I Timôthê 5:22 - Bunong Bible Latin Script Cambodian dialect

²² Lơi ôh ngăch ir tê̆ ti ta du huê bunuyh gay ma đă jan kar ta phung nsing ma Brah Yêsu Krist, gay ma bu lơi kơp may jan tih ndrel bunuyh i nây, lah nau gŭ ngao păng mâu ueh. Ăn gŭ mât săk may nơm ăn kloh ueh hŏ.

Bunong

²² លើយ​អោស​ងាច់​អីរ​តេៈ​តី​តា​ទូ​ហ្វេ​ឞូនុយ្ស​គៃ​មា​ដាៈ​ជាន​ការ​តា​ផូង​ញឆីង​មា​ឞ្រាស​យេឆូ​ក្រីស  គៃ​មា​ឞូ​លើយ​កើប​មៃ​ជាន​តីស​នទ្រែល​ឞូនុយ្ស​អី​នៃ លាស​នាវ​គុ​ងាវ​ពាង់​មោ​អ្វែស។ អ៝ន់​គុ​ម៝ត់​ឆាក់​មៃ​នើម​អ៝ន់​ក្ល៝ស​អ្វែស​ហ៝ៈ។

Nau Brah Ndu Ngơi 2023

²² Ƀât ngăch ir pah ti ta bu ôh, mâu đŏng mbŭk ti tâm nau tih bơh bunuyh êng. Djôt prăp hom may nơm ma nau kloh rsang.

I Timôthê 5:22 ပူးပေါင်းရင်းမြစ်များ

Kôranh Oh Mon 13:3

Jêh khân păng ăt sông, ndrel ma mbơh sơm, jêh ri khân păng tê̆ ti ta bar hê khân păng nây, n'ho ma ăn khân păng hăn ro gay ma jan kar i Brah Huêng Ueh đă khân păng nây.

Kôranh Oh Mon 18:6

Yor ma phung Israel tâm rdâng ma păng, ndrel ma rak suai păng đŏng, păng rtôh bok ao păng nơm gay ma nhhơ păng ŭch tâm nkhah ma khân păng ngăn, n'ho ma lah ma phung nây: “Lah Kôranh Brah tê̆ dôih ma khân ay may, yor ma nau tih khân ay may nơm dơm, mâu hôm ôh yor ma gâp, ntơm bơh nar dja jât năp gâp hăn nti phung i mâu di phung Israel.”

Kôranh Oh Mon 20:26

Kơt ndri gâp mbơh nkoch nau khlay ma khân ay may nar dja: Lah ta phung khân ay may geh du huê mâu geh rklaih, mâu ôh di yor ma nau tih gâp,

Kôranh Oh Mon 6:6

Jêh ri khân păng leo pơh nuyh nây hăn dâk bơh năp mpôl kôranh oh mon ri, mpôl kôranh oh mon mbơh sơm tê̆ ti ta khân păng nây,

Êphêsô 5:11

Lơi jan ndơ djơh ndrel bunuyh i hôm tâm ban ma gŭ ta nau ngo, yorlah tă bơh nau ngo i nây mâu geh ôh ndơ geh khlay. Iăt ma ăn bu gĭt ndơ djơh i păng jan.

I Timôthê 3:10

Ăn bu rlong nuih n'hâm păng lor ƀŏt, lah mâu ôh say geh nau ma nduih ta păng, ăn păng jan kar jêng bunuyh kơl jan kar ta phung nsing ma Brah Yêsu Krist dô.

I Timôthê 3:2

Lah ndri nơm kôranh mât uănh phung nsing ma Brah Krist Yêsu, ăn păng jêng bunuyh mâu geh ôh jan du ntil ndơ djơh ta păng, jêng bunuyh geh ur nguai dơm hŏ, bunuyh gĭt njing nau ueh nau djơh, bunuyh blao mât njrăng săk, gŭ ngao ueh, blao rom bu năch ta jay păng nơm, blao ntŭm nti bu,

I Timôthê 3:6

Bunuyh mhe sât nsing, mâu ôh ăn păng jan kôranh mât uănh, klach lah păng n'hi êng săk, jêh ri jêng geh dôih tâm ban ma Satăng i kôranh mpôl brah djơh.

I Timôthê 4:12

Lơi ôh ăn bu mưch may yor ma may hôm kon se, yơn ma ta nau mbơh ngơi, ta nau gŭ ngao, ta nau rŏng, ta nau nsing, ta nau kloh ueh, ăn may leo nau ueh ma lĕ rngôch phung nsing.

I Timôthê 4:14

Nôk phung kôranh phung nsing ma Brah Yêsu Krist tê̆ ti mbơh sơm ma may nơh, geh du huê bunuyh ntơyh nau ngơi Kôranh Brah mbơh ăn ma may, nđâp ma Kôranh Brah ăn dơm dam ma may nau dơi du ntil i tă bơh Brah Huêng Ueh. Lơi ƀlao ôh dŏng nau dơi i nây.

II Timôthê 1:6

Kơt ndri dâng gâp nkah may, ăn may dŏng lơ ma hô nau dơi i tă bơh Brah Huêng Ueh i Kôranh Brah lĕ ăn dơm dam ma may nôk gâp mbơh sơm tê̆ ti nơh,

II Timôthê 2:2

Dâng lĕ nau gâp i may lĕ tăng jêh ta năp bunuyh ŏk nơh, ăn may jao nau i nây ma bunuyh i răp jăp i blao đơn ntŭm nti bunuyh êng jât.

ហេឞ្រើ 6:2

nau ƀăptem yŭk ma dak, nau mbơh sơm tê̆ ti, nau dâk rêh tay, mâu lah nau Kôranh Brah tê̆ dôih n'ho ro.

II Yôhan 1:11

Bu moh i ôp nau ueh lăng bunuyh i kơt nây, jêng lĕ tâm di nau ndrel nau djơh bunuyh i nây jan đŏng.

Nau Tâm Mpơl 18:4

Jêh ri gâp tăng nteh bŏr jât tă bơh kalơ trôk: “Ơ phung ƀon lan Gâp nơm! Ăn leo băl lôh hŏm bơh ƀon dja, Gay ma lơi ôh geh nau tih ndrel khân păng, Klach lah geh nau jêr Ndrel khân păng.