I Pêtrôs 4:12 - Bunong Bible Latin Script Cambodian dialect

¹² Ơ oh nô ta nau nsing i gâp rŏng, khân ay may lơi ôh ndrŏt hih rhŏl nau bu jan jêr jŏt i dŭt hô i geh ta khân ay may nây, jêng ndơ i rlong khân ay may. Dâng lĕ phung nsing ma Brah Krist geh nau jêr jŏt.

Bunong

¹² អើ​អ៝ស​នោ​តា​នាវ​ញឆីង​អី​គ៝ប់​រ៝ង់ ខាន់​អៃ​មៃ​លើយ​អោស​នទ្រ៝ត់​ហីស​រាហ៝ល់​នាវ​ឞូ​ជាន​ជេរ​ជ៝ត់​អី​ទុត​ហោ​អី​គែស​តា​ខាន់​អៃ​មៃ​នៃ ជេង​នទើ​អី​រាល៝ង​ខាន់​អៃ​មៃ។ ទឹង​លែៈ​ផូង​ញឆីង​មា​ឞ្រាស​ក្រីស  ​គែស​នាវ​ជេរ​ជ៝ត់។

Nau Brah Ndu Ngơi 2023

¹² Hơi phung gâp rŏng, tơlah ŭnh nau rlong uănh tât gay rlong uănh khân may, lơi dĭng hih rhâl nâm bu khân may nơm mâp du ntil nau êng ang.

I Pêtrôs 4:12 ပူးပေါင်းရင်းမြစ်များ

I Kôrintô 10:13

Nau ndơm i geh ma khân ay may, jêng nau ndơm i vay geh ma dâng lĕ bunuyh. Kôranh Brah răp jăp ngăn, Păng mâu ôh ăn Satăng i kôranh mpôl brah djơh ndơm khân ay may rlau bơh n'hâm suan khân ay may dơi, yơn ma nôk khân ay may mâp nau ndơm, Păng mra ăn trong ma khân ay may der, dơi nsrôyh ăt.

I Kôrintô 3:13

ta nar Kôranh Brah văch phat dôih tay, ndơ i du huê du huê bunuyh lĕ jan nây mra say n'hêl ro, yorlah ta nar nây văch tâm ban ma ŭnh, jêh ri ŭnh i nây mra rlong su ndơ i bunuyh lĕ jêh jan du huê du huê săk nơh.

II Timôthê 3:12

Bu moh i ŭch gŭ rêh tâm di ma nau Kôranh Brah ŭch, nsing ma Brah Krist Yêsu, geh bu jan jêr đŏng.

I Pêtrôs 2:11

Ơ oh nô ta nau nsing i gâp rŏng, khân ay may i tâm ban ma bunuyh phung bu năch bri êng ta neh ntu dja, i tâm ban ma bunuyh i gŭ njơh ta neh ntu dja du ƀlât dơm, gâp dăn khân ay may hô ngăn, ăn khân ay may der hŏm bơh nau kơnh djơh, yorlah nau kơnh i nây tâm ban ma tâm rdâng đah khân ay may, ŭch nking khân ay may mâu ăn iăt nau Kôranh Brah ŭch.

I Pêtrôs 4:4

Bu mâu vât ôh, say khân ay may mâu hôm lăp ndrel khân păng jan tay ndơ djơh i dŭt ŏk dŭt hô nây jât, ndri dâng khân păng ngơi mưch khân ay may.

I Pêtrôs 5:9

Lơi ôh iăt jan tâng nau păng, ăn khân ay may gŭ nâp rkâk, ăn geh nau nsing nâp, yorlah khân ay may lĕ gĭt jêh, phung oh nô khân ay may ta nau nsing lam neh ntu dja, khân păng geh nau jêr jŏt kơt khân ay may đŏng.