I Kôrintô 7:34 - Bunong Bible Latin Script Cambodian dialect

³⁴ jêh ri ta nau mân păng geh nau rvê bar ntil, rvê ma Kôranh Brah, rvê ma ur đŏng. Bu ur i mâu geh sai, ndrel ma bu ur hôm drôh păng rvê ma nau Kôranh Brah dơm, mân êng lah, mơm sơm kơl jan kar ma Kôranh Brah ma lĕ nuih n'hâm, ma lĕ săk jăn. Lŏng bu ur i lĕ geh sai, păng rvê ma ndơ ta neh ntu dja, mân êng lah, mơm jan gay ma ăn sai de răm.

Bunong

³⁴ ជេសរី​តា​នាវ​មឹន​ពាង់​គែស​នាវ​រាវៃ​ឞារ​នតីល រាវៃ​មា​កោរាញ​ឞ្រាស រាវៃ​មា​អូរ​ដ៝ង់។ ឞូ​អូរ​អី​មោ​គែស​ឆាយ នទ្រែល​មា​ឞូ​អូរ​ហោម​ទ្រោស​ពាង់​រាវៃ​មា​នាវ​កោរាញ​ឞ្រាស​ទើម មឹន​អេង​លាស មើម​ឆើម​កើល​ជាន​ការ​មា​កោរាញ​ឞ្រាស​មា​លែៈ​នូយ្ស​នហ៝ម់ មា​លែៈ​ឆាក់​ជាន់។ ល៝ង់​ឞូ​អូរ​អី​លែៈ​គែស​ឆាយ ពាង់​រាវៃ​មា​នទើ​តា​នែស​នតូ​អ្យា មឹន​អេង​លាស មើម​ជាន​គៃ​មា​អ៝ន់​ឆាយ​ទែ​រាម់។

Nau Brah Ndu Ngơi 2023

³⁴ jêh ri khân păng geh nau pă tâm nau mĭn. Bu ur mâu sŏk sai, mâu lah bu ur druh rvê ma nau kan Kôranh Brah, joi ăn săk jăn jêh ri nuih n'hâm geh nau kloh ueh; ƀiălah bu ur geh sai, păng rvê ma ndơ neh ntu, joi nau ƀư maak nuih n'hâm ma sai păng.

I Kôrintô 7:34 ပူးပေါင်းရင်းမြစ်များ

Yôhan 10:13

Păng nchuăt nơh, yorlah păng jan kar gay ma geh ndơ nkhôm dơm, păng mâu ôh rvê ma be biăp.

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi hôm ôh ăn du ntil ndơ ta săk jăn khân ay may jan ndơ djơh ndơ tih, yơn ma jao khân ay may nơm ma Kôranh Brah, yorlah bơh ntơm nơh khân ay may tâm ban ma lĕ khât, yơn ma aƀaơ dja khân ay may lĕ geh nau rêh mhe, ndri dâng, dŏng dâng lĕ săk jăn khân ay may, gay ma jan ndơ sŏng ndơ ueh ăn ma Kôranh Brah dô.

I Kôrintô 6:20

yorlah Kôranh Brah lĕ tŏm rnoh khlay ŏk ngăn ma chuai khân ay may. Lah ndri ăn khân ay may dŏng săk jăn khân ay may nơm nây ma rnê Kôranh Brah.

I Kôrintô 7:33

Lŏng bunuyh i lĕ geh ur, păng rvê ma ndơ ta neh ntu dja, mân êng lah, mơm jan gay ma ăn ur de răm,

I Kôrintô 7:35

Gâp ngơi nau i nây gay ma ueh ma khân ay may, gâp mâu ôh ŭch nchâp khân ay may, gâp ŭch khân ay may gŭ ngao ueh, jan kar ăn ma Kôranh Brah mâu geh nau rkhuak.

II Kôrintô 11:28

Rlau bơh nây jât, ăp nar gâp geh nau rvê đŏng ma dâng lĕ phung nsing ăp ntŭk.

II Kôrintô 8:16

Lah ueh ma Kôranh Brah, yorlah Păng ăn Titus geh nuih n'hâm gơyh nđơr ŭch kơl khân ay may kơt gâp đŏng.

Philip 1:20

Gâp ŭch hô ngăn, ndrel ma rnơm nâp rkâk, gâp mâu ôh geh nau đit prêng ta năp Kôranh Brah, đê̆ mâu ơm, yorlah gâp hôm gŭ nâp ta Păng tât lôch. Jêh ri gâp ŭch hô ngăn, ndrel ma rnơm nâp rkâk, gâp mâu ôh geh nau đit prêng tă bơh gâp hôm mbơh nkoch Brah Krist ma nuih n'hâm dŭt bănh kơt ơm đŏng, Brah Krist geh nau rnê tă bơh săk gâp, bol lah gâp hôm rêh, mâu lah khât kađôi.

I Têsalônik 5:23

Dăn Kôranh Brah i tơm nau đăp mpăn jan ăn khân ay may ăn kloh ueh ăn lam. Jêh ri dăn Păng mât njrăng nuih n'hâm, nau mân, săk jăn ăn kloh ueh mâu ôh geh nau ma nduih ta nar Brah Yêsu Krist i Kôranh bân nơm văch ta dja.

I Timôthê 3:5

Lah păng mâu blao mât uănh rnăk vâl păng nơm, mơm păng blao mât uănh phung nsing Kôranh Brah!

I Timôthê 5:5

Bu moh bu ur ndrô lĕ khât sai mâu hôm geh ntŭk nsing ngăn, gŭ rêh du huê êng dơm, lah ndri ăn nsing ma Kôranh Brah, jêh ri măng nar ăn păng nsrôyh mbơh sơm, dăn Kôranh Brah kơl.

Titus 3:8

Nau i nây jêng ngăn. Gâp ŭch may nti n'hêl nanê̆ ngăn dâng lĕ nau i nây, gay ma bu moh i lĕ nsing ma Kôranh Brah nsrôyh jan ndơ ueh. Nau i nây jêng ueh, ndrel ma geh nau khlay ngăn ăn ma dâng lĕ bunuyh.