Yôsuê 7:9 - Nau Brah Ndu Ngơi 2023

⁹ Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”

Yôsuê 7:9 ပူးပေါင်းရင်းမြစ်များ

Nau Mprơ Ơm 115:1

Ơ Brah Yêhôva, yor nuih n'hâm ueh jêh ri nau răp jăp May, Nau chrêk rmah mâu jêng ndơ ma hên, mâu jêng ndơ ma hên. Ƀiălah khư jêng ndơ ma amoh May yơh!

Nau Mprơ Ơm 48:10

Ơ Kôranh Brah Ndu, mâm ƀư amoh May Jêh ri nau mprơ tâm rnê ma May ăn tât lĕ ntŭk dŭt rplay neh tâm ban pônây lĕ; Ti ma May bêng ma nau sŏng srăng.

Nau Mprơ Ơm 79:9

Ơ Brah Ndu jêng Nơm tâm rklaih hên, dăn kơl hên, Yorlah nau chrêk rmah tâm amoh May; Dăn May tâm rklaih jêh ri yô̆ ma nau tih hên, Ma yor amoh May.

Nau Mprơ Ơm 83:4

Khân păng lah: “Văch hom nkhĭt lĕ khân păng bơh lĕ bri dak, Gay ma khân păng mâu hôm kah gĭt amoh Israel đŏng ôh.”

Nau Mprơ Ơm 83:5

Yorlah khân păng tâm nchră du nuih n'hâm ndrăng khân păng Njêng nau tâm rnglăp tâm rdâng đah May:

Nau Ngluh Êjipt 32:12

Mâm ƀư ăn phung Êjipt mra lah: ‘Kôranh Brah ŭch ngluh jêh khân păng luh bơh n'gor aơ gay nkhĭt lơi khân păng tâm yôk, jêh ri ƀư rai khân păng bơh neh ntu’? Dăn Kôranh Brah bah ji nuih jêh ri chalơi nau mĭn ŭch ƀư nau mhĭk ma phung ƀon lan May.

Êsêkiêl 20:9

Ƀiălah Gâp ƀư yor ma amoh Gâp nơm, gay ăn amoh nây bu mâu mưch ôh tanăp măt lĕ phung bu năch, ntŭk khân păng dôl gŭ. Tanăp măt phung ndŭl mpôl nây, Gâp mpơl jêh Gâp nơm ma khân păng gĭt dôl leo khân păng du luh tă bơh n'gor bri Êjipt.

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Nau Kơp Bunuyh 14:13

Y-Môis ngơi lah ma Yêhôva pô aơ: “Phung ƀon lan Êjipt mra tăng nau nây, yorlah Kôranh Brah hŏ dŏng nau brah djôt leo jêh phung ƀon lan aơ luh bơh Êjipt,

Yôhan 12:28

Ơ Mbơ̆, tâm rnê hom ma amoh May.’” Nôk nĕ geh bâr ngơi tă bơh trôk lah: “Gâp hŏ geh nau mât ton jêh, Gâp mra geh tay nau tâm rnê đŏng!”

Nau Vay Nkah Tay 9:28

Tơlah mâu, phung ƀon lan tâm n'gor May hŏ njŭn leo hên luh jêh, mra lah: Yorlah Brah Yêhôva mâu dơi ôh djôt leo phung ƀon lan aơ lăp tâm n'gor Păng hŏ ton jêh, jêh ri yorlah tâm rmot ma khân păng rĭ dĭng Păng njŭn khân păng luh jêh ri gay ăn khân păng khĭt tâm bri rdah.

Yôsuê 7:10

Nôk nây, Brah Yêhôva lah ma Y-Yôsuê: “Dâk hăn hom! Mâm ƀư may păn muh măt ta neh tâm ban pônây?

Yôsuê 7:8

Ơ! Brah Yêhôva! Moh nau gâp hôm dơi lah dôl phung Israel hŏ ndôn kơi jêh ri nchuăt du panăp phung rlăng khân păng nơm?

I Samuel 12:22

Brah Yêhôva mâu mra chalơi ôh phung ƀon lan Păng, yor amoh toyh Păng, jêh ri yorlah Brah Yêhôva hŏ maak nuih n'hâm ăn ma khân may njêng du phung ƀon lan ma Păng nơm.