Yôsuê 7:1 - Nau Brah Ndu Ngơi 2023

¹ Ƀiălah phung ƀon lan Israel hŏ ƀư tih, yor mâu răp jăp ma lĕ ndơ prăp ma nau ƀư rai, yorlah Y-Akan, kon bu klâu Y-Karmi, sau Y-Sapdi, se Y-Sêra, bơh ndŭl mpôl Yuđa, hŏ geh sŏk ndơ prăp ma nau ƀư rai, jêh ri Brah Yêhôva ji nuih ngăn đah phung ƀon lan Israel.

Yôsuê 7:1 ပူးပေါင်းရင်းမြစ်များ

Nau Ntơm 34:27

Phung kon bu klâu Y-Yakôb jot ta phung khĭt jêh ri pit in ƀon nây, yorlah bu hŏ ƀư ƀơ̆ jêh oh bu ur khân păng.

II Samuel 24:1

Du tơ̆ đŏng, Brah Yêhôva ji nuih ma phung Israel. Păng nsŭk nsôr Y-Đavit ƀư nau mhĭk ma khân păng jêh ri lah: “Kơp hom rnoh phung Israel jêh ri phung Yuđa.”

II Phung Hađăch 5:24

Tơlah hăn tât jêh ta dor yôk, Y-Gêhasi sŏk lơi bar dŭng nây tă bơh ti khân păng, djôt prăp tâm ngih păng nơm, jêh ri păng ăn phung nây hăn sĭt.

I Nau Rêh Jêng 21:7

Nau kơp rnoh bunuyh jêng nau mhĭk tanăp măt Brah Ndu, pôri Păng rmal phung Israel.

II Nau Rêh Jêng 24:18

chalơi ngih Yêhôva Brah Ndu phung chô yau khân păng, jêh ri pah kan ma phung brah Asêrah jêh ri ma phung rup brah êng. Yor nau tih nây, nau Kôranh Brah ji nuih tât ta phung Yuđa jêh ri phung ƀon Yêrusalem.

Êsra 9:6

lah ma Păng: “Hơi Brah Ndu gâp, gâp prêng jêh ri brâp muh măt, mâu janh n'gơr măt uănh May jêng Brah Ndu gâp, yorlah nau djơh mhĭk hên lơ ntop âk lơn rlau bôk hên, jêh ri nau tih phung kon prêh hao tât klơ trôk.

Ndrom Samƀŭt bơh Yôp 35:8

Nau djơh may mra ƀư mhĭk tât ma du mpôl bunuyh, Nau sŏng srăng may dơi geh nau khlay kơl ma kon bunuyh.

Nơm Nti 9:18

Nau blau mĭn ueh lơn ma lĕ rngôch moh ndô ndơ tâm lơh, Ƀiălah du huê bunuyh tih ƀư rai lơi âk ntil kan ueh.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Kan Lêvi 10:6

Jêh nây, Y-Môis lah ma Y-Arôn jêh ri ma bar hê kon bu klâu Y-Arôn jêng Y-Êlêasar jêh ri Y-Ithamar: “Lơi ƀư sŏk achưp, mâu lĕ dơi nkhêk ao khân may, gay ma nâu jêh ri phung mon mâu khĭt, jêh ri gay ma Brah Yêhôva mâu ji nuih đah lĕ rngôch phung tâm rƀŭn. Ƀiălah phung oh nâu jêh ri lĕ ngih Israel klăp lah dơi nhĭm nhhiăng ma phung hŏ khĭt yor Brah Yêhôva su ma ŭnh.

Yônais 1:7

Jêh nây, phung ƀĭt kumpăn tâm lah ndrăng khân păng pô aơ: “Văch hom, ăn he tâm nchroh gay gĭt mbu yor nơm geh nau mhĭk aơ tât ma he.” Pôri khân păng tâm nchroh jêh ri nau nchroh di ma Y-Yôna.

Yôsuê 22:16

“Lĕ rngôch phung tâm rƀŭn Brah Yêhôva lah: ‘Mâm ƀư khân may ƀư tih jêh mâu răp jăp đah Brah Ndu phung Israel pônây? Mâm ƀư nar aơ khân may chalơi Brah Yêhôva gay khân may ndâk du nơng ƀư brah tâm rdâng đah Păng?

Yôsuê 22:18

Ƀiălah tâm nar aơ khân may chalơi tay Brah Yêhôva ƀơh? Tơlah nar aơ khân may tâm rdâng đah Brah Yêhôva, nar ôi taơ Păng mra ji nuih ngăn yơh ma lĕ phung Israel tâm rƀŭn.

Yôsuê 22:20

Mâu di hĕ Y-Akan, kon bu klâu Y-Sêra hŏ ƀư tih mâu răp jăp ôh yor ndơ prăp ma nau ƀư rai jêh, dĭng nau ji nuih Brah Yêhôva hao tât ma lĕ phung Israel tâm rƀŭn? Jêh ri mâu di knŏng du huê păng nơm ôh khĭt yor nau kue păng!’”