kăl e nơh, ndrel ma mpôl bunuyh ntơyh nau ngơi Kôranh Brah lĕ nkoch lor ma Păng kăl e nơh đŏng. Păng rnha Yêsu tă bơh ƀon Nasaret, Păng i kon Yôsep.”

Yôhan 12:41

Êsai ngơi kơt nây, yorlah kăl e nơh păng lĕ say nau chrêk lơp Brah Yêsu, jêh ri păng mbơh nkoch lor ma Brah Yêsu.

Yôhan 5:37

Bơ̆ Gâp i tơm njuăl Gâp, Păng ăn bu gĭt ma nau khlay Gâp. Yơn ma du bông nau rêh khân may mâu ôh tăng bŏr Păng, muh măt Păng khân may mâu say đŏng.

Yôhan 5:39

Khân may nsrôyh uănh Nau Kôranh Brah Ngơi, yor ma khân may mân lah geh nau rêh n'ho ro tă bơh nau i nây. Jêh ri Nau Kôranh Brah Ngơi i nây mbơh nkoch ma nau khlay Gâp,

Kôranh Oh Mon 10:43

Dâng lĕ mpôl bunuyh ntơyh nau ngơi Kôranh Brah kăl e nơh, lĕ nkoch jêh nau khlay Kôranh Yêsu. Khân păng nkoch Kôranh Brah yô̆ nđach mâu hôm kơp nau tih ma dâng lĕ bunuyh i nsing ma Brah Krist, yor ma ndơ Păng lĕ jêh jan.”

Kôranh Oh Mon 3:18

Lĕ nau i khân ay may jan nây jêng Kôranh Brah nơm ăn hoch ngăn, jêng di đah nau Păng lĕ jêh nkoch ăn ma lĕ bunuyh ntơyh nau ngơi Păng kăl e nơh, khân păng nchih: Brah Krist i Păng lĕ ton njŭn nơh, iăt ma dơn nau jêr jŏt, ndrel ma nau khât ro.

Kôranh Oh Mon 3:22

Môsê kăl e nơh, lĕ nchih ma Brah Krist kơt nđa: ‘Kôranh Brah i Brah khân ay may yơk mbah, jât năp tay Păng ăn geh du huê jât Bunuyh ntơyh nau ngơi Kôranh Brah tâm ban ma gâp, Păng oh nô khân ay may. Ăn khân ay may iăt lĕ nau Păng mbơh.

Kôranh Oh Mon 3:24

Dâng lĕ bunuyh ntơyh nau ngơi Kôranh Brah kăl e nơh, ntơm bơh Samuel, khân păng nkoch lor lĕ ndơ i lĕ geh ta rnôk aƀaơ dja.

Kôranh Oh Mon 7:37

Môsê i dja lah ma phung Israel: ‘Jât năp tay Kôranh Brah ăn geh du huê Bunuyh ntơyh nau ngơi Kôranh Brah tă bơh oh nô khân ay may, tâm ban ma gâp [, ăn khân ay may iăt nau Păng dô]’.

Kôranh Oh Mon 8:35

Philip mbơh nkoch nau mhe mhan ueh Brah Yêsu ăn păng gĭt, ntơm bơh trong Nau Kôranh Brah Ngơi nây.

Nau Tâm Mpơl 19:10

Jêh ri gâp păn ŭch yơk mbah ta jŏng tông păr i nây, yơn ma păng lah ma gâp: “Lơi jan kơt nây ôh, yorlah gâp jêng nơm sơm kơl jan kar ndrel may, nđâp ma nơm sơm kơl jan kar ndrel phung oh nô may ta nau nsing i mbơh nkoch ma bu nau Brah Yêsu jêng kôranh khân păng nơm đŏng. Yơk mbah ma Kôranh Brah hŏ! Yorlah nau mbơh nkoch ma bu nau Brah Yêsu jêng kôranh khân păng nơm, jêng nau ntơyh nau ngơi Kôranh Brah.”