Yôsuê 8:31 - Nau Brah Ndu Ngơi 2023

³¹ tĭng nau ntăm Y-Môis, oh mon Brah Yêhôva, ntăm jêh ma phung ƀon lan Israel, tĭng nâm nchih jêh tâm ndrom samƀŭt nau vay Y-Môis. Nĕ jêng du nơng ƀư brah ƀư ma du mlâm lŭ toyh, ê hŏ mâp lôk đah ndơ loih. Ta klơ nây, phung ƀon lan nhhơr ndơ ƀư brah gŭch ma Brah Yêhôva, jêh ri nhhơr ndơ ƀư brah ma nau đăp mpăn.

Yôsuê 8:31 ပူးပေါင်းရင်းမြစ်များ

II Phung Hađăch 14:6

Ƀiălah păng mâu nkhĭt ôh phung kon khân păng; tĭng nâm nau nchih jêh tâm ndrom samƀŭt nau vay Y-Môis; tâm nây, Brah Yêhôva ntăm jêh pô aơ: “Bu mâu mra nkhĭt ôh mbơ̆ yor ma nau tih kon, mâu mra nkhĭt đŏng kon yor ma nau tih mbơ̆, yorlah ăp nơm mra khĭt yor nau tih păng nơm.”

II Phung Hađăch 22:8

Kôranh ƀư brah toyh lơn Y-Hilkia lah ma kôranh nchih samƀŭt Y-Saphan: “Gâp joi saơ jêh ndrom samƀŭt nau vay tâm ngih Brah Yêhôva.” Y-Hilkia jao ndrom samƀŭt nây ma Y-Saphan răk.

II Nau Rêh Jêng 25:4

Ƀiălah păng mâu nkhĭt phung kon khân păng, tĭng ntil nau hŏ nchih jêh tâm ndrom samƀŭt nau vay Y-Môis, di nâm bu Brah Yêhôva hŏ ntăm jêh: “Mê̆ mbơ̆ mâu mra khĭt yor phung kon, phung kon tâm ban lĕ mâu mra khĭt yor mê̆ mbơ̆; ƀiălah ăp nơm mra khĭt yor nau tih păng nơm.”

II Nau Rêh Jêng 35:12

Khân păng tâm pă lĕ ndơ ƀư brah gŭch, ma phung ƀon lan, groi tĭng noi deh khân păng, gay khân păng nhhơr ma Brah Yêhôva, di tĭng nâm nau bu nchih jêh tâm ndrom samƀŭt Y-Môis. Khân păng ƀư tâm ban pônây lĕ ma ndrôk nkuăng.

Êsra 6:18

Khân păng njêng phung kôranh ƀư brah jêh ri phung Lêvi tĭng nâm mpôl khân păng, gay pah kan ma Brah Ndu ta Yêrusalem, di nâm bu hŏ nchih tâm ndrom samƀŭt Y-Môis.

Nêhêmi 13:1

Tâm nar nây, bu răk ndrom samƀŭt Y-Môis ăn phung ƀon lan iăt jêh ri saơ tâm nây geh nchih phung Ammôn jêh ri phung Môap ƀaƀơ n'ho ro mâu dơi lăp ôh tâm nau tâm rƀŭn Brah Ndu,

Nau Ngluh Êjipt 18:12

Y-Jêtrô, po Y-Môis, nhhơr ndơ ƀư brah gŭch jêh ri mpa ƀư brah ma Brah Ndu. Y-Arôn jêh ri lĕ kôranh bu ranh Israel văch sông sa ndrel ma po Y-Môis, tanăp Brah Ndu.

Nau Ngluh Êjipt 24:5

Păng đă phung bu klâu ndăm Israel nhhơr ma Brah Yêhôva ndơ ƀư brah gŭch jêh ri mpa ƀư brah ma ndrôk kon, jêng ndơ ƀư brah ma nau đăp mpăn.

Mathay 12:26

Tơlah Satan mprơh Satan nơm păng tâm nkhah ndrăng păng nơm; mâm ƀon bri hađăch păng dơi dâk nâp?

Nau Vay Nkah Tay 27:2

Nar khân may rgăn dak krong Yurdan gay lăp tâm n'gor Yêhôva Brah Ndu ăn ma khân may pôri ăn khân may ndâk lĕ lŭ toyh jêh ri mhĭng ma klo.

Nau Vay Nkah Tay 27:8

Ăn khân may nchih dŭt rah vah lĕ rngôch nau ngơi bơh nau vay ta klơ plơp lŭ aơ.”

Yôsuê 1:8

Ndrom samƀŭt nau vay aơ lơi ăn ngai bơh bâr mbung may, ƀiălah mĭn rvê hom nau nây măng nâm nar, gay blau njrăng ƀư tĭng lĕ nau nchih jêh tâm nây. Ri mơ may chăt jêng jêh ri dơi jêng tâm trong may hăn.