II Têsalônik 3:3 - Bunong Bible Latin Script Cambodian dialect

³ Yơn ma Brah Yêsu geh nuih n'hâm răp jăp, Păng mra jan ăn khân ay may geh nuih n'hâm nâp, njrăng khân ay may mâu ôh ăn tŭp ta ti Satăng i kôranh mpôl brah djơh.

Bunong

³ យើន​មា​ឞ្រាស​យេឆូ  ​គែស​នូយ្ស​នហ៝ម់​រាប់​ជាប់ ពាង់​មរា​ជាន​អ៝ន់​ខាន់​អៃ​មៃ​គែស​នូយ្ស​នហ៝ម់​ន៝ប់ ញជ្រាង់​ខាន់​អៃ​មៃ​មោ​អោស​អ៝ន់​តុប​តា​តី​ឆាតាង់  ​អី​កោរាញ​មពោល​ឞ្រាស​អ្យើស។

Nau Brah Ndu Ngơi 2023

³ Kôranh Brah jêng răp jăp, Păng mra ƀư ma khân may ăn dăng jêh ri king n'gang khân may klaih bơh nơm djơh mhĭk.

II Têsalônik 3:3 ပူးပေါင်းရင်းမြစ်များ

Nau Ntơm 48:16

Dăn tông păr Kôranh Brah nơm i lĕ rklaih jêh gâp bơh ăp ntil nau jêr, dăn Păng ăn geh jêng ma kon bu klô bar hê dja Ăn bu hôm kah gĭt ma rnha săk gâp, rnha săk Abrahăm jêng che, ndrel ma rnha săk Isăk bơ̆ gâp, yor ma bar hê khân păng dja. Dăn ăn ma bar hê khân păng dja geh oh geh kon bâk rơ̆ ăn ŏk ngăn ta neh ntu dja”.

Mathay 5:37

Ăn khân ay may ngơi sŏng nâng hŏ ‘Ơ’, ăn gĭt lah ‘Ơ’, ‘Mâu’, ăn gĭt lah ‘Mâu’. Ndơ nau ngơi ntop jêng lôh tă bơh kôranh mpôl brah djơh dadê.”

Mathay 6:13

Kơl hên lơi ôh jan tih, nôk hên geh nau ndơm. Dăn rklaih hên bơh nau djơh mhĭk. [May jêng kađăch, May geh nau brah, ndrel ma geh nau chrêk lơp ƀaƀơ n'ho ro. Ơ ăn geh kơt nđa ngăn ro.]’

Luka 11:4

Yô̆ nđach lơi hôm kơp nau tih hên Tâm ban ma hên yô̆ nđach ma bunuyh jan tih ma hên, mâu hôm kơp nau tih păng đŏng. Kơl hên lơi ôh jan tih, nôk hên geh nau ndơm [dăn rklaih hên bơh nau djơh mhĭk]’.”

Yôhan 17:15

Gâp mâu ôh dăn May sŏ khân păng lôh bơh neh ntu dja, Gâp dăn May njrăng khân păng bơh Satăng i kôranh mpôl brah djơh.

I Kôrintô 1:9

Kôranh Brah răp jăp ngăn, Păng lĕ kuăl jêh khân ay may ăn gŭ tâm rnglăp ndrel Kon Păng nơm, jêng Brah Yêsu Krist i Kôranh bân.

I Kôrintô 10:13

Nau ndơm i geh ma khân ay may, jêng nau ndơm i vay geh ma dâng lĕ bunuyh. Kôranh Brah răp jăp ngăn, Păng mâu ôh ăn Satăng i kôranh mpôl brah djơh ndơm khân ay may rlau bơh n'hâm suan khân ay may dơi, yơn ma nôk khân ay may mâp nau ndơm, Păng mra ăn trong ma khân ay may der, dơi nsrôyh ăt.

I Têsalônik 5:24

Kôranh Brah i kuăl khân ay may nây, Păng geh nuih n'hâm răp jăp, Păng jan nau i nây tât ngăn ro.

II Têsalônik 2:17

n'hao nuih n'hâm khân ay may, ăn khân ay may geh n'hâm suan ma jan ăp ntil ndơ ueh, ndrel ma mbơh nkoch nau ueh đŏng.

II Timôthê 4:18

Kôranh Brah mra rklaih gâp bơh dâng lĕ nau djơh, Păng mra mât njrăng gâp ăn gâp gŭ ta bri kađăch Păng ta kalơ trôk ntŭk Păng nơm gŭ ri. Ăn rnê nau chrêk lơp Kôranh Brah nơm ƀaƀơ n'ho ro, ơ ăn geh kơt nây ngăn ro.

I Pêtrôs 5:10

Kôranh Brah dŭt geh nau ueh ăp ntil ngăn, Păng lĕ kuăl jêh khân ay may nây, gay ma ăn khân ay may sŏ dơn nau chrêk lơp i hôm ƀaƀơ n'ho ro yor ma ndơ Brah Krist lĕ jan nơh. Jêh khân ay may lĕ dơn nau jêr jŏt i du ƀlât nây, Păng mra rdŏk njêng khân ay may, ăn n'hâm suan ma khân ay may, ăn khân ay may dăng katang, ndrel ma ăn khân ay may gŭ nâp rkâk.

II Pêtrôs 2:9

Kơt ndri Kôranh Brah blao ƀơk lơi, ăn klaih bơh nau jêr nau ndơm ma phung i tâng iăt nau Păng, yơn ma phung djơh Păng krŭng lơi ma tê̆ dôih ta nar Păng phat dôih ri tay.

Yuđas 1:24

Ăn rnê nau chrêk lơp Kôranh Brah, Păng dơi njrăng khân ay may mâu jan tih mâu bah nsing, Păng dơi kơl khân ay may gŭ ta bơh năp măt Păng nơm i ntŭk geh nau chrêk lơp, nôk nây khân ay may geh nau răm maak dŭt hô mâu geh ôh du nau ma nduih.