Luka 13:16 - Bunong Bible Latin Script Cambodian dialect

¹⁶ Bu ur dja kon sau Abrahăm i che phung bân đŏng. Satăng i kôranh mpôl brah djơh kât păng lĕ jŏ 18 năm ngăn, lah ndri Gâp rklaih păng ta nar Saƀăt ơm mâu di ƀah?”

Bunong

¹⁶ ឞូ​អូរ​អ្យា​ក៝ន​ឆៅ​អាឞ្រាហាម់  ​អី​ចែ​ផូង​ឞ៝ន់​ដ៝ង់។ ឆាតាង់  ​អី​កោរាញ​មពោល​ឞ្រាស​អ្យើស​ក៝ត់​ពាង់​លែៈ​ជ៝ៈ ១៨ នាម់​ងាន់ លាស​នទ្រី​គ៝ប់​រាក្លាយ្ស​ពាង់​តា​នារ​ឆាបាត់  ​អើម​មោ​ទី​បាស?”

Nau Brah Ndu Ngơi 2023

¹⁶ Bi bu ur aơ jêng kon bu ur Y-Abraham, Satan kât păng lĕ jât ma pham năm jêh, mâu dơi doh ma păng tâm nar saƀat lĕ ƀơh?”

Luka 13:16 ပူးပေါင်းရင်းမြစ်များ

Mathay 4:10

Brah Yêsu lah: “Hơi Satăng, ăn may du hŏm! Yorlah ta Nau Kôranh Brah Ngơi lĕ nchih jêh: ‘Đă khân ay may yơk mbah ma Kôranh Brah i Brah khân ay may nơm, Jan kar iăt nau du huê Păng i nây dơm’.”

Markôs 2:27

Brah Yêsu lah jât: “Kôranh Brah đă kon bunuyh rlu ta nar Saƀăt gay ma kơl kon bunuyh, mâu geh ôh Păng njêng kon bunuyh jan dâk ma nar Saƀăt!

Luka 16:24

Bunuyh ndrŏng i nây nter kuăl che Abrahăm: ‘Hơi che! Dăn may yô̆ nđach ma gâp ƀă ơ. Sơm đă Lasar đă păng yŭk dak ma lau ti, jêh ri ntrôh ta mpiăt gâp dja ăn ma nđik oi, yorlah gŭ ta ŭnh dja geh nau rêh nji dŭt hô ngăn’.

Luka 19:9

Brah Yêsu lah ma păng: “Nar dja nau rklaih lĕ tât jêh ma bunuyh ta jay dja, yorlah may dja nsing ma Kôranh Brah, tâm ban ma che Abrahăm bân đŏng.

Luka 3:8

Lah khân ay may mâu ŭch Kôranh Brah tê̆ dôih, lah ndri gŭ sŏng jan ueh hŏm, gay ma gĭt say nuih n'hâm khân ay may lĕ rgâl ngăn ro. Lơi hôm lah êng ta săk khân ay may nơm: ‘Gâp lĕ sau Abrahăm ngăn, ndri Kôranh Brah mâu hôm ôh tê̆ dôih’. Gâp lah ma khân ay may, jêng sau Abrahăm dơm mâu ôh geh nau khlay, lŭ dja Kôranh Brah sŏ jan sau Abrahăm jêng đŏng.

Yôhan 8:44

Bơ̆ khân ay may nơh Satăng i kôranh mpôl brah djơh, khân ay may ŭch jan tâng nau păng ŭch. Păng nkhât bunuyh bơh ntơm saơm ngăn, păng i nơm mƀrôh, ndrel ma păng mâu ôh ngơi nau ngăn, yorlah ta nuih n'hâm păng mâu geh ôh nau ngăn. Dôl păng mbơh ngơi mƀrôh, păng tâm di ma nuih n'hâm păng nơm ro, yorlah păng nơh jêng nơm mƀrôh, ndrel ma jêng nơm tơm dâng lĕ nau mƀrôh đŏng.

Kôranh Oh Mon 13:26

“Hơi khân ay may i phung oh nô kon sau Abrahăm, ndrel ma phung klach iăt nau Kôranh Brah i mâu di phung Israel! Ma bân dâng lĕ i Kôranh Brah ăn gĭt mơm Păng jan gay ma rklaih bunuyh.

II Timôthê 2:26

jêh ri ăn khân păng kah gĭt săk du klaih bơh dăk Satăng i kôranh mpôl brah djơh, i lĕ nhŭp kât khân păng, nchâp khân păng đă jan tâng nau păng ŭch.