Yuđas 1:15 - Nau Brah Ndu Ngơi 2023

¹⁵ gay ƀư nau phat dôih ma lĕ rngôch bunuyh, jêh ri tâm rmal lĕ rngôch phung mâu yơk ma lĕ nau mâu yơk khân păng ƀư tih jêh, jêh ri ma lĕ nau ngơi sưr bơh phung tih mâu yơk hŏ lah jêh tâm rdâng đah Păng.”

Bunong Bible Latin Script Cambodian dialect

¹⁵ gay ma phat dôih dâng lĕ bunuyh, jêh ri tê̆ dôih dâng lĕ bunuyh tâng ndơ djơh khân păng lĕ jan ta nau i tâm rdâng ma Kôranh Brah, tê̆ dôih ma nau ngơi djơh i phung bunuyh tih ngơi tâm rdâng đah Kôranh Brah’.

Bunong

¹⁵ គៃ​មា​ផាត​ទោយ្ស​ទឹង​លែៈ​ឞូនុយ្ស ជេសរី​តេៈ​ទោយ្ស​ទឹង​លែៈ​ឞូនុយ្ស​តឹង​នទើ​អ្យើស​ខាន់​ពាង់​លែៈ​ជាន​តា​នាវ​អី​តឹម​រាទ៝ង់​មា​កោរាញ​ឞ្រាស តេៈ​ទោយ្ស​មា​នាវ​ងើយ​អ្យើស​អី​ផូង​ឞូនុយ្ស​តីស​ងើយ​តឹម​រាទ៝ង់​ដាស​កោរាញ​ឞ្រាស»។

Yuđas 1:15 ပူးပေါင်းရင်းမြစ်များ

Nau Mprơ Ơm 139:20

Khân păng srôih ngơi lĕ nau mhĭk ƀai ma May, Phung rlăng dâk tâm rdâng đah May jêng dơm dam.

Nau Mprơ Ơm 149:9

Gay ƀư ma khân păng nau phat dôih bu nchih jêh. Nĕ jêng nau chrêk rmah phung kloh ueh! Halêluya!

Nau Mprơ Ơm 31:18

Ăn mbung phung mƀruh jêng mlo! Yorlah khân păng ngơi djơh, ngơi sưr jêh ri tâm rmot Ƀiălah ngơi tâm rdâng đah phung sŏng srăng.

Nau Mprơ Ơm 37:6

Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Nau Mprơ Ơm 73:9

Bâr mbung ngơi kek tât ta klơ trôk Bi ma mpiăt phong bunuyh ta neh ntu.

Nau Mprơ Ơm 94:4

Khân păng ngơi lĕ nau sưr; Lĕ rngôch phung mhĭk ngơi blă blơ da dê.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Nau Ngluh Êjipt 16:8

Y-Môis lah: “Mhaơ aơ Brah Yêhôva mra ăn puăch ma khân may sa, jêh ri kêng ôi ăn piăng let mra rmeh ler yorlah Brah Yêhôva hŏ tăng jêh nau khân may nduyh Păng. Bi ma hên mbu jêng? Mâu di ma hên ôh khân may nduyh, ƀiălah nduyh ma Brah Yêhôva ya.”

Nơm Nti 11:9

Hơi bunuyh mom ndăm, maak răm hom tâm năm ndăm rah! Maak dơn hom nôk may hôm mom ndăm. Hăn tĭng hom trong nuih n'hâm may ŭch jêh ri măt may ŭch kơnh. Ƀiălah ăn gĭt pô aơ yorlah lĕ rngôch kan nây, Brah Ndu mra djôt leo may ma nau phat dôih.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Êsêkiêl 35:13

Phung khân may hŏ sŏk bâr mbung ngơi n'hao êng săk nơm jêh gay tâm rdâng đah Gâp jêh ri ngơi nau mhĭk ma Gâp. N'hêl nanê̆ Gâp, lĕ tăng jêh nau nây!’

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Daniel 7:20

Tâm ban lĕ gâp ŭch gĭt đŏng ma jât mlâm nke ta klơ bôk păng jêh ri ma nke êng hon ƀư ma pe mlâm nke tŭp tanăp măt păng, jêng nke geh măt jêh ri mbung ngơi nau sưr jêh ri uănh păng tâm ban ma ktang lơn ma lĕ nke êng.

Yôhan 5:27

Mbơ̆ hŏ ăn jêh nau dơi ƀư nau phat dôih ma Kon, yorlah Kon jêng Kon Bunuyh.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Samƀŭt Pôl Njuăl Ăn Ma Phung Nsing Ta Ƀon Rôm 14:10

Ƀiălah may, mâm ƀư may phat dôih oh nâu may? Mâu lah mâm ƀư may rmot ma oh nâu may? Yorlah lĕ rngôch he mra gŭ tanăp ta ntŭk ngih phat dôih Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 2:16

Ta nar nây, Brah Ndu ăn Yêsu Krist mra phat dôih lĕ nau kan ndâp kon bunuyh bơh Brah Yêsu Krist, tĭng nâm Nau Mhe Mhan Ueh gâp nti.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

I Kôrintô 5:13

Brah Ndu mra phat dôih ma phung padih. “Ngluh lơi hom phung bunuyh djơh mhĭk luh bơh khân may.”

I Timôthê 1:9

jêh ri ăn gĭt pô aơ nau vay mâu di ôh jêng ma bunuyh sŏng srăng, ƀiălah ma phung ƀư tih nau vay jêh ri ma phung tâm rdâng, phung mâu ƀư tĭng nau vay jêh ri nau tih, ma phung mâu kloh ueh jêh ri roh nau vay, ma phung nkhĭt mê̆ mbơ̆ jêh ri nkhĭt bunuyh,

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

Nau Tâm Mpơl 13:11

Gâp saơ du mlâm mpô mpa dŭt janh êng văch tă bơh neh. Păng geh bar mlâm nke nâm bu nke Kon Biăp, jêh ri păng ngơi nâm bu bêh nhŭk nhăk.

Nau Tâm Mpơl 22:20

Nơm mbơh nkoch ma nau aơ lah: “Di ngăn, Gâp văch gơnh.” Amen. Ơ Kôranh Brah jêng Brah Yêsu, dăn văch hom!

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.