II Têsalônik 2:3 - Bunong Bible Latin Script Cambodian dialect

³ Lơi ôh ăn bu mƀrôh khân ay may, đê̆ mâu ơm, yorlah ê lor ma nar Brah Yêsu văch nây, geh ŏk bunuyh tâm rdâng mƀăr lơi Kôranh Brah, ndrel ma bu say geh du huê bunuyh tih nsôh săk, yơn ma Kôranh Brah lĕ ndrăp nau roh hêng ma păng ngăn ro.

Bunong

³ លើយ​អោស​អ៝ន់​ឞូ​មរោស​ខាន់​អៃ​មៃ ដេៈ​មោ​អើម យ៝រ​លាស​អេ​ល៝រ​មា​នារ​ឞ្រាស​យេឆូ  ​វាច់​នៃ គែស​អ៝ក់​ឞូនុយ្ស​តឹម​រាទ៝ង់​មអារ់​លើយ​កោរាញ​ឞ្រាស នទ្រែល​មា​ឞូ​ឆៃ​គែស​ទូ​ហ្វេ​ឞូនុយ្ស​តីស​ញឆោស​ឆាក់ យើន​មា​កោរាញ​ឞ្រាស​លែៈ​នទ្រាប់​នាវ​រ៝ស​ហេង​មា​ពាង់​ងាន់​រ៝។

Nau Brah Ndu Ngơi 2023

³ Lơi ăn bu ndơm mƀruh khân may. Yorlah mƀăr lơi nau chroh mra tât lor, jêh ri kon bunuyh djơh mhĭk, kon nau rai roh, mra tâm mpơl;

II Têsalônik 2:3 ပူးပေါင်းရင်းမြစ်များ

Yôhan 17:12

Nôk Gâp hôm gŭ ndrel khân păng ta neh ntu, Gâp mât njrăng khân păng ma nau dơi May nơm i May lĕ ăn ma Gâp nơh. Bu moh bunuyh May lĕ ăn ma Gâp, mâu geh ôh du huê roh hêng, yơn ma hôm geh roh hêng du huê, i nây jêng tâm di ma nau lĕ geh nchih jêh.”

I Kôrintô 6:9

Ah khân ay may mâu gĭt ƀah? Bunuyh i jan kue mâu dơi ôh lăp ta nau Kôranh Brah mât uănh. Khân ay may lơi vĭ ôh, phung i tâm dŏng i khơh kler, phung i yơk mbah ma rup brah, phung i lŏm ur lŏm sai, phung i tâm dŏng ndrăng bu klô,

Êphêsô 5:6

Geh bunuyh lah: “Nau i nây mâu chrao ôh.” Lơi ôh ăn bunuyh i nây ndơm khân ay may ma nau ngơi lă lêng nau ngơi i mâu geh nau khlay, yorlah Kôranh Brah ji nuih tê̆ dôih ngăn ro ma bunuyh i jan ndơ i nây i tâm rdâng đah Păng.

I Yôhan 2:18

Ơ phung oh nô ta nau nsing i tâm ban ma kon sau gâp, dja jêng mong n'glĕ dŭt ê lor ma Brah Yêsu Krist plơ̆ văch. Khân ay may lĕ tăng jêh, geh du huê kôranh i tâm rdâng đah Brah Krist i văch. Jêh ri aƀaơ dja bunuyh i tâm rdâng đah Brah Krist nây lĕ ŏk ngăn văch, ndri dâng bân gĭt, dja jêng mong n'glĕ dŭt.

I Yôhan 4:3

Yơn ma lah bu moh i lah Brah Yêsu Krist mâu ôh jêng bunuyh ngăn, păng i nây mâu geh ôh Brah Huêng Ueh gŭ ta păng, păng i nây jêng lôh tă bơh kôranh i tâm rdâng đah Brah Krist chrao. Khân ay may lĕ tăng jêh kôranh i tâm rdâng đah Brah Krist văch, aƀaơ dja păng lĕ gŭ ta neh ntu dja đŏng.

Nau Tâm Mpơl 17:11

Lŏng mpômpa (siŭm) i may say nây, i bơh ntơm nơh geh nau rêh, yơn ma aƀaơ dja mâu hôm rêh ôh, păng jan kađăch tŏl pham. Păng jêng ta mpôl kađăch i pơh nuyh nây đŏng, jêh ri mra khât roh lêk.

Nau Tâm Mpơl 17:8

Mpômpa (siŭm) i may say nây, bơh ntơm nơh geh nau rêh, yơn ma aƀaơ dja mâu hôm rêh ôh, păng mra lôh bơh ntu brŏng, jêh ri roh lêk tay. Dâng lĕ bunuyh i gŭ ta neh ntu i mâu geh Kôranh Brah nchih rnha săk ta samƀŭt nau rêh bơh ntơm geh neh ntu, khân păng geh nau ndrŏt hih rhŏl ngăn, yorlah say mpômpa (siŭm) i nây păng bơh ntơm nơh geh nau rêh, aƀaơ dja mâu geh jât ôh, jêh ri say tay păng.