Yôsuê 9:20 - Nau Brah Ndu Ngơi 2023

²⁰ Ăn he ƀư ma khân păng kơt aơ: Ăn ma khân păng gŭ rêh, klach lah Brah Yêhôva ji nuih tât ma he yor nau he ton săk jêh ma khân păng.”

Yôsuê 9:20 ပူးပေါင်းရင်းမြစ်များ

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Nau Hôr 20:25

Ngơi ma nau ndal ir pô aơ: “Ndơ aơ jêng ndơ kloh!” Jêh ri lah hŏ ton jêh ri mơ mĭn rvê tay đŏng, Nây jêng du mlâm dăk sân njrăng ăn ma kon bunuyh.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Samƀŭt Pôl Njuăl Ăn Ma Phung Nsing Ta Ƀon Rôm 1:31

rluk mâl, mâu gŭ răp jăp, mâu geh nuih n'hâm rŏng, mâu geh nuih n'hâm yô̆ nđach.

I Timôthê 1:10

ma phung văng tĭr jêh ri bu klâu ndrăng bu klâu, bu ur ndrăng bu ur, ma phung tăch rgâl bunuyh, ma phung ngơi mƀruh, ma phung ngơi nchơt jêh ri lĕ nau êng tâm rdâng đah nau di nau sŏng ngăn.

Yôsuê 9:19

Lĕ phung kôranh chiă uănh lah ma lĕ rngôch phung tâm rƀŭn: “He ton săk jêh đah khân păng ma amoh Yêhôva Brah Ndu phung Israel; pônây, ntơm aƀaơ aơ he mâu dơi ƀư khân păng ôh.

Yôsuê 9:21

Pônây phung kôranh chiă uănh lah tay: “Ăn ma khân păng gŭ rêh, ƀiălah ăn khân păng chôk long, bâk dak ma lĕ rngôch phung tâm rƀŭn.” Khân păng ƀư di tĭng nâm phung kôranh chiă uănh lah jêh ma khân păng.