Yôsuê 8:1 - Nau Brah Ndu Ngơi 2023

¹ Jêh nau nây, Brah Yêhôva lah ma Y-Yôsuê: “Lơi klach, mâu lĕ rdja nuih n'hâm! Djôt leo hom lĕ rngôch phung tahan hăn tĭng may, dâk hom jêh ri hăn hao gay lơh ƀon Ai. Aơ, Gâp jao jêh hađăch ƀon Ai, phung ƀon lan păng, ƀon păng, jêh ri neh păng tâm ti may.

Yôsuê 8:1 ပူးပေါင်းရင်းမြစ်များ

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 44:3

Yorlah mâu yor ma đao khân păng dơi geh n'gor, Mâu lĕ yor ma ti khân păng dơi jêh, Ƀiălah yor ti ma May, Nting tur ti jêh ri ma nau ang muh măt May yơh, Yorlah May rŏng ma khân păng.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Yêrêmi 46:27

“Ơ phung oh mon Gâp jêng Yakôb, lơi klach ôh! Ơ phung Israel, lơi ta klach krit ôh! Yor aơ, Gâp mra rklaih may bơh ntŭk ngai ngăn, Jêh ri noi deh may tă bơh jêng bu nă. Phung Yakôb mra plơ̆ sĭt tay jêh ri gŭ ueh đăp mpăn, Mâu hôm klach krit bu ôh.”

Yêrêmi 49:3

“Ơ ƀon Hêsbôn, nhĭm nhhiăng hom yor ma ƀon Ahi hŏ rai jêh! Hơi kon bu ur Raba, nhĭm vơl hom. Nsoh hom ao ƀau sat, Nchuăt nsong dâng lơ tâm nklang pêr nhĭm nhhiăng! Yorlah brah Malkôm bu mra mprơh hăn ƀư bu nă Ndrel ma phung kôranh ƀư brah jêh ri phung kôranh păng luh du bơh n'gor.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 4:35

Lĕ rngôch bunuyh gŭ ta neh ntu jêng tâm ban ma dơm dam. Păng ƀư tĭng nâm nau Păng ŭch da dê ma lĕ manh tâm trôk Nđâp ma phung bunuyh gŭ ta neh ntu. Mâu geh du huê dơi nkân ti Păng Mâu lah ôp: “Moh nau May ƀư?”

Mathay 8:26

Brah Yêsu lah: “Hơi phung geh djê̆ nau chroh ri, mâm ƀư khân may klach?” Păng dâk ro buay sial jêh ri dak mƀŭt, khân păng nsrŭng ro jêh ri rngân njup.

Nau Vay Nkah Tay 1:21

Aơ Yêhôva Brah Ndu ăn jêh n'gor nây ma khân may. Hăn hao hom, sŏk dơn hom drăp ndơn, tĭng nâm Yêhôva Brah Ndu phung chô yau khân may hŏ lah jêh ma khân may. Lơi klach mâu lah rdja nuih n'hâm ôh.’

Nau Vay Nkah Tay 31:8

Brah Yêhôva Nơm mra hăn lor ma may; Păng mra gŭ ndrel ma may, mâu mƀăr may, mâu lĕ chalơi may. Lơi ta klach jêh ri lơi ir krit ôh!”

Nau Vay Nkah Tay 7:18

Ƀiălah khân may lơi klach ôh. Kah gĭt tay hom moh nau Yêhôva Brah Ndu khân may hŏ ƀư jêh ma Pharaôn jêh ri ma lĕ n'gor Êjipt.

Nau Vay Nkah Tay 7:21

Lơi klach ma phung ƀon lan nây, yorlah Yêhôva Brah Ndu dôl gŭ ta nklang khân may jêng Brah Ndu toyh jêh ri geh nau klach yơk.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”

Yôsuê 10:7

Pônây tă bơh Gilgal Y-Yôsuê hăn hao ndrel ma phung tahan janh ktang jêh ri lĕ rngôch phung tahan.

Yôsuê 10:8

Brah Yêhôva lah ma Y-Yôsuê: “Lơi klach ôh, yorlah Gâp jao jêh khân păng tâm ti may, mâu hôm geh ôh du huê nơm dơi tâm rdâng tanăp măt may.”

Yôsuê 2:24

Khân păng lah ma Y-Yôsuê: “Nanê̆ ngăn, Brah Yêhôva jao jêh lĕ n'gor nây tâm ti he; lĕ rngôch phung gŭ tâm n'gor nây rdja nuih n'hâm da dê tanăp măt phung he.”

Yôsuê 6:2

Brah Yêhôva lah ma Y-Yôsuê: “Aơ, Gâp hŏ jao Yêrikô, hađăch jêh ri lĕ phung janh ktang păng tâm ti may.

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”