Êphêsô 4:11 - Bunong Bible Latin Script Cambodian dialect

¹¹ Păng ăn dơm dam ndơ ueh ma phung ƀon lan Păng nơm, Păng ăn ma bunuyh aƀă jêng kôranh oh mon, aƀă jêng nơm ntơyh nau ngơi Kôranh Brah, aƀă jêng nơm mbơh nkoch nau mhe mhan ueh, aƀă jêng kôranh mât uănh phung nsing, ndrel ma aƀă jât jêng nơm ntŭm nti.

Bunong

¹¹ ពាង់​អ៝ន់​ទើម​ទាម​នទើ​អ្វែស​មា​ផូង​ប៝ន​លាន​ពាង់​នើម ពាង់​អ៝ន់​មា​ឞូនុយ្ស​អាបាៈ​ជេង​កោរាញ​អ៝ស​ម៝ន អាបាៈ​ជេង​នើម​នតើយ្ស​នាវ​ងើយ​កោរាញ​ឞ្រាស អាបាៈ​ជេង​នើម​មឞើស​ងក៝ច​នាវ​មហែ​មហាន​អ្វែស អាបាៈ​ជេង​កោរាញ​ម៝ត់​អ្វាញ់​ផូង​ញឆីង នទ្រែល​មា​អាបាៈ​ជឹត​ជេង​នើម​នតុម​នតី។

Nau Brah Ndu Ngơi 2023

¹¹ Păng yơh ăn ma ƀaƀă phung jêng kôranh oh mon, ƀaƀă phung jêng nơm mbơh lor, ƀaƀă phung êng jêng ma nơm mbơh nkoch Nau Mhe Mhan Ueh, ƀaƀă phung êng êng đŏng jêng nơm nti jêh ri kôranh nti,

Êphêsô 4:11 ပူးပေါင်းရင်းမြစ်များ

Mathay 28:20

Jêh ri ntŭm nti ăn khân păng iăt dâng lĕ nau Gâp lĕ đă ma khân may nơh. Ăn hôm kah gĭt nâng: Gâp hôm e gŭ nâng ndrel khân may n'ho ma tât nar lôch neh ntu dja”.

Kôranh Oh Mon 13:1

Phung nsing ma Brah Krist ta ƀon Ŏntiyôk ri, geh bunuyh aƀă jêng phung ntơyh nau ngơi Kôranh Brah, bunuyh aƀă jêng phung nơm nti. Ta nây geh Ƀarnaƀas, geh Simêôn i bu kuăl Niger, geh Lukês tă bơh ƀon kuŏng Kiren, geh Manaên i bu mât bơh jê̆ gŭ ndrel Hêrôt-Ŏntipas i kôranh mât uănh bri Galilê, ndrel ma geh Sôl.

Kôranh Oh Mon 20:28

Kơt ndri ăn khân ay may gŭ mât njrăng săk, ndrel ma mât njrăng phung nsing, yorlah Brah Huêng Ueh i kloh ueh lĕ ăn jêh nau kar dja ma khân ay may, ăn khân ay may mât phung nsing ma Kôranh Brah, i lĕ jêh Kôranh Brah chuai ma mham Kon Păng nơm.

Kôranh Oh Mon 21:8

Tât nar ôi tay, hên hăn ta ƀon Sêsara, lăp ta jay Philip gŭ ta jay păng ri. Păng jêng nơm mbơh nkoch nau mhe mhan ueh ma bu, jêh ri păng jêng du huê bunuyh ta phung pơh nuyh i bu lĕ kơih gay ma kơl jan kar ta ƀon Yêrusalem nơh.

Samƀŭt Pôl Njuăl Ăn Ma Phung Nsing Ta Ƀon Rôm 12:7

Lah Kôranh Brah ăn du huê blao sơm kơl jan kar ma bu, ăn bunuyh i nây gơyh sơm kơl jan kar ma bu dô. Lah Kôranh Brah ăn du huê blao ntŭm nti nau Kôranh Brah ăn ma bu, ăn bunuyh i nây gơyh ntŭm nti ma bu dô.

I Kôrintô 12:4

Nau ăn dơm dam i nây geh ntil êng êng, yơn ma du huê Brah Huêng Ueh dơm i năk ăn.

Êphêsô 2:20

Phung i nây tâm ban ma du mlŏm nhih i gŭ nâp yor ma mpôl kôranh oh mon, ndrel ma mpôl bunuyh ntơyh nau ngơi Kôranh Brah i tâm ban ma meh, jêh ri Brah Krist Yêsu nơm i tâm ban ma meh dŭt nâp dŭt khlay.

Êphêsô 3:5

Bơh ntơm nơh bunuyh bân ê hŏ gĭt vât ôh nau i nây, aƀaơ dja Kôranh Brah lĕ nhhơ jêh ăn ma mpôl kôranh oh mon i kloh ueh, ndrel ma mpôl bunuyh ntơyh nau ngơi Păng nơm. Brah Huêng Ueh ăn nhhơ ndơ i nây ma khân păng.

Êphêsô 4:8

Kơt ndri dâng Nau Kôranh Brah Ngơi lĕ geh nchih kơt nđa: ‘Jêh Păng dơi đah phung rlăng Păng, nôk Păng hao ta kalơ trôk ntŭk dŭt prêh, Păng leo bunuyh i Păng nhŭp kât nây brô̆ bơh kơi Păng nơm, Jêh ri ăn ndơ ueh dơm dam ma phung ƀon lan Păng nơm’.

II Timôthê 4:5

Yơn ma may nây, ăn may geh nuih n'hâm nâp rkâk dâng lĕ ntil ndơ, nsrôyh dơn nau jêr jŏt, ăn may jan kar mbơh nkoch nau mhe mhan ueh, nđâp ma jan kar may nơm ăn ueh uăch đŏng.

ហេឞ្រើ 5:12

Di lah khân ay may lĕ jan nơm nti, tih ma hôm iăt ma bu nti khân ay may nau Kôranh Brah i nchô ma ntơm tâm ban ma bunuyh i mhe sât nsing. Khân ay may tâm ban ma oh bê i blao nhêt dơm ma dak toh, ê hŏ ôh blao sông sa ma ndơ dăng.

Yuđas 1:17

Ơ oh nô ta nau nsing i gâp rŏng, ăn khân ay may hôm kah gĭt hŏm nau mpôl kôranh oh mon Brah Yêsu Krist i Kôranh bân lĕ ơm mbơh nkoch a lor nơh.

Nau Tâm Mpơl 18:20

Ơ phung i gŭ ta kalơ trôk ntŭk Kôranh Brah nơm, Phung ƀon lan Kôranh Brah, mpôl kôranh oh mon, ndrel ma mpôl bunuyh ntơyh nau ngơi Kôranh Brah, ăn khân ay may răm maak dô, Yor ma Kôranh Brah lĕ phat dôih ăn ma khân ay may, lĕ tê̆ dôih jêh ma phung bunuyh ta ƀon dja.”

Nau Tâm Mpơl 21:14

Mpêr ƀon i nây geh 12 ơ̆ lŭ blon dŭt nâp, jêh ri ta kalơ lŭ i nây geh nchih rnha lĕ 12 nuyh mpôl kôranh oh mon đŏng, mpôl i nây mpôl Kon Be Biăp nơm.