ហេឞ្រើ 8:6 - Bunong Bible Latin Script Cambodian dialect

⁶ Aƀaơ dja Kôranh Brah lĕ kơih Brah Yêsu ma jan kar kôranh jan brah dŭt kuŏng ta kalơ trôk, nau jan kar i nây ueh rlau ma nau jan kar bunuyh jan brah ta neh ntu dja, Păng jêng nơm leo ma nau tâm rnglăp mhe Kôranh Brah đah bunuyh i ueh rlau ma nau tâm rnglăp i ơm, jêh ri nau tâm rnglăp mhe i nây geh nau Kôranh Brah ton i ueh rlau.

Bunong

⁶ អាបៃ​អ្យា​កោរាញ​ឞ្រាស​លែៈ​កើយ្ស​ឞ្រាស​យេឆូ  ​មា​ជាន​ការ​កោរាញ​ជាន​ឞ្រាស​ទុត​ក្វ៝ង់​តា​កាលើ​ត្រោក នាវ​ជាន​ការ​អី​នៃ​អ្វែស​រាលាវ​មា​នាវ​ជាន​ការ​ឞូនុយ្ស​ជាន​ឞ្រាស​តា​នែស​នតូ​អ្យា ពាង់​ជេង​នើម​លែវ​មា​នាវ​តឹម​រាង្លាប់​មហែ​កោរាញ​ឞ្រាស​ដាស​ឞូនុយ្ស​អី​អ្វែស​រាលាវ​មា​នាវ​តឹម​រាង្លាប់​អី​អើម ជេសរី​នាវ​តឹម​រាង្លាប់​មហែ​អី​នៃ​គែស​នាវ​កោរាញ​ឞ្រាស​ត៝ន​អី​អ្វែស​រាលាវ។

Nau Brah Ndu Ngơi 2023

⁶ Ƀiălah aƀaơ Brah Krist sŏk dơn jêh du nau pah kan toyh lơn, yorlah Păng jêng Nơm Tâm Nklang ma nau tâm rnglăp ueh lơn, bơh nau tâm rnglăp nây ndâk jêh ta klơ nau ton ueh lơn.

ហេឞ្រើ 8:6 ပူးပေါင်းရင်းမြစ်များ

Luka 22:20

Lôch jêh nau nhêt sông nây, Brah Yêsu sŏ kchok ndrănh play yŭng yar ƀon jan kơt i nây đŏng, Păng lah: “Ndrănh play yŭng yar ƀon ta kchok dja jêng nau tâm rnglăp mhe Kôranh Brah ndrel khân may. Nau tâm rnglăp mhe i nây Gâp jan ma khân may ma mham Gâp i hoch bơh săk jăn Gâp nôk Gâp khât tay.

Samƀŭt Pôl Njuăl Ăn Ma Phung Nsing Ta Ƀon Rôm 9:4

Khân păng phung Israel i Kôranh Brah lĕ kơih ŭch sŏ jêng phung kon Păng nơm. Bơh ntơm nơh Kôranh Brah lĕ nhhơ nau chrêk lơp Păng nơm ăn ma khân păng, Păng lĕ jan nau tâm rnglăp đah khân păng, Păng lĕ ăn nau vay Păng nơm ma khân păng, Păng lĕ ăn ma khân păng yơk mbah Păng, Păng lĕ ăn ma khân păng nau ton êng êng.

Êphêsô 2:12

A lor nơh khân ay may hôm gŭ ngai bơh Brah Krist. Khân ay may nây Kôranh Brah mâu ôh kơih jêng phung ƀon lan Păng nơm, yơn ma phung Israel dơm Kôranh Brah lĕ kơih jêng phung ƀon lan Păng nơm. Nau ton Kôranh Brah nôk Păng tâm rnglăp ma phung Israel kăl e nơh mâu di ma khân ay may đŏng. Khân ay may gŭ rêh ta neh ntu dja mâu geh nau rnơm ma nau rklaih, ndrel ma mâu geh Kôranh Brah đŏng.

I Timôthê 2:5

Yorlah Geh du huê Kôranh Brah dơm, Geh nơm ma jan ăn nau tâm rnglăp du huê dơm i gŭ ta nklang vah vang Kôranh Brah nơm ma bunuyh. Păng i nây Brah Krist Yêsu, Păng jêng bunuyh đŏng.

Titus 1:2

Păng đă gâp ăn bu gĭt lah bân lĕ geh nau rnơm ma nau rêh n'ho ro. Nau rêh i nây Păng lĕ jêh ton bơh ê hŏ njêng neh ntu nơh ngăn, Păng mâu mƀrôh ôh.

ហេឞ្រើ 12:24

Khân ay may lĕ hăn dăch a Brah Yêsu jêng Nơm leo ma tâm rnglăp mhe bân đah Kôranh Brah, khân ay may lĕ sŏ dơn mham Brah Yêsu, i mham ăn bân rklaih bơh nau Kôranh Brah tê̆ dôih, mham i nây geh khlay rlau ma mham Abel jât, yorlah mham Abel jêng mbên ma nau Kôranh Brah tê̆ dôih dơm.

ហេឞ្រើ 7:22

Tă bơh nau ton i nây, nau tâm rnglăp ta Brah Yêsu jêng nau tâm rnglăp ueh rlau đah nau tâm rnglăp ta nau vay Môsê.

II Pêtrôs 1:4

Tă bơh nau chrêk lơp, ndrel ma nau ueh Păng nơm nây, dâng Kôranh Brah ton ăn nau dŭt kuŏng nau dŭt khlay ma bân. Păng ton kơt nây, gay ma nuih n'hâm bân jêng tâm ban ma nuih n'hâm Kôranh Brah, nđâp ma bân klaih bơh nau djơh i tă bơh nau kơnh jan djơh i geh ta neh ntu dja.