III Yôhan 1:7 - Bunong Bible Latin Script Cambodian dialect

⁷ yorlah khân păng hăn nsak nsong mbơh nkoch nau Brah Yêsu, jêh ri khân păng mâu geh ôh sŏ dơn ndơ du ntil tă bơh phung i mâu nsing ma Brah Yêsu.

Bunong

⁷ យ៝រ​លាស​ខាន់​ពាង់​ហាន់​ញឆាក​ញឆ៝ង​មឞើស​ងក៝ច​នាវ​ឞ្រាស​យេឆូ  ជេសរី​ខាន់​ពាង់​មោ​គែស​អោស​ឆ៝ៈ​ទើន​នទើ​ទូ​នតីល​តាៈ​ឞើស​ផូង​អី​មោ​ញឆីង​មា​ឞ្រាស​យេឆូ  ។

Nau Brah Ndu Ngơi 2023

⁷ Khân păng luh hăn jêh yorlah amoh Brah Yêsu, jêh ri mâu sŏk dơn moh nau bơh phung padih ôh.

III Yôhan 1:7 ပူးပေါင်းရင်းမြစ်များ

Yôhan 15:21

Bu jan dâng lĕ nau i nây ma khân may yor ma Gâp, jêh ri yor ma khân păng mâu ôh gĭt năl Nơm tơm njuăl Gâp.

Kôranh Oh Mon 20:33

Gâp mâu prot ôh kơnh geh prăk mayh, mâu lah bok ao bơh bu du huê.

Kôranh Oh Mon 20:35

Dâng lĕ ntil ndơ i nây, gâp jan gay ma leo nau ueh ăn ma khân ay may nsrôyh jan kar, gay ma kơl bunuyh o ach. Ăn khân ay may kah gĭt nau ngơi Kôranh Yêsu, Păng lah kơt nđa: ‘Ueh đê̆ ăn ndơ ma bu, đah ma sŏ dơn ndơ tă bơh bu’.”

Kôranh Oh Mon 5:41

Mpôl kôranh oh mon du sât bơh ntŭk nây nđâp ma nuih n'hâm răm maak ngăn, say nau bu mưch bu rpăt khân păng nơh yor ma nau nsing ma Brah Yêsu. Khân păng răm maak yor ma nau bu mưch rpăt i nây ăn khân păng gĭt ngăn Kôranh Brah kơp khân păng geh nau khlay ma Păng nơm, ndri dâng Păng ăn bu jan jêr ma khân păng, kơt bu lĕ jan jêr ma Brah Yêsu nơh đŏng.

Kôranh Oh Mon 8:4

Lĕ mpôl i nchuăt nhhing nhhang ri nơh, khân păng hăn ăp ntŭk, ndrel ma mbơh nkoch nau mhe mhan ueh Brah Yêsu.

Kôranh Oh Mon 9:16

Gâp ŭch tâm mpơl ăn ma păng gĭt, geh ŏk nau jêr jŏt păng sŏ dơn yor ma păng jan kar ma Gâp jât năp tay.”

I Kôrintô 9:18

Lah ndri moh ƀă ndơ nkhôm ma gâp geh? Ndơ nkhôm ma gâp jêng nau mbơh nkoch nau mhe mhan ueh mâu geh sŏ khlay, gâp mâu ôh dŏng nau dơi tă bơh nau mbơh nkoch nau mhe mhan ueh.

II Kôrintô 12:13

Moh ƀă gâp jan tih ta khân ay may? Gâp kơl khân ay may tâm ban ma gâp kơl ma phung nsing ta ntŭk êng êng, yơn ma gâp mâu ôh ăn khân ay may geh nau jêr ma kơl gâp, lah gâp jan tih mâu ăn khân ay may kơl gâp, dăn khân ay may yô̆ ma gâp ƀă!

II Kôrintô 4:5

Hên mâu ôh mbơh nkoch ma săk hên nơm, hên mbơh nkoch Brah Yêsu Krist jêng Kôranh, jêh ri kơp săk hên nơm jêng bunuyh sơm kơl jan kar ăn ma khân ay may yor ma Brah Yêsu.

Philip 2:9

Kơt ndri dâng Kôranh Brah n'hao Păng dŭt prêh kalơ, Nđâp ma jan ăn Păng kuŏng Rlau ma dâng lĕ ndơ jât,

Kôlôh 1:24

Aƀaơ dja gâp geh nau răm maak ngăn, yor ma gâp sŏ dơn nau bu jan jêr jŏt, nau jêr jŏt gâp dja kơl khân ay may. Nau jêr jŏt gâp i nây kơl dâng lĕ phung nsing ma Păng. Nau jêr jŏt ta săk jăn gâp dja jêng du ntil nau jêr jŏt ma dâng lĕ nau jêr jŏt i nây. Iăt ma hôm geh nau jêr jŏt Brah Krist. Jêh ri, phung nsing jêng tâm ban ma săk jăn Păng nơm.

III Yôhan 1:8

Lah ndri iăt ma bân blao kơl ma bunuyh i kơt nây, gay ma bân jan kar ndrel băl ta nau nti i ngăn.

Nau Tâm Mpơl 2:3

Gâp lĕ gĭt đŏng may lĕ nsrôyh dơn nau jêr jŏt yor ma tâng Gâp, jêh ri hôm gŭ nâp, may mâu ôh bah nsing.