I Kôrintô 7:23 - Bunong Bible Latin Script Cambodian dialect

²³ Kôranh Brah lĕ tŏm rnoh khlay ŏk ngăn ma chuai khân ay may. Lah ndri ăn khân ay may gŭ ta nâm Kôranh Brah, iăt nau Păng, lơi hôm jan tâng nau tih đah nau Kôranh Brah ŭch kơt bunuyh i mâu nsing.

Bunong

²³ កោរាញ​ឞ្រាស​លែៈ​ត៝ម់​រាន៝ស​ខ្លៃ​អ៝ក់​ងាន់​មា​ច្វាយ​ខាន់​អៃ​មៃ។ លាស​នទ្រី​អ៝ន់​ខាន់​អៃ​មៃ​គុ​តា​ន៝ម់​កោរាញ​ឞ្រាស អ្យាត់​នាវ​ពាង់ លើយ​ហោម​ជាន​តឹង​នាវ​តីស​ដាស​នាវ​កោរាញ​ឞ្រាស​អុច​កើត​ឞូនុយ្ស​អី​មោ​ញឆីង។

Nau Brah Ndu Ngơi 2023

²³ Bu rvăt jêh khân may ma rnoh dŭt prêh; lơi plơ̆ jêng dĭk ma kon bunuyh.

I Kôrintô 7:23 ပူးပေါင်းရင်းမြစ်များ

Mathay 6:24

“Mâu geh ôh du huê bunuyh blao jan kar ăn ma bar hê kôranh, yorlah păng mra rŏng ma du huê kôranh, jêh ri biănh ma du huê kôranh, mâu lah tâng jât du huê, mưch i du huê ri. Kơt ndri khân ay may mâu dơi ôh gay geh nau rêh n'ho ro ta Kôranh Brah, gay geh nđâp ma drăp ndơ ta neh ntu đŏng.

Kôranh Oh Mon 20:28

Kơt ndri ăn khân ay may gŭ mât njrăng săk, ndrel ma mât njrăng phung nsing, yorlah Brah Huêng Ueh i kloh ueh lĕ ăn jêh nau kar dja ma khân ay may, ăn khân ay may mât phung nsing ma Kôranh Brah, i lĕ jêh Kôranh Brah chuai ma mham Kon Păng nơm.

I Kôrintô 6:20

yorlah Kôranh Brah lĕ tŏm rnoh khlay ŏk ngăn ma chuai khân ay may. Lah ndri ăn khân ay may dŏng săk jăn khân ay may nơm nây ma rnê Kôranh Brah.

Galati 2:4

Geh đŏng bunuyh aƀă i ndra jan nsing ma Brah Krist, lăp ntŭng ta phung hên, ŭch Titus koh ntô kađôi, yơn ma phung kôranh ta phung nsing kŏ mâu nchâp păng đŏng. Khân păng man ma lăp gay ma mêt uănh gĭt hên hôm jan tâng dâng lĕ nau vay Môsê mâu lah mâu, khân păng ŭch dâng lĕ phung nsing jan tâng nau vay i nây tâm ban ma jêng dâk ma nau vay i nây, tih ma yorlah Brah Krist lĕ rklaih bu moh i nsing ma Păng, lah ndri mâu hôm khăch ôh jan tâng dâng lĕ nau vay i nây.

Titus 2:14

Brah Yêsu lĕ njŭn jêh săk Păng nơm ma khât, gay ma rklaih bân klaih bơh nau tih ăp ntil, nđâp ma jan kloh bunuyh du phung ăn ma Păng nơm, jêng ƀon lan i gơyh jan ndơ ueh.

I Pêtrôs 3:18

Brah Krist lĕ dơn jêh nau jêr jŏt n'ho ma tât khât, yor ma nau tih bân đŏng, Păng mâu ôh khăch khât tay du tơ̆ jât gay ma n'groh lơi nau tih bân. Bol lah Păng jêng nơm i sŏng, Păng hôm dơn ntrŏ nau jêr jŏt ăn ma phung bân i bunuyh djơh, gay ma leo phung bân gŭ ndrel a Kôranh Brah nơm. Nôk Păng jêng bunuyh, bu nkhât Păng, yơn ma Brah Huêng Ueh lĕ ăn Păng dâk rêh jêh.

Nau Tâm Mpơl 5:9

Jêh ri khân păng mprơ nau mprơ mhe du nau: “May di ngăn ma sŏ samƀŭt i nây N'ho ma plôk tra đŏng, Yorlah May lĕ bu nkhât lơi, jêh ri May lĕ chuai jêh bunuyh ma mham May nơm, Gay ma khân păng jêng ƀon lan Kôranh Brah, bơh dâng lĕ rnoi deh, bơh dâng lĕ nau ngơi, Bơh dâng lĕ ndŭl mpôl bunuyh, ndrel ma bơh dâng lĕ bri dak.