ហេឞ្រើ 11:9 - Bunong Bible Latin Script Cambodian dialect

⁹ Yor ma nau nsing, păng gŭ ta bri ntŭk Kôranh Brah lĕ jêh ton ăn ma păng, păng gŭ ta chun bok, tâm ban ma gŭ veh bêch ta bri bu êng, yorlah Kôranh Brah ê hŏ ăn ngăn bri dak i nây ma păng, yơn ma păng nsing ngăn Kôranh Brah mra ăn jât năp tay. Kon păng Isăk, ndrel ma Yakôp i sau păng hôm gŭ ta chun bok geh nau nsing kơt nây đŏng, yorlah Kôranh Brah lĕ jêh ton ăn ma khân păng đŏng.

Bunong

⁹ យ៝រ​មា​នាវ​ញឆីង ពាង់​គុ​តា​ឞ្រី​នតុក​កោរាញ​ឞ្រាស​លែៈ​ជេស​ត៝ន​អ៝ន់​មា​ពាង់ ពាង់​គុ​តា​ចូន​ឞ៝ក តឹម​ឞាន​មា​គុ​វែស​ឞិច​តា​ឞ្រី​ឞូ​អេង យ៝រ​លាស​កោរាញ​ឞ្រាស​អេ​ហ៝ៈ​អ៝ន់​ងាន់​ឞ្រី​ទាក​អី​នៃ​មា​ពាង់ យើន​មា​ពាង់​ញឆីង​ងាន់​កោរាញ​ឞ្រាស​មរា​អ៝ន់​ជឹត​នាប់​តៃ។ ក៝ន​ពាង់​អីឆាក់  នទ្រែល​មា​យាកោប  ​អី​ឆៅ​ពាង់​ហោម​គុ​តា​ចូន​ឞ៝ក​គែស​នាវ​ញឆីង​កើត​នៃ​ដ៝ង់ យ៝រ​លាស​កោរាញ​ឞ្រាស​លែៈ​ជេស​ត៝ន​អ៝ន់​មា​ខាន់​ពាង់​ដ៝ង់។

Nau Brah Ndu Ngơi 2023

⁹ Yor ma nau chroh, păng gŭ tâm neh ton tâm ban ma ta klơ neh phung bu năch, gŭ tâm lĕ vâl bok ndrel ma Y-Isăk jêh ri Y-Yakôp, jêng phung dơn ndrel nau ton tâm ban ma păng.

ហេឞ្រើ 11:9 ပူးပေါင်းရင်းမြစ်များ

Nau Ntơm 12:8

Jêh ri păng hăn jât, hăn ta ntŭk yôk mpeh bơh lôh nar ƀon Ƀêtel, păng jan chun gŭ ta ntŭk nây, păng gŭ vah vang ƀon Ƀêtel, đah ma ƀon Ai, geh mpeh bơh lôh nar ma ƀon Ƀêtel. Geh mpeh bơh nhŏp nar ma ƀon Ai, ta ntŭk nây păng jan du ntŭk jât ma jan brah ma Brah Yêhôva, jêh ri păng yơk mbah ma Brah Yêhôva .

Nau Ntơm 13:18

Jêh ri Ăbram rơih chun păng ri, hăn trơn gŭ a ntŭk tơm jri Mămrê, dăch ma ƀon Hêbron, ta ntŭk nây păng rdăp lŭ jan du ntŭk ma jan brah ma yơk mbah Brah Yêhôva.

Nau Ntơm 13:3

Păng lôh bơh bri Nêkĭp nây, tât ta ƀon Ƀêtel ntŭk păng gŭ jan chun a lor nơh, ta vah vang ƀon Ƀêtel, đah ma ƀon Ai nây

Nau Ntơm 17:8

Gâp ăn dâng lĕ bri dak Kanan i may veh gŭ dja jêng bri dak may n'ho ro, ndrel ma tât kon tât sau may bơh kơi bơh kơi tay đŏng, jêh ri Gâp jêng brah ma kon sau may nây”.

Nau Ntơm 18:6

Jêh ri Abrahăm hăn ta chun ri ro, mbơh ma Sara i ur păng nơm: “Ay sŏ rnih môi pe ƀuăt, mon jan nŭmpăng ăn gơnh oi”.

Nau Ntơm 18:9

Jêh ri mpôl pe nuyh nây ôp Abrahăm: “Ah Sara ur may nây?” Abrahăm ơh ma khân păng: “Păng gŭ a trôm chun to”.

Nau Ntơm 21:34

Abrahăm gŭ ta bri Phalihtin ri jŏ nar.

Nau Ntơm 23:4

“Gâp dja jêng phung bu năch bri êng, jêng bunuyh veh gŭ du ƀlât ta khân may dja. Lah ndri gâp dăn khân may tăch neh môch du ntŭk ăn ma gâp ta bri khân may dja, gâp be ma tŏp ur gâp.

Nau Ntơm 25:27

Jêh ri i kon păng bar ơ̆ ri tât kuŏng tât ndăm, Êsao jêng bunuyh bren pănh puăch, păng hô ngăn brô̆ bri. Lŏng Yakôp ri, jêng bunuyh gŭ rmưyh dơm, păng gŭ dăch ta chun bok ri chiăp be biăp.

Nau Ntơm 28:4

Dăn Kôranh Brah ăn ma may geh jêng i Kôranh Brah de ăn ma bơ̆ gâp Abrahăm nây nơh, ndrel ma tât kon tât sau may đŏng, gay ma bri i may veh gŭ dja jêng ndơ may, yorlah bri dja lĕ Kôranh Brah de ăn ma bơ̆ gâp Abrahăm nơh”.

Nau Ntơm 31:25

Laƀan tâng ban Yakôp, nôk Yakôp lĕ gŭ rdŏk chun bok ta kalơ yôk bri Kalat ri, Laƀan, ndrel ma ndŭl mpôl păng gŭ rdŏk chun bok ta kalơ yôk Kalat ri đŏng.

Nau Ntơm 35:27

Jêh ri Yakôp tât ta ntŭk Isăk bơ̆ păng nơm gŭ ta ƀon Mămrê, jêng ƀon Khĭriăt-Arƀa, jêng ƀon Hêbron, jêng ntŭk ƀon Abrahăm, ndrel ma Isăk veh gŭ.

Nau Ntơm 36:7

Dâng păng hăn kơt nây, yorlah khân păng ndrŏng ngăn, mpômpa (siŭm) phung bar hê khân păng nây mâu ôh tŏng ma gŭ ntŭk nây, kơt ndri khân păng gŭ ndrel mâu jêng ôh.

Nau Ntơm 47:9

Yakôp mbơh nkoch ma kađăch Pharaon: “Năm gâp gŭ rêh aƀaơ dja lĕ geh 130 năm. Năm gâp đê̆ dơm, nau rêh gâp mâu geh nau ueh đŏng, gâp rêh mâu ôh jŏ jong kơt phung che gâp”.

ហេឞ្រើ 6:17

Kôranh Brah mâu ôh dơn ngơi dơm nau i nây, yơn ma Păng ton gay ma bunuyh i sŏ dơn nau ton i nây gĭt n'hêl nanê̆ ngăn, Kôranh Brah mâu ôh rgâl nuih n'hâm nau mân ndơ i Păng lĕ ton nây.