I Kôrintô 1:17 - Bunong Bible Latin Script Cambodian dialect

¹⁷ Brah Krist mâu ôh đă gâp hăn ma jan ƀăptem yŭk ma dak, Păng đă gâp gay ma mbơh nkoch nau mhe mhan ueh. Yơn ma gâp mbơh nkoch nau i nây mâu ôh dŏng nau ngơi geh nau mân gĭt blao i ueh ma iăt, klach lah n'groh lơi nau dơi ta nau khât Brah Krist ta si tâm rkăng.

Bunong

¹⁷ ឞ្រាស​ក្រីស  ​មោ​អោស​ដាៈ​គ៝ប់​ហាន់​មា​ជាន​បាប់តែម​យុក​មា​ទាក ពាង់​ដាៈ​គ៝ប់​គៃ​មា​មឞើស​ងក៝ច​នាវ​មហែ​មហាន​អ្វែស។ យើន​មា​គ៝ប់​មឞើស​ងក៝ច​នាវ​អី​នៃ​មោ​អោស​ទ៝ង់​នាវ​ងើយ​គែស​នាវ​មឹន​គឹត​ឞ្លាវ​អី​អ្វែស​មា​អ្យាត់ ក្លាច​លាស​ងគ្រ៝ស​លើយ​នាវ​ទើយ​តា​នាវ​ខឹត​ឞ្រាស​ក្រីស  ​តា​ឆី​តឹម​រាកាង់។

Nau Brah Ndu Ngơi 2023

¹⁷ Yorlah Brah Krist mâu ôh njuăl gâp hăn gay ƀư ƀaptem, ƀiălah gay ma mbơh nkoch Nau Mhe Mhan Ueh, mâu di ma nau blau ngơi ôh, klach lah nau brah si tâm rkăng Brah Krist mra roh nau brah.

I Kôrintô 1:17 ပူးပေါင်းရင်းမြစ်များ

Yôhan 4:1

Phung Pharisi tăng bu nkoch lah, Brah Yêsu geh oh mon ŏk rlau ma Yôhan-Ƀaptem, ndrel ma jan ƀăptem yŭk ma dak ăn ma bunuyh ŏk rlau ma păng đŏng.

Yôhan 4:2

Tât Brah Yêsu lĕ gĭt nau i nây, Păng lôh bơh bri Yuđa, plơ̆ sât tay ta bri Galilê. Yơn ma Brah Yêsu nơm mâu ôh jan ƀăptem yŭk ma dak ăn bu, geh mpôl oh mon Păng dơm jan.

Kôranh Oh Mon 10:48

Jêh ri Pêtrôs đă bu jan ƀăptem yŭk ma dak ăn ma mpôl i nây ta rnha Brah Yêsu Krist. Jêh jan ƀăptem ri, bu kŏn Pêtrôs ăn gŭ ndrel ta ri jŏ bar pe nar jât.

I Kôrintô 2:1

Ơ oh nô ta nau nsing, nôk gâp hăn a khân ay may mbơh nkoch nau Kôranh Brah nơh, gâp mâu geh ôh mbơh ngơi dŭt blao, mâu lah mbơh nkoch nau khlay Kôranh Brah ăn ma khân ay may ma nau mân gĭt blao jru.

I Kôrintô 2:13

Bân mbơh nkoch nau i nây mâu di tă bơh nau mân gĭt blao bunuyh ntŭm nti, yơn ma tă bơh Brah Huêng Ueh ntŭm nti. Bân mbơh nkoch nau i tă bơh Brah Huêng Ueh ăn ma bunuyh i lĕ geh Brah Huêng Ueh gŭ.

II Kôrintô 1:12

Ta nuih n'hâm hên nơm lĕ gĭt n'hêl, nau gŭ ngao hên ta neh ntu dja hên gŭ răp jăp ma lĕ nuih n'hâm, ngơi nau ngăn dơm, hên jan kơt nây ta năp dâng lĕ bunuyh, lơ ma hô jan ta năp khân ay may. Ta nau i nây, hên mâu ôh dŏng nau mân gĭt blao bunuyh, yơn ma gŭ ngao tâng ma nau Kôranh Brah nơm ŭch, tă bơh nau Păng kơl ma nau ueh Păng nơm. Gâp răm maak ngăn ma nau i nây.

II Kôrintô 10:10

Geh bunuyh aƀă ta phung khân ay may lah: “Ta samƀŭt Pôl geh nau ngơi dăng dăng ngăn, yơn ma nôk păng nơm hăn ta dja păng mâu ôh bănh ngơi dăng, jêh ri nau ngơi mâu đŏng geh khlay.”

II Kôrintô 11:6

Bol lah gâp mbơh ngơi mâu lăng blao kađôi, gâp hôm geh nau gĭt blao đŏng, kơt gâp lĕ nhhơ jêh nau i nây ma khân ay may dâng lĕ ntil ndơ nơh.

II Kôrintô 4:2

Hên rlăch mâu ŭch ôh jan ndơ ndŏp mpôn i geh nau đit prêng. Hên mâu ôh mƀrôh bu, mâu ôh nti nklă nau Kôranh Brah, hên mbơh nkoch nau ngăn ta năp măt Kôranh Brah, jêh ri bu moh i gĭt năl Kôranh Brah lĕ gĭt jêh nau i nây jêng di.

II Pêtrôs 1:16

Nau i hên mbơh nkoch ăn khân ay may gĭt năl nau dơi Brah Yêsu Krist i Kôranh bân, ndrel ma nau Păng mra plơ̆ văch nây, mâu ôh di hên mbơh nkoch dŭt blao nau nklă, yơn ma hên lĕ say nau chrêk lơp Păng nây ma trôm măt hên nơm.