Galati 2:12 - Bunong Bible Latin Script Cambodian dialect

¹² Yakơ njuăl phung Israel i nsing ma Brah Krist aƀă ăn hăn ta nây đŏng. Nôk khân păng i nây ê hŏ tât, Pêtrôs lĕ vay gŭ sông sa ndrel phung i mâu di phung Israel, yơn ma nôk khân păng i nây lĕ tât ta ri, Pêtrôs bah gŭ ndrel phung i mâu di phung Israel, yorlah păng klach khân păng i phung Israel nây lah.

Bunong

¹² យាកើ  ​ញជ្វាល់​ផូង​អីឆ្រាអែល  ​អី​ញឆីង​មា​ឞ្រាស​ក្រីស  ​អាបាៈ​អ៝ន់​ហាន់​តា​នៃ​ដ៝ង់។ នោក​ខាន់​ពាង់​អី​នៃ​អេ​ហ៝ៈ​ត៝ត់ ពេត្រោស  ​លែៈ​វៃ​គុ​ឆោង​ឆា​នទ្រែល​ផូង​អី​មោ​ទី​ផូង​អីឆ្រាអែល  យើន​មា​នោក​ខាន់​ពាង់​អី​នៃ​លែៈ​ត៝ត់​តា​រី ពេត្រោស  ​ឞាស​គុ​នទ្រែល​ផូង​អី​មោ​ទី​ផូង​អីឆ្រាអែល  យ៝រ​លាស​ពាង់​ក្លាច​ខាន់​ពាង់​អី​ផូង​អីឆ្រាអែល  ​នៃ​លាស។

Nau Brah Ndu Ngơi 2023

¹² Êlor phung bơh Y-Yakơ tât, păng ăt sông sa ndrel ma phung bu năch. Ƀiălah tơlah khân păng tât, păng rŭch plơ̆ jêh ri du gŭ êng, yorlah klach ma phung koh ntâu.

Galati 2:12 ပူးပေါင်းရင်းမြစ်များ

Luka 15:2

Jêh ri phung Pharisi, ndrel ma phung nơm nti nau vay phung Israel, khân păng ngơi ƀŭk ngơi suih lah: “Lŏng Păng i nây rom bunuyh tih, sông sa ndrel khân păng đŏng!”

Luka 5:38

Lah ndri bu tê̆ ndrănh play yŭng yar ƀon mhe ta dŭng ntô mhe, ri mơ dŭng, ndrel ma ndrănh hôm dadê.

Kôranh Oh Mon 10:28

Păng lah ma bu: “Khân ay may lĕ gĭt jêh nau vay phung Israel mâu ăn ôh phung Israel tâm mâp đah phung i mâu di phung Israel, mâu lah lăp jay khân păng. Yơn ma Kôranh Brah lĕ tâm mpơl jêh ma gâp, ăn gâp rom ăp ntil bunuyh, lơi dâng ôh lah du huê bunuyh ƀơ̆ ƀơch, mâu lah, lah mâu ôh kloh ta năp măt Păng.

Kôranh Oh Mon 12:17

Pêtrôs jan ma ti gay ma ăn khân păng gŭ rklăk, păng mbơh nkoch mơm ƀă Kôranh Brah kơl ma păng, dâng geh ma dơi lôh bơh trôm ndrung nây nơh. Jêh ri păng ntĭnh ma khân păng: “Đă khân ay may mbơh nkoch nau dja ăn ma Yakơ, ndrel ma phung nsing dâng lĕ ăn khân păng gĭt đŏng.” Jêh ri păng hăn n'hot tay ntŭk êng jât.

Galati 2:14

Tât ma gâp say khân păng mâu hôm tâng nau ngăn i nau mhe mhan ueh nây, gâp ôp Pêtrôs ta nklang bu băl: “Lah may i phung Israel, mâu hôm ôh jan tâng nau vay phung Israel, jan gŭ ngao tâm ban ma phung i mâu di phung Israel chrao, lah ndri mơm may dơi nchâp phung i mâu di phung Israel ăn jan tâng nau vay phung Israel?

Galati 2:9

Lŏng Yakơ, Pêtrôs, ndrel ma Yôhan i bu kơp khân păng dŭt khlay jêng tâm ban ma meh ta phung nsing, tât khân păng lĕ say jêh Kôranh Brah lĕ ăn ma gâp nau dơi i nây, khân păng nhŭp ti tâm rnglăp ndrel gâp, nhŭp ti tâm rnglăp ndrel Ƀarnaƀas đŏng, tâm di nau hên ma hăn mbơh nkoch ăn ma phung i mâu di phung Israel, jêh ri khân păng ma mbơh nkoch ăn ma phung Israel.

Êphêsô 2:15

Yor ma nau khât Brah Yêsu, bân mâu hôm khăch jan tâng nau vay phung Israel i geh đă i geh buay êng êng nây. Păng jan kơt nây gay ma lĕ bar phung i nây jêng phung ƀon lan mhe du phung hŏ ta Păng nơm, ndri Păng ăn nau đăp mpăn lĕ bar phung i nây.

Êphêsô 3:6

Nau ndŏp mpôn i nây Păng nhhơ phung i mâu di phung Israel dơi sŏ dơn ndơ khlay ndơ ueh bơh Kôranh Brah ndrel phung Israel đŏng. Phung i mâu di phung Israel dơi sŏ dơn ndơ khlay ndơ ueh i nây yor ma ndơ Brah Krist lĕ jan. Păng nhhơ phung i mâu di phung Israel dơi sŏ dơn nau i Kôranh Brah lĕ ton ta Brah Krist Yêsu ndrel phung Israel đŏng. Bar ơ̆ phung i nây lăp jêng du rnglay săk.

I Têsalônik 5:22

Ăn khân ay may der dâng lĕ ndơ djơh mhĭk.