II Têsalônik 1:5 - Bunong Bible Latin Script Cambodian dialect

⁵ Lah ndri ta nau khân ay may gŭ nâp ta nau nsing ma Kôranh Brah, bân say n'hêl nanê̆ ngăn nau Kôranh Brah phat dôih sŏng ngăn. Păng kơp khân ay may di ma lăp ta nau Păng nơm mât uănh, jêh ri khân ay may geh nau jêr jŏt yor ma khân ay may jêng ƀon lan Păng nơm.

Bunong

⁵ លាស​នទ្រី​តា​នាវ​ខាន់​អៃ​មៃ​គុ​ន៝ប់​តា​នាវ​ញឆីង​មា​កោរាញ​ឞ្រាស ឞ៝ន់​ឆៃ​នហេល​នានេៈ​ងាន់​នាវ​កោរាញ​ឞ្រាស​ផាត​ទោយ្ស​ឆ៝ង់​ងាន់។ ពាង់​កើប​ខាន់​អៃ​មៃ​ទី​មា​លាប់​តា​នាវ​ពាង់​នើម​ម៝ត់​អ្វាញ់ ជេសរី​ខាន់​អៃ​មៃ​គែស​នាវ​ជេរ​ជ៝ត់​យ៝រ​មា​ខាន់​អៃ​មៃ​ជេង​ប៝ន​លាន​ពាង់​នើម។

Nau Brah Ndu Ngơi 2023

⁵ Aơ jêng nau mbơh ma nau Brah Ndu phat dôih sŏng, gay ma khân may plơ̆ jêng nau khư ma ƀon bri hađăch Brah Ndu, jêh ri yor nây khân may dơn nau rêh ni.

II Têsalônik 1:5 ပူးပေါင်းရင်းမြစ်များ

Luka 20:35

Yơn ma nar jât năp tay, bu moh i Kôranh Brah de di ma rklaih bơh khât, khân păng dâk rêh gŭ ta ƀon ueh ta kalơ, bunuyh i nây mâu hôm ôh sŏ ur sŏ sai jât.

Luka 21:36

Njrăng, ndrel ma mbơh sơm ƀaƀơ hŏm, gay ma geh suan dơi ăt ma lĕ nau tât i nây, ndrel ma dơi dâk nâp mâu geh klach ta năp Gâp i Kon Bunuyh tă bơh Kôranh Brah.”

Kôranh Oh Mon 13:46

Jêh ri Pôl, ndrel ma Ƀarnaƀas, khân păng bănh ngơi lah ma bu kơt nđa: “Iăt ma hên mbơh nkoch nau Kôranh Brah lor ma phung khân ay may i di phung Israel. Tih ma khân ay may rlăch mâu ŭch ôh sŏ dơn, kơt ndri khân ay may kơp êng khân ay may mâu di Kôranh Brah ăn nau rêh n'ho ro đŏng. Kơt ndri dâng hên aƀaơ dja mbơh nkoch nau dja ăn ma phung i mâu di phung Israel.

Kôranh Oh Mon 14:22

Khân păng nkah phung oh mon ăn geh nuih n'hâm nâp, nđâp ma n'hao nuih n'hâm gay ma ndjôt nâp nau nsing. Khân păng lah: “Bân geh ŏk mâp nau jêr, ri mơ dơi lăp ta nau Kôranh Brah mât uănh.”

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ach ma nuih n'hâm khân ay may hôm dăng ko, mâu ŭch ôh rgâl nuih n'hâm djơh, khân ay may prăp nau tih lơ ma ŏk i Kôranh Brah tê̆ dôih tât ta nar Kôranh Brah phat dôih dâng lĕ bunuyh ma nau sŏng.

Samƀŭt Pôl Njuăl Ăn Ma Phung Nsing Ta Ƀon Rôm 8:17

Jêh ri lah bân lĕ jêng kon Kôranh Brah ngăn, bân mra sŏ dơn ndơ ndrây đŏng, jêng sŏ dơn ndrel Brah Krist ndơ ndrây tă bơh Kôranh Brah. Lah bân gŭ ndrel Brah Krist ta nau jêr jŏt Păng, ri mơ bân mra gŭ ndrel Păng ta nau chrêk lơp đŏng.

Êphêsô 4:1

Gâp gŭ ta trôm ndrung dja, yor ma gâp sơm kơl jan kar ma Kôranh Yêsu. Lah ndri gâp dăn hô ngăn khân ay may gŭ ngao tâm di đah nau Kôranh Brah ŭch ma phung i Păng lĕ kuăl nây dô.

Philip 1:28

mâu geh ôh klach du ntil ma phung rlăng ŭch tâm rdâng ma khân ay may. Tât phung rlăng i nây say nau bănh khân ay may, ri mơ khân păng gĭt vât Kôranh Brah mra lơh khân păng roh hêng, yơn ma khân ay may lĕ geh jêh nau rklaih. Nau i nây jêng geh tă bơh Kôranh Brah,

Kôlôh 1:12

nđâp ma lah ueh Kôranh Brah i Bơ̆ bân ma nau răm maak. Păng lĕ ăn khân ay may sŏ dơn ndơ i Păng lĕ ndrăp ma phung ƀon lan Păng nơm i gŭ ta nau ang.

I Têsalônik 2:14

Ơ oh nô ta nau nsing, khân ay may lĕ jêng tâm ban ma phung êng êng i nsing ma Kôranh Brah ta bri Yuđa i phung gŭ ndrel Brah Krist Yêsu, yorlah khân ay may geh nau jêr jŏt tă bơh băl mpôl khân ay may nơm jan djơh ma khân ay may, kơt phung êng êng i nsing ma Kôranh Brah ta bri Yuđa geh sŏ dơn nau jêr jŏt tă bơh băl mpôl khân păng nơm i phung Israel jan djơh ma khân păng.

II Têsalônik 1:11

Kơt ndri dâng hên mbơh sơm ăn ma khân ay may ƀaƀơ. Kôranh Brah lĕ kuăl khân ay may ma geh nau rêh n'ho ro. Hên dăn Kôranh Brah i Brah bân yơk mbah ăn khân ay may gŭ rêh ăn tâm di ma nau kuăl i nây. Hên mbơh sơm dăn Păng ăn nau dơi Păng nơm ma khân ay may, gay ma jan jêh dâng lĕ ndơ ueh i khân ay may ŭch jan, ndrel ma jan jêh dâng lĕ ndơ i khân ay may jan yor ma nau nsing khân ay may.

II Timôthê 2:12

Lah bân nsrôyh dơi ăt nau jêr jŏt, Bân mra gŭ mât uănh ndrel Păng đŏng. Lah bân rlăch mâu ôh gĭt năl Păng, Păng mra rlăch mâu đŏng gĭt năl bân.

Nau Tâm Mpơl 15:4

Ơ Kôranh Brah! Dâng lĕ bunuyh klach yơk ma May dadê! Dâng lĕ bunuyh rnê May dadê, Yorlah geh du huê May dơm i kloh ueh. Dâng lĕ bunuyh dâng lĕ bri dak mra hăn yơk mbah ma May dadê, Yorlah khân păng say n'hêl nau May jan sŏng ngăn.”

Nau Tâm Mpơl 16:7

Jêh ri gâp tăng nteh bŏr bơh nsưng jan brah lah kơt nđa: “Ơ Kôranh Brah, May dŭt geh nau dơi ma dâng lĕ ntil ndơ, Di ngăn, sŏng ngăn, dâng lĕ nau May phat dôih!”

Nau Tâm Mpơl 19:2

yorlah nau Păng phat dôih jêng sŏng, jêng di ngăn. Păng lĕ tê̆ dôih ƀon i nây i tâm ban ma bu ur văng târ i bu lư, i jan ăn dâng lĕ bunuyh ta neh ntu ƀơ̆ ƀơch yor ma nau khơh kler bu ur i nây. Kôranh Brah plơng tê̆ dôih bu ur i nây yorlah păng lĕ nkhât jêh mpôl bunuyh sơm kơl jan kar ma Kôranh Brah.”

Nau Tâm Mpơl 3:4

Yơn ma ta ƀon Sardih hôm geh bunuyh aƀă ta phung khân ay may mâu geh ôh jan tih tâm ban ma jan kho ao ƀơ̆ rmao, khân păng mra hăn ndrel Gâp, nđâp ma nsoh kho ao nglang, yorlah khân păng i nây jêng di ma nsoh kho ao i nây.