Êphêsô 4:2 - Bunong Bible Latin Script Cambodian dialect

² Ăn khân ay may njŭr săk khân ay may nơm, geh nuih n'hâm mleh dêh rhêt, blao ăt nuih. Jêh ri blao nsrôyh tâm rŏng ndrăng nơm, bol lah bunuyh i nây jan mâu ueh ma khân ay may kađôi.

Bunong

² អ៝ន់​ខាន់​អៃ​មៃ​ញជុរ​ឆាក់​ខាន់​អៃ​មៃ​នើម គែស​នូយ្ស​នហ៝ម់​មលែស​ទេស​រាហេត ឞ្លាវ​អ៝ត់​នូយ្ស។ ជេសរី​ឞ្លាវ​ញឆ្រោយ្ស​តឹម​រ៝ង់​នទ្រាង់​នើម ឞ៝ល​លាស​ឞូនុយ្ស​អី​នៃ​ជាន​មោ​អ្វែស​មា​ខាន់​អៃ​មៃ​កាដោយ។

Nau Brah Ndu Ngơi 2023

² Ăn dŭt dêh rhêt, rdơ̆ rbăn jêh ri nau srôih, ăn khân may ŭn nuih ndrăng khân may tâm nau rŏng.

Êphêsô 4:2 ပူးပေါင်းရင်းမြစ်များ

Mathay 11:29

Sŏ hŏm ndơ mbăk Gâp, jêh ri nti tă bơh Gâp, nuih n'hâm khân ay may nđik rngêt ngăn ro, yorlah nuih n'hâm Gâp mleh, ndrel ma dêh rhêt.

Markôs 9:19

Brah Yêsu ơh ma khân păng: “Hơi phung bunuyh mâu geh nau nsing ma Kôranh Brah! Dah hôm jŏ ăn Gâp gŭ ndrel khân ay may hiah? Dah hôm jŏ ăn Gâp nsrôyh ndrel khân ay may? Leo kon se nây jât Gâp dja.”

Kôranh Oh Mon 20:19

Gâp jan kar ta khân ay may jêng tâm ban ma bunuyh i jê̆ ta nâm bu, nđâp ma hor dak măt, nđâp ma geh nau jêr yor ma phung Israel aƀă i ŭch jan djơh ma gâp.

Samƀŭt Pôl Njuăl Ăn Ma Phung Nsing Ta Ƀon Rôm 15:1

Bân i bunuyh lĕ nâp jêh ta nau nsing, ăn bân ăt nuih ma phung oh nô ta nau nsing i ê gĭt vât moh ndơ tih moh ndơ di, lơi ôh bân joi nau răm maak ma săk bân nơm dơm.

I Kôrintô 13:7

Bunuyh i geh nuih n'hâm rŏng ma bu, ăt nuih ma nau tih bu nâng, geh nuih n'hâm nsing nâng ma ndơ ueh ta bu, rnơm nâng ma ndơ ueh ta bu, jêh ri nsrôyh nâng dơi ăt nau jêr jŏt.

Galati 6:2

Ăn tâm kơl moh geh nau jêr ndrăng nơm, jan kơt nây khân ay may jan tâng nau vay Brah Krist ngăn.

Êphêsô 1:4

Bơh ntơm ê hŏ njêng neh ntu nơh, Păng lĕ ơm kơih jêh bân gay ma gŭ ndrel Brah Krist. Păng kơih bân gay ma jêng kloh ueh, mâu geh ôh nau ma nduih ta năp măt Păng. Păng jan kơt nây, yor ma Păng geh nuih n'hâm rŏng ma bân.

Kôlôh 1:11

Dăn dâng lĕ nau dơi dŭt kuŏng Kôranh Brah kơl khân ay may, gay ma khân ay may geh nau ăt nuih nâng ta nau jêr,

I Timôthê 6:11

Yơn ma may nây, may jêng nơm jan kar ma Kôranh Brah, ăn may du ngai hŏm bơh nau i nây. Jêh ri tâng joi nau sŏng, nau ŭch iăt ma Kôranh Brah, nau nsing, nau rŏng ma bu, nau ăt nuih nâng ta nau jêr, ndrel ma nau mleh.

II Timôthê 2:25

Ăn bunuyh i nây nkah ma bunuyh i tâm rlăch ma păng nơm ma nuih n'hâm mleh, nkhêp lah Kôranh Brah ăn khân păng rgâl lơi nuih n'hâm djơh, gay ma gĭt năl nau ngăn,

Yakơ 1:21

Lah ndri ăn khân ay may mƀăr lơi hŏm dâng lĕ nau ƀơ̆ ƀơch ăp ntil, dâng lĕ ndơ djơh ăp ntil ta nau gŭ ngao khân ay may, jêh ri sŏ dơn iăt nau nti ma lĕ nuih n'hâm hŏ i Kôranh Brah lĕ tê̆ ta nuih n'hâm bân i geh nau dơi leo khân ay may geh nau rklaih bơh nau Kôranh Brah tê̆ dôih.

I Pêtrôs 3:15

Ăn geh Brah Krist jêng kôranh ta nuih n'hâm nau mân khân ay may nơm. Jêh ri gŭ ndrăp lor nâng ro, gay ma blao tâm ơh đah bu moh i ôp a mơm nau rnơm khân ay may yor ma khân ay may nsing ma Brah Krist.

I Pêtrôs 3:8

N'glĕ dŭt dja, ăn dâng lĕ khân ay may geh nuih n'hâm du ntôr nau hŏ, ăn blao tâm kơl nau jêr jŏt ndrăng nơm, ăn tâm rŏng ndrăng nơm tâm ban ma jêng oh nô du ndŭl deh hŏ, ăn geh nuih n'hâm yô̆ nđach, ndrel ma njŭr êng săk.