I Kôrintô 10:20 - Bunong Bible Latin Script Cambodian dialect

²⁰ Mâu ôh! Ndơ i nây mâu ôh geh khlay, yơn ma dâng lĕ ndơ i khân păng ôp nây, khân păng ôp ma brah djơh, mâu ôh nhhơr ma Kôranh Brah. Kơt ndri dâng gâp mâu ŭch khân ay may tâm gŭ ndrel brah djơh, yor ma sa puăch ôp brah i nây.

Bunong

²⁰ មោ​អោស! នទើ​អី​នៃ​មោ​អោស​គែស​ខ្លៃ យើន​មា​ទឹង​លែៈ​នទើ​អី​ខាន់​ពាង់​អោប​នៃ ខាន់​ពាង់​អោប​មា​ឞ្រាស​អ្យើស មោ​អោស​ញហើរ​មា​កោរាញ​ឞ្រាស។ កើត​នទ្រី​ទឹង​គ៝ប់​មោ​អុច​ខាន់​អៃ​មៃ​តឹម​គុ​នទ្រែល​ឞ្រាស​អ្យើស យ៝រ​មា​ឆា​ព្វាច់​អោប​ឞ្រាស​អី​នៃ។

Nau Brah Ndu Ngơi 2023

²⁰ Mâu geh khlay ôh! Lĕ ndơ phung bu năch ƀư brah jêng ƀư brah ma phung brah mhĭk, mâu di nhhơr ma Brah Ndu ôh. Pôri, gâp mâu ŭch ôh khân may geh du kô̆ đah phung brah mhĭk.

I Kôrintô 10:20 ပူးပေါင်းရင်းမြစ်များ

Mathay 4:9

Păng lah ma Brah Yêsu: “Lah May păn yơk mbah ma gâp, dâng lĕ ndơ i nây gâp ăn ma May mât uănh dadê!”

II Kôrintô 4:4

Phung i nây mâu ôh nsing, yorlah lĕ Satăng i kôranh mpôl brah djơh jan ăn nuih n'hâm khân păng jêng ngo, mâu ôh ăn khân păng say nau ang ta nau mhe mhan ueh, nau mhe mhan ueh i nây nhhơ nau chrêk lơp Brah Krist, ndrel ma Păng tâm ban ma Kôranh Brah nơm ngăn.

Galati 4:8

A lor nơh khân ay may ê hŏ ôh gĭt năl Kôranh Brah, hôm jêng dâk ma brah êng êng i mâu di brah ngăn.

Nau Tâm Mpơl 2:14

Yơn ma Gâp nduih may nau aƀă, geh bunuyh aƀă ta phung may ndjôt nau ntŭm nti bơh du huê rnha Ƀalam i bơh kăl e nơh. Ƀalam i nây lĕ ntŭm nti ăn ma kađăch Ƀalăk leo ndơm phung Israel jan tih, leo khân păng sông sa ndơ bu ôp brah, ndrel ma ăn khân păng jan nau tâm dŏng, nau khơh kler jât.

Nau Tâm Mpơl 2:20

Yơn ma Gâp nduih may nguai, may hôm rom ăn bu ur Yêsiƀĭl, i kơp êng săk păng nơm lah bunuyh ntơyh nau ngơi Kôranh Brah, jêh ri ntŭm nti phung sơm kơl jan kar ma Gâp ăn tâm dŏng jan ndơ khơh kler, ndrel ma ăn sông sa ndơ ôp brah ma rup brah êng êng.

Nau Tâm Mpơl 9:20

Lŏng bunuyh i hôm rêh, i mâu khât ôh yor ma ndơ djơh dâng lĕ i nây, hôm kŏ mâu ŭch rgâl đŏng nuih n'hâm djơh bơh ndơ djơh khân păng jan, mâu ŭch ôh bah yơk mbah ma brah djơh, ma rup brah nklă i jan ma mayh, ma prăk, ma kông, ma lŭ, ndrel ma jan ma tơm si, jêng rup brah i mâu blao uănh say, mâu blao tăng, mâu blao brô̆ nây.