III Yôhan 1:6 - Bunong Bible Latin Script Cambodian dialect

⁶ Khân păng i nây lĕ mbơh nkoch ta phung nsing ta ntŭk dja nau i may lĕ nhhơ nau rŏng ma khân păng nây. Jêh ri đă may hôm kơl ndơ khân pre ma hăn rŏ trong, jêng tâm di ma ndơ jan kar i ăn Kôranh Brah răm maak,

Bunong

⁶ ខាន់​ពាង់​អី​នៃ​លែៈ​មឞើស​ងក៝ច​តា​ផូង​ញឆីង​តា​នតុក​អ្យា​នាវ​អី​មៃ​លែៈ​ញហើ​នាវ​រ៝ង់​មា​ខាន់​ពាង់​នៃ។ ជេសរី​ដាៈ​មៃ​ហោម​កើល​នទើ​ខាន់​ព្រែ​មា​ហាន់​រ៝ៈ​ត្រ៝ង ជេង​តឹម​ទី​មា​នទើ​ជាន​ការ​អី​អ៝ន់​កោរាញ​ឞ្រាស​រាម់​មអាក‌

Nau Brah Ndu Ngơi 2023

⁶ Khân may mbơh nkoch jêh ma nuih n'hâm may rŏng tanăp Phung Ngih Brah Ndu. Ŭch ngăn ma may kơl khân păng ăt hăn tâm trong khư ma Brah Ndu jêng ueh ngăn.

III Yôhan 1:6 ပူးပေါင်းရင်းမြစ်များ

Nau Ntơm 4:7

Lah may jan ueh, geh nau răm ngăn, lah may mâu ôh jan ueh, jan nkhơng ndơ djơh chrao, nau djơh i nây păng gŭ kŏp ta bôk mpông may nây, tâm ban ma yao gŭ nsan kŏp sa hêk du mlŏm mpômpa (siŭm). Ndơ djơh ŭch jan kôranh kŏp đă may jan djơh, lah ndri ăn may dơi đah nau djơh i nây hŏm”.

Yônais 4:4

Brah Yêhôva plơ̆ lah ma Yônais: “Di lĕ lah mâu, may nuih kơt nây?”

Kôranh Oh Mon 15:3

Phung nsing kơl trong ma khân păng. Khân păng brô̆ glăt rŏ bri Phênis, ndrel ma rŏ bri Samari. Ăp ntŭk khân păng mâp phung nsing, khân păng mbơh nkoch dâng lĕ nau phung i mâu di phung Israel lĕ sât nsing ma Brah Yêsu. Nau i nây jan ăn dâng lĕ phung nsing geh nau răm maak hô ngăn.

Kôranh Oh Mon 21:5

Tât lôch pơh nar hên veh gŭ ta nây, jêh ri hên hăn jât. Lĕ phung nsing ta nây, ndrel ma ur kon khân păng, njŭn hên tât bơh dih ƀon. Jêh ri dâng lĕ hên chon kômŏk, mbơh sơm ndrel ta meng dak ri.

Samƀŭt Pôl Njuăl Ăn Ma Phung Nsing Ta Ƀon Rôm 15:24

Nôk gâp hăn ta bri Êspanh tay, gâp rnơm hăn veh khŏl khân ay may, gay ma gŭ răm maak ndrel khân ay may du ƀlât, jêh ri dăn khân ay may kơl gâp hăn jât bri i nây jât.

Philip 4:14

Yơn ma hôm ueh ngăn khân ay may kơl gâp ta nau jêr jŏt dja.

Kôlôh 1:10

Hên dăn kơt nây gay ma khân ay may gŭ rêh tâm di đah nau Kôranh Brah ŭch, ăn Păng răm maak dâng lĕ ndơ khân ay may jan. Jêh ri khân ay may jan ndơ ueh ăp ntil, ndrel ma gĭt năl Kôranh Brah lơ ma hô lơ ma hô ngăn.

I Têsalônik 2:12

Hên ntrôl, nđâp ma n'hao nuih n'hâm khân ay may, jêh ri dăn khân ay may hô ngăn hôm gŭ rêh tâm di đah nau Kôranh Brah ŭch. Păng kuăl khân ay may lăp gŭ ta nau mât uănh Păng nơm, ndrel ma gŭ ta nau chrêk lơp Păng nơm.

Titus 3:13

Nsrôyh kơl ndơ ăn ma nô Sênas kôranh nơm nti nau vay, ndrel ma nô Apôlôs, gay ma khân păng hăn jât năp, lơi ôh ăn khân păng pah pŏt du ntil ndơ.

I Pêtrôs 2:20

Lah bân dơn nau bu rpăt mbang yor ma bân jan tih, lah ndri Kôranh Brah mâu ôh rnê bân, yơn ma lah bân jan ueh, jêh ri bu hôm jan jêr jŏt, ndri Kôranh Brah rnê bân.

III Yôhan 1:12

Yơn ma nô Đêmêtrus dâng lĕ bunuyh ngơi ueh ta păng dadê, bol lah i Nau Ngăn mbơh nkoch ueh ta păng đŏng. Lŏng gâp tâm ban kơt nây đŏng, lĕ mbơh nkoch nau ueh ta păng đŏng, may lĕ gĭt jêh nau i gâp mbơh nkoch nây jêng di ngăn.