Yôsuê 7:26 - Nau Brah Ndu Ngơi 2023

²⁶ Jêh nĕ, khân păng bun du mbŭch lŭ toyh ta klơ Y-Akan, ăt hôm kŏ tât ta nar aơ. Brah Yêhôva lĕ bah jêh nau ji nuih. Yor ri, bu ntơ ntŭk nây jêng rlŭng Akôr kŏ tât ta nar aơ.

Yôsuê 7:26 ပူးပေါင်းရင်းမြစ်များ

II Samuel 18:17

Khân păng sŏk săk jăn Y-Apsalôm mƀăr tâm ntu brŏng tâm krŏng, jêh nây bun lŭ ta klơ păng jêng du mpưm dŭt toyh. Rnôk nây, lĕ rngôch phung Israel nchuăt du da dê, ăp nơm plơ̆ sĭt ngih vâl păng nơm.

II Samuel 21:14

jêh ri khân păng tâp nting Y-Sôl jêh ri Y-Jônathan tâm môch Y-Kis, mbơ̆ Y-Sôl, ta ƀon Sêla, tâm n'gor Benjamin. Jêh bu ƀư lôch jêh lĕ nau hađăch ntĭnh jêh, Brah Ndu tăng nau bu mbơh sơm ma bri dak.

II Nau Rêh Jêng 29:10

Aƀaơ, gâp geh nau tâm nal ƀư nau tâm rnglăp đah Yêhôva Brah Ndu phung Israel, gay nau ji nuih Păng du ngai bơh phung he.

Êsra 10:14

Pônây, dăn ma phung kôranh chiă uănh hên dâk ta nây tâm tang ma lĕ rngôch phung tâm rƀŭn. Lĕ rngôch phung hŏ nsông jêh ur bu năch tâm lĕ rngôch ƀon, hăn tât ndrel ma phung bu ranh jêh ri phung kôranh phat dôih bơh ăp rplay ƀon khăn păng nơm tĭng năng nar tâm nal, gay dăp nkra kan aơ kŏ tât nau ji nuih bơh Brah Ndu he aih jêh.”

Nau Mprơ Ơm 85:4

Ơ Brah Ndu jêng nau tâm rklaih hên, Dăn rdâk njêng hên jêh ri nsrŭng nau ji nuih ta klơ hên.

Nau Ngluh Êjipt 32:12

Mâm ƀư ăn phung Êjipt mra lah: ‘Kôranh Brah ŭch ngluh jêh khân păng luh bơh n'gor aơ gay nkhĭt lơi khân păng tâm yôk, jêh ri ƀư rai khân păng bơh neh ntu’? Dăn Kôranh Brah bah ji nuih jêh ri chalơi nau mĭn ŭch ƀư nau mhĭk ma phung ƀon lan May.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 65:10

Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Nau Nhĭm Vơl 3:53

Khân păng ŭch tâp rêh gâp tâm ntu Jêh nây klŭp lŭ brôi gâp.

Ndrom Samƀŭt bơh Ôsê 2:15

Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Ndrom Samƀŭt bơh Ôsê 2:17

Yorlah Gâp mra ăn păng hă trôm mbung kuăl phung brah Baal, Jêh ri bu mâu mra hôm nkah tât đŏng ôh amoh khân păng.

Yôel 2:13

Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Yôel 2:18

Brah Yêhôva hŏ ntôn jêh yor bri aơ, Jêh ri Păng tâm mpơl nau yô̆ nđach ma phung ƀon lan Păng.

Yônais 1:15

Jêh nây, khân păng nhŭp Y-Yôna mƀăr tâm dak mƀŭt jêh ri nau ji nuih dak mƀŭt rngân.

Sakari 6:8

Jêh nây, tông mpăr kuăl gâp ma bâr huy jêh ri lah ma gâp: “Uănh hom, phung seh hăn tât bri mpeh pa lơ hŏ ƀư ăn ma Huêng Brah Gâp gŭ rlu tâm bri mpeh pa lơ.”

Nau Kơp Bunuyh 25:8

hăn tĭng bunuyh Israel lăp tâm ngih bok, păng ntâp lăp ndŭl bunuyh Israel jêh ri bu ur nây. Nau mhĭk tâm phung ƀon lan Israel dơi nsrŭng ro.

Nau Vay Nkah Tay 13:17

Lơi ăn geh du ntil ndơ bu prăp ƀư rai hôm krêp ta ti khân may. Nar aơ, ăn khân may djôt prăp lĕ rngôch nau vay Păng ntăm rĭ dĭng gâp hŏ ntĭnh ma khân may jêh ri ƀư nau di tanăp măt Yêhôva Brah Ndu. Pônây, Yêhôva Brah Ndu mra djoh nau ji nuih jêh ri tâm mpơl nau yô̆ nđach ma khân may. Tâm nau Păng yô̆, rnoh bunuyh khân may mra bĭk rơ̆ tĭng nâm nau Păng hŏ ton jêh ma phung chô yau khân may.”

Yôsuê 10:27

Nôk nar nhâp, Y-Yôsuê ntăm ma phung tahan păng djôt săk khân păng tă bơh tơm si. Khân păng mƀăr lĕ săk khĭt nây tâm trôm lŭ, jêng ntŭk phung hađăch nĕ hŏ gŭ krap, jêh nây rlă lĕ lŭ toyh njĭr ta bâr trôm nây; lŭ nây ăt hôm kŏ tât ta nar aơ.

Yôsuê 7:24

Rnôk nây, Y-Yôsuê jêh ri lĕ rngôch phung Israel nhŭp Y-Akan, kon sau Y-Sêra, nđâp ma prăk, blah ao rjai, rplay mah, phung kon bu klâu, phung kon bu ur păng, ndrôk, seh bri, biăp, rmlak, jêh ri lĕ rngôch ndô ndơ păng geh, jêh nây khân păng djôt leo lĕ ndô ndơ nây tât ta rlŭng Akôr.

Yôsuê 8:29

Păng yông hađăch ƀon Ai ta klơ tơm si jêh ri ăn ta nĕ tât mhaơ. Ƀiălah dôl nar nhâp, Y-Yôsuê ntĭnh bu n'hŭch săk jăn păng jŭr bơh tơm si jêh ri mƀăr păng ta ntŭk bu lăp mpông ƀon, jêh nây nkhŭt ta klơ păng du mbŭch rplay lŭ toyh, hôm tât ma nar aơ.