Luka 16:17 - Bunong Bible Latin Script Cambodian dialect

¹⁷ Yơn ma nau vay phung bân i Kôranh Brah ăn mâu ôh dơi rgâl. Trôk, ndrel ma neh ntu blao roh, yơn ma ta nau vay i nây bol lah ta nau i dŭt jê̆ kađôi mâu ôh blao roh.

Bunong

¹⁷ យើន​មា​នាវ​វៃ​ផូង​ឞ៝ន់​អី​កោរាញ​ឞ្រាស​អ៝ន់​មោ​អោស​ទើយ​រាគ៝ល់។ ត្រោក នទ្រែល​មា​នែស​នតូ​ឞ្លាវ​រ៝ស យើន​មា​តា​នាវ​វៃ​អី​នៃ​ឞ៝ល​លាស​តា​នាវ​អី​ទុត​ជេៈ​កាដោយ​មោ​អោស​ឞ្លាវ​រ៝ស។

Nau Brah Ndu Ngơi 2023

¹⁷ Trôk neh rlau lôch dơh lơn ma nau jut lơi du rplay samƀŭt dŭt jê̆ tâm nau vay.

Luka 16:17 ပူးပေါင်းရင်းမြစ်များ

Mathay 5:18

Gâp lah n'hêl nanê̆ ngăn ma khân ay may, lah trôk, ndrel ma neh ntu ê hŏ lôch ôh, mâu geh ôh roh du rplây rso ta samƀŭt Nau Vay i nây, du ntil ta rplây rso dŭt jê̆ mâu roh đŏng, Nau Kôranh Brah Ngơi i nây hôm ƀaƀơ tât lôch dâng lĕ.

Luka 21:33

Trôk neh ntu mra roh lêk ro, yơn ma nau Gâp ngơi mâu ôh blao roh lêk, hôm geh dâng lĕ ngăn.”

Samƀŭt Pôl Njuăl Ăn Ma Phung Nsing Ta Ƀon Rôm 3:31

Lah ndri ah nau nsing ma Brah Yêsu geh n'groh lơi nau vay Môsê lah mâu? Mâu ôh! Yơn ma lah bân nsing ma Brah Yêsu dâng bân ndjôt ngăn nau vay i nây.

I Pêtrôs 1:25

Yơn ma nau ngơi Kôranh Brah hôm ƀaƀơ n'ho ro’. Nau ngơi Kôranh Brah i nây jêng nau mhe mhan ueh i lĕ bu mbơh nkoch ăn ma khân ay may nây nơh.

II Pêtrôs 3:10

Nar Kôranh Yêsu văch, bu mâu ôh gĭt lor, jêng tâm ban ma bunuyh ntŭng hăn ntŭng bu. Nôk nây trôk mra lêk lĕ phiao nđâp ma dŭt nteh, jêh ri dâng lĕ ntil ndơ ŭnh mra sa lĕ phiao, jêh ri neh ntu, nđâp ma dâng lĕ ndơ bu jan ta neh ntu nơh bu mra say n'hêl nanê̆ ngăn, gay ma Kôranh Brah phat dôih.

Nau Tâm Mpơl 20:11

Jêh ri gâp say du mlŏm rnơl kađăch kuŏng ngăn, rnơl i nây nglang, say nđâp ma Nơm i gŭ ta rnơl i nây đŏng. Trôk, ndrel ma neh ntu du lôh bơh Nơm i nây lĕ phiao, jêh ri mâu hôm say jât ôh.

Nau Tâm Mpơl 21:1

Nôk nây gâp say trôk mhe, ndrel ma neh ntu mhe, yorlah trôk ơm, ndrel ma neh ntu ơm roh lĕ phiao jêh, mâu hôm geh dak văch dak văr đŏng.

Nau Tâm Mpơl 21:4

Kôranh Brah mra sơm jut dâng lĕ dak măt khân păng, Mâu hôm ôh geh nau khât, Mâu hôm ôh geh nau nhŭm rngot Mâu hôm ôh geh nau jêr jŏt jât, Yorlah dâng lĕ ndơ ơm i geh a lor nơh lĕ roh lĕ phiao jêh.”