Yôsuê 8:27 - Nau Brah Ndu Ngơi 2023

²⁷ Phung ƀon lan Israel knŏng sŏk ma khân păng nơm mpô mpa rong jêh ri ndơ pit in bơh ƀon nây, tĭng nâm Brah Yêhôva hŏ ntăm jêh ma Y-Yôsuê.

Yôsuê 8:27 ပူးပေါင်းရင်းမြစ်များ

Nau Mprơ Ơm 50:10

Yorlah lĕ rngôch mpô mpa tâm bri jêng ndơ Gâp da dê, Lĕ ntil mpô mpa gŭ tâm âk rbăn yôk tâm ban lĕ.

Nau Kơp Bunuyh 31:22

Maih, prăk, kông, loih, thao jêh ri ndrak,

Nau Kơp Bunuyh 31:26

“Ăn may, kôranh ƀư brah Y-Êlêasar, jêh ri phung kôranh chiă uănh ma phung tâm rƀŭn kơp ndơ pit sŏk hŏ rgum jêh, lĕ bunuyh jêh ri mpô mpa rong,

Mathay 20:15

Di lĕ gâp mâu dơi vay dŏng moh nau gâp geh tĭng nâm gâp ŭch? Mâu lah jêng may saơ gâp gŭ ueh ƀư ma may keh nach?’

Nau Vay Nkah Tay 3:7

Ƀiălah he djôt prăp ma he nơm lĕ rngôch mpô mpa rong jêh ri ndơ pit sŏk bơh ăp ƀon toyh.

Yôsuê 11:4

Phung hađăch nây djôt leo lĕ rngôch phung tahan hăn tâm lơh, jêng du phung tahan âk ngăn tâm ban ma choih ta kơh dak mƀŭt nđâp ma seh jêh ri ndeh seh âk ngăn.

Yôsuê 8:2

Ăn may ƀư ma ƀon Ai jêh ri ma hađăch păng tâm ban may hŏ ƀư jêh ma Yêrikô jêh ri hađăch păng. Khân may dơi sŏk ndơ pit in jêh ri mpô mpa rong ăn ma khân may nơm. Dơm hom phung tahan gŭ kâp dâp pakơi ƀon.”

Yôsuê 8:28

Pônây Y-Yôsuê su ƀon Ai jêh ri ƀư ma ƀon nây jêng du mbŭch ŭnh buh n'ho ro kŏ tât ta nar aơ.