ហេឞ្រើ 11:25 - Bunong Bible Latin Script Cambodian dialect

²⁵ Păng ŭch rlau sŏ dơn nau jêr jŏt ndrel phung Israel i ƀon lan Kôranh Brah nơm, đah ma geh nau răm maak gŭ rêh ta neh ntu dơm.

Bunong

²⁵ ពាង់​អុច​រាលាវ​ឆ៝ៈ​ទើន​នាវ​ជេរ​ជ៝ត់​នទ្រែល​ផូង​អីឆ្រាអែល  ​អី​ប៝ន​លាន​កោរាញ​ឞ្រាស​នើម ដាស​មា​គែស​នាវ​រាម់​មអាក​គុ​រេស​តា​នែស​នតូ​ទើម។

Nau Brah Ndu Ngơi 2023

²⁵ ueh lơn jêng phung ƀon lan Brah Ndu dơn nau bu tŭn jot rlau lơn đah nau gŭ maak ƀât lât tâm nau tih.

ហេឞ្រើ 11:25 ပူးပေါင်းရင်းမြစ်များ

Mathay 13:21

Hon ueh du ƀlât dơm, nau Kôranh Brah mâu ôh hon reh ta nuih n'hâm păng nơm, ndri tât geh nau jêr êng êng, mâu lah bu jan jêr yor ma nau Kôranh Brah, păng mƀăr ro nau nsing.

Luka 16:25

Che Abrahăm ơh ma păng: ‘Hơi sau! Ăn may kah gĭt, dôl may hôm rêh ta neh ntu nơh, may lĕ năl ma nau ueh ngăn, lŏng Lasar dja păng năl ma nau djơh dơm. Aƀaơ dja Lasar lĕ geh nau bonh ta dja hơi, i may nây may gŭ ta nau rêh nji dŭt hô ngăn.

Kôranh Oh Mon 7:34

Lĕ Gâp say ngăn nau bu tŭn jot ma ƀon lan Gâp ta bri Êsip, lĕ Gâp tăng ngăn nau khân păng rđêng đŏng, jŭr Gâp dja gay ma rklaih khân păng i nây. Dâk hŏm! Gâp đă may hăn ta bri Êsip aƀaơ dja ro’.

Samƀŭt Pôl Njuăl Ăn Ma Phung Nsing Ta Ƀon Rôm 5:3

Mâu ôh dơn ma nau i nây dơm, nôk bân geh nau rêh rnhăl, bân hôm e răm maak nanao, yorlah tă bơh bân rêh rnhăl dâng blao nsrôyh,

II Kôrintô 5:17

Bu moh lĕ gŭ tâm rnglăp ndrel Brah Krist, bunuyh i nây lĕ Kôranh Brah njêng mhe, dâng lĕ ndơ ơm lĕ rgâl jêng mhe dadê.

Kôlôh 1:24

Aƀaơ dja gâp geh nau răm maak ngăn, yor ma gâp sŏ dơn nau bu jan jêr jŏt, nau jêr jŏt gâp dja kơl khân ay may. Nau jêr jŏt gâp i nây kơl dâng lĕ phung nsing ma Păng. Nau jêr jŏt ta săk jăn gâp dja jêng du ntil nau jêr jŏt ma dâng lĕ nau jêr jŏt i nây. Iăt ma hôm geh nau jêr jŏt Brah Krist. Jêh ri, phung nsing jêng tâm ban ma săk jăn Păng nơm.

II Timôthê 1:8

May lơi ôh đit prêng mbơh nkoch nau khlay Kôranh Yêsu bân nơm, lơi ôh đit prêng ma gâp i gŭ ta trôm ndrung dja yor ma mbơh nkoch nau Păng. Yơn ma ăn may dơn hŏm nau jêr jŏt ndrel gâp ta nau mbơh nkoch nau mhe mhan ueh. Kôranh Brah ăn nau dơi ăt nau jêr jŏt i nây.

ហេឞ្រើ 10:32

Ăn khân ay may hôm kah gĭt, nôk khân ay may ntơm sât nsing bơh a lor nơh, bol lah geh ŏk nau jêr jŏt ngăn, khân ay may hôm gŭ nâp ta nau nsing.

ហេឞ្រើ 11:37

Bunuyh aƀă bu nkhât ntŭp ma lŭ, aƀă bu nkhât koh ma rna tăch n'gul săk, aƀă bu nkhât ma đao. Aƀă du de n'glă de n'glơt, sŏ ntô be biăp, ndrel ma ntô be dơm nsoh n'gut, kro o ach hô ngăn, bu tŭn jot bu lơh djơh.

ហេឞ្រើ 4:9

Lah ndri hôm e geh nau gŭ rlu nguai jât i tâm ban ma nau rlu nar Saƀăt, i Kôranh Brah ăn ma phung ƀon lan Păng nơm ta nar jât năp tay.

Yakơ 1:20

yorlah nau ji nuih bunuyh mâu ôh leo ta nau gŭ ngao sŏng i Kôranh Brah ŭch.

Yakơ 5:5

Khân ay may gŭ rêh ta neh ntu dja pơh ma sa kah vah ngi, rŏng ma rnglay săk ŭch dŭt ueh răm maak ngăn, tâm ban ma ndrôk sa lây, yơn ma bu mra mbang păng ma sa, kơt nây đŏng, khân ay may jan tih ŏk pơh ma răm maak khân ay may nơm dơm, yơn ma Kôranh Brah mra tê̆ dôih jru ma khân ay may.

I Pêtrôs 2:10

Bơh ntơm nơh khân ay may mâu ôh jêng du phung bunuyh, Yơn ma aƀaơ dja khân ay may lĕ jêng du phung, jêng phung ƀon lan Kôranh Brah nơm. Bơh ntơm nơh khân ay may mâu ôh Kôranh Brah yô̆ nđach, Yơn ma aƀaơ dja khân ay may lĕ Kôranh Brah yô̆ nđach.

Nau Tâm Mpơl 18:7

Bunuyh ta ƀon dja rnê êng săk khân păng nơm, gŭ rêh dŭt ueh, Lah ndri ăn khân păng dơn nau rêh rnhăl, nđâp ma nau nhŭm rngot hô kơt nây đŏng. Yorlah khân păng lah êng ta nuih n'hâm: ‘Gâp gŭ rêh tâm ban ma kađăch bu ur, Mâu ôh jêng tâm ban ma bu ur ndrô Mâu đŏng geh nau nhŭm rngot!’