Yôsuê 8:33 - Nau Brah Ndu Ngơi 2023

³³ Lĕ rngôch bunuyh ƀon lan, lĕ phung bu năch, bunuyh tơm bri, phung kôranh bu ranh, phung kôranh chiă uănh, jêh ri phung phat dôih gŭ dâk bar đah Hip Nau Tâm Rnglăp panăp phung kôranh ƀư brah tâm noi deh Lêvi jêng phung tung Hip Nau Tâm Rnglăp Brah Yêhôva. Du n'gul phung ƀon lan gŭ dâk panăp yôk Gêrisim, jêh ri du n'gul ri gŭ dâk panăp yôk Êbal, tĭng nau Y-Môis, oh mon Brah Yêhôva, ntăm jêh ntơm bơh saơm, gay ăn nau ueh uĭn ma phung ƀon lan Israel.

Yôsuê 8:33 ပူးပေါင်းရင်းမြစ်များ

Nau Ngluh Êjipt 12:49

Nây jêng du nau vay nsum ăn ma bunuyh tơm bri nđâp ma bu năch gŭ njưh ta klang khân may.”

Kan Lêvi 24:22

Phung kon knŏng geh du nau vay dơi dŏng ăn ma bunuyh gŭ njưh jêh ri ma bunuyh ƀon tơm; yorlah Gâp jêng Yêhôva Brah Ndu khân may.’”

Nau Kơp Bunuyh 15:15

Tâm phung tâm rƀŭn, knŏng geh du nau vay dăp nsum gay dŏng ma khân may jêh ri ma lĕ phung gŭ njưh ƀât lât ta nklang khân may. Nây jêng du nau vay dăp n'ho ro tâm lĕ rngôch rô̆. Khân may jêh ri phung gŭ njưh ƀât lât da dê du ai tâm ban tanăp Brah Yêhôva.

Nau Kơp Bunuyh 15:16

Mra geh du nau vay jêh ri du nau vay nal du ai tâm ban ma khân may jêh ri ma nơm gŭ njưh ƀât lât tâm nklang khân may.’”

Nau Kơp Bunuyh 15:29

Knŏng geh du nau vay nsum dŏng ma ăp mbu nơm ƀư tih mâu ŭch ƀư, nđâp lah phung ƀon lan Israel mâu lah bunuyh bu năch gŭ njưh ƀât lât ta nklang khân păng.

Yôhan 4:20

Chô yau hên yơk mbah ta klơ yôk aơ, bi khân may lah pô aơ ƀon Yêrusalem mhe jêng ntŭk khư yơk mbah.”

Nau Vay Nkah Tay 11:29

Lah Yêhôva Brah Ndu hŏ njŭn leo jêh khân may lăp tâm n'gor khân may mra lăp sŏk dơn jêng drăp ndơn, khân may mra dơm nau ueh uĭn ta klơ yôk Gêrisim jêh ri nau rak rtăp ta yôk Êbal.

Nau Vay Nkah Tay 31:12

Tâm rgum hom phung ƀon lan, lĕ bu klâu, bu ur, phung kon se jêh ri nơm gŭ njưh ƀât lât tâm ƀon khân may, gay ma khân păng dơi tăng jêh ri dơi nti nau klach yơk ma Yêhôva Brah Ndu khân may jêh ri blau njrăng ƀư tĭng kơt lĕ rngôch nau ngơi tâm nau vay aơ.

Nau Vay Nkah Tay 31:25

Y-Môis ntĭnh ma phung Lêvi tung Hip Nau Tâm Rnglăp Brah Yêhôva pô aơ:

Nau Vay Nkah Tay 31:9

Y-Môis nchih jêh nau vay aơ jêh ri jao ăn ma phung kôranh ƀư brah phung kon sau Lêvi, jêng phung tung Hip Nau Tâm Rnglăp Brah Yêhôva, tâm ban đŏng jao ăn ma lĕ rngôch phung kôranh bu ranh Israel.

Yôsuê 23:2

Y-Yôsuê kuăl rgum lĕ rngôch phung Israel, phung kôranh bu ranh, phung kôranh chiă uănh, phung kôranh phat dôih, jêh ri kôranh tahan khân păng jêh ri lah pô aơ: “Aƀaơ ri gâp lĕ ranh, gŭ rêh jŏ năm jêh.

Yôsuê 24:1

Y-Yôsuê tâm rƀŭn lĕ rngôch phung ndŭl mpôl Israel ta ƀon Sichem, jêh ri păng kuăl rgum phung bu ranh, phung kôranh chiă uănh, phung kôranh phat dôih jêh ri phung kôranh tahan Israel, jêh ri mpơl măt khân păng nơm panăp Brah Ndu.

Yôsuê 3:14

Lah phung ƀon trơn rmlak khân păng gay rgăn kơh ri dak krong Yurdan, phung kôranh ƀư brah tung Hip Nau Tâm Rnglăp hăn lor panăp phung ƀon lan.

Yôsuê 3:3

ntăm ma phung ƀon lan pô aơ: “Lah khân may saơ Hip Nau Tâm Rnglăp Yêhôva Brah Ndu khân may phung kôranh ƀư brah Lêvi tung hăn, ăn khân may du luh bơh ntŭk khân may jêh ri tĭng groi pakơi hip nây.

Yôsuê 3:6

Y-Yôsuê lah ma kôranh ƀư brah: “Tung hom Hip Nau Tâm Rnglăp hăn rgăn dak krong lor panăp phung ƀon lan.” Pônây khân păng tung Hip Nau Tâm Rnglăp jêh ri hăn lor panăp phung ƀon lan.

Yôsuê 4:10

Lĕ phung kôranh ƀư brah tung Hip Nau Tâm Rnglăp gŭ nsrâng tâm nklang dak krong Yurdan kŏ tât ƀư jêh lĕ kan Brah Yêhôva hŏ lah ma Y-Yôsuê đă ntăm tay ma phung ƀon lan tĭng di nâm nau Y-Môis ntăm jêh ma Y-Yôsuê. Jêh nây phung ƀon lan ndal rgăn dak krong Yurdan.

Yôsuê 4:18

Lah phung kôranh ƀư brah tung Hip Nau Tâm Rnglăp Brah Yêhôva tă bơh nklang dak krong Yurdan hăn hao, jêh ri tơlah mpang jâng khân păng chuat jêh ta neh kơh, dak krong Yurdan plơ̆ sĭt ƀoi ơm, hoch bêng ler bar kơh nâm bu saơm.

Yôsuê 6:6

Pônây Y-Yôsuê, kon bu klâu Y-Nun, kuăl phung kôranh ƀư brah jêh ri lah: “Tung hom Hip Nau Tâm Rnglăp jêh ri ăn pơh nuyh kôranh ƀư brah djôt pơh mlâm nŭng ma nke hăn panăp Hip Nau Tâm Rnglăp Brah Yêhôva.”