Yôsuê 9:14 - Nau Brah Ndu Ngơi 2023

¹⁴ Pônây phung Israel dơn ndơ sông sa khân păng, ƀiălah mâu ôp ôh Brah Yêhôva.

Yôsuê 9:14 ပူးပေါင်းရင်းမြစ်များ

II Samuel 2:1

Jêh nau nây, Y-Đavit ôp ma Brah Yêhôva: “Gâp dơi lĕ hăn ma du ƀon tâm ăp rplay ƀon tâm n'gor Yuđa?” Brah Yêhôva plơ̆ lah: “Hăn hao hom.” Y-Đavit lup tay: “Moh ƀon gâp mra hăn?” Brah Yêhôva plơ̆ lah: “Ƀon Hêbron.”

II Samuel 5:19

Rnôk nây, Y-Đavit ôp ma Brah Yêhôva: “Di lĕ gâp dơi hăn tâm lơh đah phung Philistin? May mra jao khân păng tâm ti gâp lĕ?” Brah Yêhôva plơ̆ lah ma Y-Đavit: “Hăn hao hom, yorlah n'hêl nanê̆ Gâp mra jao phung Philistin tâm ti may.”

Êsra 8:21

Ta nây, dăch kơh dak krong Ahava, gâp kuăl ver ât sông sa, gay he ntrŭnh săk panăp măt Brah Ndu hên jêh ri dăn vơh vơl ma Păng ntĭm ăn gâp trong di gay hên jêh ri phung kon sau hên hăn, nđâp ma drăp ndơ hên.

Nau Ngluh Êjipt 28:30

Ăn may lĭr Urim jêh ri Thumim tâm blah văn ntang ntơh nau phat dôih, gay khân păng mra gŭ ta klơ ntơh Y-Arôn tơlah păng lăp tanăp măt Brah Yêhôva. Pôri Y-Arôn mra djôt leo ƀaƀơ ta klơ play nuih păng nau phat dôih phung ƀon lan Israel tanăp măt Yêhôva.”

Nau Kơp Bunuyh 27:21

Ăn Y-Yôsuê tâm mâp ma kôranh ƀư brah Y-Êlêasar jêh ri yor Y-Yôsuê kôranh ƀư brah mra joi gĭt nau mĭn Brah Yêhôva ma ôp Urim tanăp măt Brah Yêhôva. Tĭng nâm nau ntăm Y-Êlêasar, Y-Yôsuê nđâp lĕ rngôch phung tâm rƀŭn mra hăn luh jêh ri hăn lăp.”

Yakơ 1:5

Tơlah mbu nơm tâm phung khân may pưt nau blau mĭn, vơh vơl hom ma Brah Ndu, Păng mra ăn ro, yorlah Brah Ndu jêng Nơm ăn ma lĕ rngôch bunuyh ma nuih n'hâm lŏng, mâu geh nau nduyh ôh.

Yôsuê 9:13

lĕ nông ntâu aơ jêng mhe tơlah hên troch bêng ndrănh, ƀiălah aƀaơ aơ lĕ sat jêh; bi ma kho ao jêh ri ntâu jot hên sat jêh yor hăn trong ngai ngăn.”

Phung Kôranh Phat Dôih 1:1

Jêh Y-Yôsuê khĭt, phung ƀon lan Israel ôp Brah Yêhôva pô aơ: “Mbu tâm phung hên mra hăn hao lor gay tâm lơh đah phung Kanaan?”

Phung Kôranh Phat Dôih 20:18

Pônây, phung ƀon lan Israel dâk hăn hao ma Bêthel jêh ri ôp ma Brah Ndu pô aơ: “Mbu nơm tâm hên mra hăn tâm lơh đah ndŭl mpôl Benjamin?” Brah Yêhôva plơ̆ lah: “Phung Yuđa mra hăn lor.”

I Samuel 22:10

Y-Ahimalek ôp Brah Yêhôva yor păng, ăn ndơ sông sa ma păng, jêh ri ăn ma păng đao Y-Gôliat, bu klâu Philistin.”