Yôsuê 9:18 - Nau Brah Ndu Ngơi 2023

¹⁸ Phung ƀon lan Israel mâu lơh nkhĭt khân păng ôh, yorlah phung kôranh chiă uănh phung ƀon lan hŏ sŏk amoh Yêhôva Brah Ndu Israel ton săk ma phung ƀon lan nây; ƀiălah lĕ rngôch phung tâm rƀŭn ngơi ƀrôk đah phung kôranh chiă uănh.

Yôsuê 9:18 ပူးပေါင်းရင်းမြစ်များ

II Samuel 21:7

Y-Đavit om Y-Mêphibôset, kon bu klâu Y-Jônathan, sau Y-Sôl, yor nau sơm ton tâm ton Y-Đavit đah Y-Jônathan, kon bu klâu Y-Sôl, hŏ ƀư nau tâm rnglăp tanăp măt Brah Yêhôva.

Nau Mprơ Ơm 15:4

Păng mưch rmot ma phung djơh mhĭk, Ƀiălah yơk ma phung blau yơk ma Brah Yêhôva; Păng hŏ ton jêh Nđâp tơlah nau huach ăt mâu rgâl ôh;

Nơm Nti 5:2

May lơi ngăch ir hă mbung, Mâu lĕ ndal ir ngơi moh nau tanăp Brah Ndu, Yorlah Brah Ndu gŭ klơ trôk, Bi may gŭ tâm dâng neh. Pônây, djê̆ ngơi hom.

Nơm Nti 5:6

Lơi ăn trôm mbung may ƀư ăn may tih, jêh ri lơi ngơi tanăp nơm mbơh Brah Ndu pô aơ: “Nây jêng vĭ.” Mâm may ƀư ăn Brah Ndu ji nuih yor nau ngơi may, jêh ri Păng ƀư rai kan ti may?

Nơm Nti 9:2

Ăp nau kan geh tât ăn ma lĕ rngôch bunuyh du ai tâm ban, nsum du mrô tâm nal: Bunuyh sŏng srăng tâm ban ma phung djơh mhĭk, Bunuyh ueh tâm ban ma phung mhĭk, Bunuyh geh nau kloh tâm ban ma phung ƀơ̆ ƀơch, Bunuyh nhhơr mpa ƀư brah tâm ban phung mâu nhhơr, Bunuyh sŏng tâm ban ma phung nau tih, Bunuyh tâm ton tâm ban phung mâu nănh tâm ton.

Nau Kơp Bunuyh 30:3

Tơlah du huê bu klâu ƀư jêh nau ton ma Brah Yêhôva mâu lah tâm ton sơm ma moh nau, djôt prăp hom, lơi mâu răp jăp. Ăn păng ƀư di nâm nau mbung păng hŏ ngơi.

Nau Vay Nkah Tay 23:22

Ƀiălah tơlah khân may mâu ƀư nau ton, khân may mâu geh khan nau tih ôh.

Nau Vay Nkah Tay 23:23

Moh nau khân may ton jêh ma bâr mbung khân may, ăn khân may mât mray jêh ri ƀư ro, yorlah tă bâr mbung khân may nơm hŏ sơm ton jêh ma Yêhôva Brah Ndu.

Nau Vay Nkah Tay 23:24

Lah khân may lăp tâm đang krăk ƀâu nơm chiau meng khân may, pôri khân may dơi sa krăk ƀâu tĭng nâm ŭch, ƀiălah khân may mâu dơi ôh pĕ play ăn tâm bĭ khân may.

Yôsuê 9:17

Yor ri, phung ƀon lan Israel dâk hăn trong, jêh ri tât ta ƀon khân păng nar tal pe. Lĕ ƀon khân păng jêng ƀon Gibêôn, ƀon Chêphira, ƀon Bêrôt, jêh ri ƀon Kiriat-Jêarim.

Yôsuê 9:19

Lĕ phung kôranh chiă uănh lah ma lĕ rngôch phung tâm rƀŭn: “He ton săk jêh đah khân păng ma amoh Yêhôva Brah Ndu phung Israel; pônây, ntơm aƀaơ aơ he mâu dơi ƀư khân păng ôh.