I Kôrintô 14:29 - Bunong Bible Latin Script Cambodian dialect

²⁹ Mpôl bunuyh ntơyh nau ngơi Kôranh Brah, ăn bar pe nuyh hŏ mbơh nkoch, jêh ri phung nsing ma gŭ mêt uănh hŏ.

Bunong

²⁹ មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស អ៝ន់​ឞារ​ពែ​នុយ្ស​ហ៝ៈ​មឞើស​ងក៝ច ជេសរី​ផូង​ញឆីង​មា​គុ​មេត​អ្វាញ់​ហ៝ៈ។

Nau Brah Ndu Ngơi 2023

²⁹ Knŏng geh đŏng bar mâu lah pe nuyh ngơi nau mbơh lor dơm, bi phung êng sek uănh nau khân păng ngơi.

I Kôrintô 14:29 ပူးပေါင်းရင်းမြစ်များ

Kôranh Oh Mon 13:1

Phung nsing ma Brah Krist ta ƀon Ŏntiyôk ri, geh bunuyh aƀă jêng phung ntơyh nau ngơi Kôranh Brah, bunuyh aƀă jêng phung nơm nti. Ta nây geh Ƀarnaƀas, geh Simêôn i bu kuăl Niger, geh Lukês tă bơh ƀon kuŏng Kiren, geh Manaên i bu mât bơh jê̆ gŭ ndrel Hêrôt-Ŏntipas i kôranh mât uănh bri Galilê, ndrel ma geh Sôl.

I Kôrintô 12:10

Păng ăn du huê bunuyh jât ăn nau dơi ma jan ndơ lĕ nau ngăn, ăn du huê bunuyh jât blao ntơyh nau ngơi Kôranh Brah, ăn du huê bunuyh jât blao gĭt năl moh nau tă bơh Kôranh Brah mâu lah mâu, ăn du huê bunuyh jât blao ngơi nau ngơi êng êng i păng mâu geh nti, jêh ri ăn du huê jât ma blao rblang dâng lĕ nau ngơi i nây.

I Kôrintô 13:2

Lah gâp blao ntơyh nau ngơi Kôranh Brah, ndrel ma gĭt vât dâng lĕ ndơ i ndŏp mpôn ta Kôranh Brah, nđâp ma geh nau gĭt vât ăp ntil ngăn, jêh ri lah gâp geh nau nsing dŭt kuŏng dơi đă yôk du bơh ntŭk dja gŭ ntŭk êng, tih ma gâp mâu geh ôh nau rŏng ma bu, gâp jêng bunuyh mâu ôh geh nau khlay du ntil.

I Kôrintô 14:28

Ta nôk rƀŭn, lah mâu geh ôh bunuyh ma năk rblang nau ngơi i nây, bunuyh i blao nau ngơi êng êng i nây ăn gŭ răk klăk hŏ, ăn khân păng ngơi kơt nây ngơi êng ta nuih n'hâm khân păng nơm, ndrel ma ngơi đah Kôranh Brah hŏ.

I Kôrintô 14:30

Lah geh du huê bunuyh jât i gŭ rgơp ta nây, geh nau tâm mpơl tă bơh Kôranh Brah, lah ndri ăn bunuyh i dôl ngơi nây rlu ƀŏt,

I Kôrintô 14:32

Bunuyh ntơyh nau ngơi Kôranh Brah, lah geh nau ma ngơi, păng hôm blao ma ngơi, mâu lah mâu ngơi, dŭt ta păng nơm dơm,

I Kôrintô 14:37

Lah geh du huê bunuyh lah êng săk păng nơm i bunuyh ntơyh nau ngơi Kôranh Brah, mâu lah bunuyh i lĕ gĭt vât ndơ i geh khlay ta Kôranh Brah, ăn păng i nây sŏ dơn nau i gâp nchih nây, nau i nây jêng nau đă tă bơh Kôranh Brah ngăn.

I Kôrintô 14:39

Ơ oh nô ta nau nsing, nđơr kơnh hŏm ntơyh nau ngơi Kôranh Brah, jêh ri lơi ôh buay mâu ăn bu ngơi nau ngơi êng êng i nây.