Êphêsô 5:23 - Bunong Bible Latin Script Cambodian dialect

²³ yorlah sai jêng tâm ban ma bôk ma ur, kơt Brah Krist jêng tâm ban ma bôk ma phung i nsing ma Păng nơm. Jêh ri Păng nơm rklaih phung i nây.

Bunong

²³ យ៝រ​លាស​ឆាយ​ជេង​តឹម​ឞាន​មា​ឞោក​មា​អូរ កើត​ឞ្រាស​ក្រីស  ​ជេង​តឹម​ឞាន​មា​ឞោក​មា​ផូង​អី​ញឆីង​មា​ពាង់​នើម។ ជេសរី​ពាង់​នើម​រាក្លាយ្ស​ផូង​អី​នៃ។

Nau Brah Ndu Ngơi 2023

²³ Yorlah sai jêng bôk ma ur păng, tâm ban ma Brah Krist jêng bôk ma Phung Ngih Brah Ndu, Phung ngih Brah Ndu jêng săk jăn Păng jêh ri Păng yơh jêng Nơm Tâm Rklaih ma Phung Ngih Brah Ndu.

Êphêsô 5:23 ပူးပေါင်းရင်းမြစ်များ

Kôranh Oh Mon 20:28

Kơt ndri ăn khân ay may gŭ mât njrăng săk, ndrel ma mât njrăng phung nsing, yorlah Brah Huêng Ueh i kloh ueh lĕ ăn jêh nau kar dja ma khân ay may, ăn khân ay may mât phung nsing ma Kôranh Brah, i lĕ jêh Kôranh Brah chuai ma mham Kon Păng nơm.

I Kôrintô 6:13

Geh bunuyh aƀă lah: ‘Ndơ sông sa ma siăm ndŭl, jêh ri ndŭl ma sŏ dơn ndơ sông sa i nây’. Di ngăn, jêh ri Kôranh Brah mra n'groh lơi ndơ lĕ bar i nây ăn roh hêng. Yơn ma mâu ôh di ma nau khơh kler, rnglay săk mâu ôh di ma jan ndơ khơh kler, ăn kloh ueh sơm kơl jan kar rnê Kôranh Brah nơm, jêh ri Kôranh Brah nơm i jêng Kôranh ma rnglay săk bân đŏng.

Êphêsô 4:15

Yơn ma nôk bân ngơi nau ngăn ma bu, ăn ngơi ma nau dêh rhêt. Ăn bân lơ ma hô dâng lĕ ta ăp ntil nau jêng tâm ban ma Brah Krist. Păng kôranh bân tâm ban ma bôk jêng kôranh ma săk jăn.

Êphêsô 5:24

Phung nsing iăt Brah Krist, kơt ndri đŏng ăn ur iăt ma sai păng nơm ta ăp ntil ndơ.

Kôlôh 1:18

Păng kôranh ma dâng lĕ phung nsing ma Păng, tâm ban ma bôk kôranh ma săk jăn. Păng jêng tơm nau rêh n'ho ro, Păng i dâk rêh lor bu ta dâng lĕ bunuyh khât, gay ma Păng nơm jan kôranh ma dâng lĕ rngôch ndơ.

I Têsalônik 1:10

Bu mbơh nkoch đŏng nau khân ay may hôm gŭ kŏp Kon Kôranh Brah nơm i mra jŭr tă bơh trôk. Păng Brah Yêsu i Kôranh Brah de lĕ jan ăn dâk rêh jêh. Păng i nây rklaih bân bơh nau tê̆ dôih Kôranh Brah ta nar jât năp tay.

Nau Tâm Mpơl 19:7

Ăn bân leo băl răm maak hŏm, răm rhơn ăn dŭt hô, Jêh ri rnê nau chrêk lơp Kôranh Brah, Yorlah lĕ tât jêh nau tâm rnglăp ngăn Kon Be Biăp đah phung i nsing ma Păng, nau tâm rnglăp i nây tâm ban ma nau tâm nđăp. Phung i nsing ma Păng tâm ban ma bu ur i ma nđăp đah Kon Be Biăp i nây lĕ jêh ndrăp săk phiao đŏng.

Nau Tâm Mpơl 5:9

Jêh ri khân păng mprơ nau mprơ mhe du nau: “May di ngăn ma sŏ samƀŭt i nây N'ho ma plôk tra đŏng, Yorlah May lĕ bu nkhât lơi, jêh ri May lĕ chuai jêh bunuyh ma mham May nơm, Gay ma khân păng jêng ƀon lan Kôranh Brah, bơh dâng lĕ rnoi deh, bơh dâng lĕ nau ngơi, Bơh dâng lĕ ndŭl mpôl bunuyh, ndrel ma bơh dâng lĕ bri dak.