Êphêsô 1:18 - Bunong18 គ៝ប់ទាន់កោរាញឞ្រាសកើលខាន់អៃមៃ អ៝ន់ខាន់អៃមៃគឹតវ៝ត់នហេលតានូយ្សនហ៝ម់នាវមឹនទឹងលែៈនទើកោរាញឞ្រាសអុចអ៝ន់មាខាន់អៃមៃ។ នទើអីនៃខាន់អៃមៃហោមរានើមមាឆ៝ៈទើន យ៝រលាសពាង់លែៈក្វាល់ខាន់អៃមៃជេងផូងប៝នលានពាង់នើម នទើអីនៃតឹមឞានមានទើនទ្រៃ គែសនាវខ្លៃហោងាន់ គែសនាវច្រេកលើបដ៝ង់។ အခန်းကိုကြည့်ပါ။Bunong Bible Latin Script Cambodian dialect18 Gâp dăn Kôranh Brah kơl khân ay may, ăn khân ay may gĭt vât n'hêl ta nuih n'hâm nau mân dâng lĕ ndơ Kôranh Brah ŭch ăn ma khân ay may. Ndơ i nây khân ay may hôm rnơm ma sŏ dơn, yorlah Păng lĕ kuăl khân ay may jêng phung ƀon lan Păng nơm, ndơ i nây tâm ban ma ndơ ndrây, geh nau khlay hô ngăn, geh nau chrêk lơp đŏng. အခန်းကိုကြည့်ပါ။Nau Brah Ndu Ngơi 202318 Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh, အခန်းကိုကြည့်ပါ။ |
Êphêsô 1:18
49 ပူးပေါင်းရင်းမြစ်များ
តានៃគែសទូហ្វេឞូអូររាញាលីដា ពាង់ជេងឞូនុយ្សអីមោទីផូងអីឆ្រាអែល យើនមាយើកមឞាសមាកោរាញឞ្រាស ពាង់តាៈឞើសប៝នថៀថីរា ជេងឞូនុយ្សតាច់ឞ៝កលាយ្សចាង់អីគែសខ្លៃងាន់។ ពាង់តាង់នាវពោល មឞើសងក៝ច ជេសរីកោរាញឞ្រាសពើកឞោកតោរពាង់ គៃមាអ្យាត់នានេៈនាវពោល នតីនៃ ជេសរីញឆីងមាឞ្រាសយេឆូ ។
គៃមានតីខាន់ពាង់អ៝ន់ពើកនូយ្សនហ៝ម់មានាវកោរាញឞ្រាស អ៝ន់ខាន់ពាង់ទូលោសតាៈឞើសនតុកង៝ ជេសរីហាន់តានាវអាង ទូលោសតាៈឞើសនាវទើយឆាតាង់ អីកោរាញមពោលឞ្រាសអ្យើស ជេសរីព្លឹឆឹតមាកោរាញឞ្រាស រីមើកោរាញឞ្រាសយោៈខាន់ពាង់មោហោមកើបនាវតីសខាន់ពាង់ ជេសរីកោរាញឞ្រាសអ៝ន់ខាន់ពាង់គុនទ្រែលផូងអីកោរាញឞ្រាសលែៈកើបក្ល៝សអ្វែសជេស យ៝រលាសញឆីងមាគ៝ប់»”។
អាល៝រនើសខាន់អៃមៃហោមគុងាយឞើសឞ្រាសក្រីស ។ ខាន់អៃមៃនៃកោរាញឞ្រាសមោអោសកើយ្សជេងផូងប៝នលានពាង់នើម យើនមាផូងអីឆ្រាអែល ទើមកោរាញឞ្រាសលែៈកើយ្សជេងផូងប៝នលានពាង់នើម។ នាវត៝នកោរាញឞ្រាសនោកពាង់តឹមរាង្លាប់មាផូងអីឆ្រាអែល កាល់អែនើសមោទីមាខាន់អៃមៃដ៝ង់។ ខាន់អៃមៃគុរេសតានែសនតូអ្យាមោគែសនាវរានើមមានាវរាក្លាយ្ស នទ្រែលមាមោគែសកោរាញឞ្រាសដ៝ង់។
ឞ៝លលាសគ៝ប់ជេងឞូនុយ្សទុតជេៈតាន៝ម់ឞូទើមកាដោយតាផូងប៝នលានក្ល៝សអ្វែស កោរាញឞ្រាសហោមកើយ្សគ៝ប់មាលែវនាវមហែមហានអ្វែសអ៝ន់មាផូងអីមោទីផូងអីឆ្រាអែល ។ ពាង់កើយ្សគ៝ប់តាៈឞើសនាវអ្វែសពាង់នើម។ ពាង់អ៝ន់គ៝ប់មឞើសងក៝ចមានទើឞ្រាសក្រីស អុចអ៝ន់ នទើអីនៃទុតអ្វែសទុតខ្លៃមោឞ្លាវទុតអោស។
កោរាញឞ្រាសអ៝ន់នាវដាប់មពាន់អីនៃ លាសខាន់អៃមៃគុញអោតន៝ប់រាក៝ក់នឹងនាវញឆីង មោអោសងក្លើយឞើសនាវរានើមមានទើពាង់លែៈត៝នតានាវមហែមហានអ្វែស។ នាវមហែមហានអ្វែសអីនៃខាន់អៃមៃលែៈតាង់ជេស លែៈឞូមឞើសងក៝ចអ៝ន់មាទឹងលែៈឞូនុយ្សលាមនែសនតូ។ ជេសរីគ៝ប់អ្យាលែៈជានការមាមឞើសងក៝ចនាវមហែមហានអ្វែសអីនៃដ៝ង់។
កោរាញឞ្រាសលែៈអុចផូងប៝នលានពាង់នើមគឹតវ៝ត់នាវឞ្រាសក្រីស មោអោសទើនគែសនាវខ្លៃមាផូងអីឆ្រាអែល ទើម យើនមាគែសនាវខ្លៃមាផូងអីមោទីផូងអីឆ្រាអែល ដ៝ង់។ នាវឞ្រាសក្រីស អីនៃគែសនាវច្រេកលើបទុតក្វ៝ង់។ ជេសរីម៝សនាវនទ៝ប់មពោនអីនៃ? ជេងឞ្រាសក្រីស គុនទ្រែលតាខាន់អៃមៃ។ នទ្រីខាន់អៃមៃលែៈគឹតនហេលនានេៈជេស ខាន់អៃមៃគែសនាវច្រេកលើបនទ្រែលឞ្រាសក្រីស ដ៝ង់។
យើនមាឞ៝ន់អីក៝ននាវអាង អ្យាត់មាឞ៝ន់ឞ្លាវម៝ត់ញជ្រាង់ឆាក់ ជាននទើអ្វែសទើម។ អ៝ន់ឞ៝ន់គែសនាវញឆីងគែសនាវរ៝ង់មាឞូគៃមាញជ្រាង់ឆាក់តឹមឞានមាតាហែនញឆ៝សអាវល៝យ្សមាញជ្រាង់ឆាក់ ជេសរីអ៝ន់ឞ៝ន់គែសនាវរានើមន៝ប់តានាវរាក្លាយ្សគៃមាញជ្រាង់នាវមឹនតឹមឞានមាតាហែននទោមោកល៝យ្សមាញជ្រាង់ឞោក។
កើតនទ្រីទឹងហេនមឞើសឆើមអ៝ន់មាខាន់អៃមៃបាបើ។ កោរាញឞ្រាសលែៈក្វាល់ខាន់អៃមៃមាគែសនាវរេសនហ៝រ៝។ ហេនទាន់កោរាញឞ្រាសអីឞ្រាសឞ៝ន់យើកមឞាសអ៝ន់ខាន់អៃមៃគុរេសអ៝ន់តឹមទីមានាវក្វាល់អីនៃ។ ហេនមឞើសឆើមទាន់ពាង់អ៝ន់នាវទើយពាង់នើមមាខាន់អៃមៃ គៃមាជានជេសទឹងលែៈនទើអ្វែសអីខាន់អៃមៃអុចជាន នទ្រែលមាជានជេសទឹងលែៈនទើអីខាន់អៃមៃជានយ៝រមានាវញឆីងខាន់អៃមៃ។
មោអោសទើយលែវឞូម៝សអីលែៈញឆីងមាឞ្រាសក្រីស ជេសរីមអារ់លើយនាវញឆីងអីនៃ អ៝ន់រាគ៝ល់លើយនូយ្សនហ៝ម់អ្យើសឆឹតញឆីងតៃទូតឹជឹត។ យ៝រលាសខាន់ពាង់លែៈគឹតនាល់ឞ្រាសក្រីស នអ៝ប់មាលែៈគែសឆៃនទើកោរាញឞ្រាសអ៝ន់ទើមទាមតាៈឞើសកាលើត្រោកអីនតុកពាង់ លែៈជេងឞូនុយ្សតាផូងគែសឞ្រាសហ្វេងអ្វែសអីក្ល៝សអ្វែសគុនទ្រែល
អ៝ន់រានេកោរាញឞ្រាសអីឞឹឞ្រាសយេឆូក្រីស អីកោរាញឞ៝ន់។ តាៈឞើសនាវយោៈទុតក្វ៝ង់ពាង់នើម កោរាញឞ្រាសលែៈជានជេសនូយ្សនហ៝ម់ឞ៝ន់អ៝ន់មហែតឹមឞានមាអ៝ន់ឞ៝ន់ទែសទូតឹជឹត យ៝រមាពាង់លែៈជានឞ្រាសយេឆូក្រីស អ៝ន់ទ៝ក់រេសឞើសផូងខឹត នទ្រីឞ៝ន់គែសនាវរានើមន៝ប់រាក៝ក់ងាន់ពាង់មរាអ៝ន់ឞ៝ន់ទ៝ក់រេសដ៝ង់។
កោរាញឞ្រាសទុតគែសនាវអ្វែសអាប់នតីលងាន់ ពាង់លែៈក្វាល់ជេសខាន់អៃមៃនៃ គៃមាអ៝ន់ខាន់អៃមៃឆ៝ៈទើននាវច្រេកលើបអីហោមបាបើនហ៝រ៝យ៝រមានទើឞ្រាសក្រីស លែៈជាននើស។ ជេសខាន់អៃមៃលែៈទើននាវជេរជ៝ត់អីទូប្ល៝ត់នៃ ពាង់មរារាទ៝ក់ញជេងខាន់អៃមៃ អ៝ន់នហ៝ម់ឆ្វានមាខាន់អៃមៃ អ៝ន់ខាន់អៃមៃទាង់កាតាង នទ្រែលមាអ៝ន់ខាន់អៃមៃគុន៝ប់រាក៝ក់។
ကြော်ငြာတွေ