Yôsuê 6:21 - Nau Brah Ndu Ngơi 2023

²¹ Khân păng sŏk đao ƀư rai lĕ rngôch mpa rêh tâm ƀon, nđâp bu klâu, bu ur, bu ranh, kon se nđâp ma ndrôk, biăp, jêh ri seh bri.

Yôsuê 6:21 ပူးပေါင်းရင်းမြစ်များ

I Phung Hađăch 20:42

Nơm mbơh lor lah: “Brah Yêhôva lah: ‘Yorlah may mƀơk lơi bơh ti may bunuyh Gâp lĕ dăp nal jêh ma nau ƀư rai lơi, pônây nau rêh may mra ntrok nau rêh păng jêh ri nau rêh phung ƀon lan may ntrok nau rêh phung ƀon lan păng.’”

Yêrêmi 48:18

Ơ phung gŭ tâm ƀon Dibôn! Jŭr hom tă bơh ma ntŭk nau khưm Jêh ri gŭ ta ntŭk neh sơh. Yorlah phung ƀư rai Môap hŏ rduh ŭch lơh may, Ƀư rai lơi pôih may.

Nau Vay Nkah Tay 13:16

Bun hom lĕ rngôch drăp ndơ hŏ pit sŏk jêh ăn ta ntŭk huy jêh ri su lơi ƀon toyh nây ma ŭnh nđâp ma lĕ rngôch ndơ dơi pit, nâm bu ndơ nhhơr ƀư brah gŭch nhhơr ma Yêhôva Brah Ndu khân may. Ƀon nây mra rai mro mrăng jêh ri bu mâu hôm dơi ndâk tay păng ôh.

Nau Vay Nkah Tay 2:34

Nôk nây hên sŏk lĕ rngôch ƀon toyh jêh ri ƀư rai lĕ phung bu klâu, phung bu ur nđâp phung kon se jê̆, mâu om du huê nuyh hôm rêh ôh.

Nau Vay Nkah Tay 7:16

Pôri ăn khân may ƀư rai lơi phung ƀon lan Yêhôva Brah Ndu khân may jao jêh ma khân may, lơi yô̆ ôh khân păng; mâu lĕ pah kan ma lĕ brah khân păng, yorlah nau nây mra jêng dăk sân ma khân may.

Yôsuê 10:28

Tâm nar nây, Y-Yôsuê ăt lơh pit Makêda, jêh ri sŏk đao nkhĭt lĕ ƀon nây nđâp ma hađăch păng. Păng ƀư rai ƀon nây jêh ri lĕ rngôch mpa rêh tâm nây, mâu om du huê nuyh hôm gŭ rêh ôh. Păng ƀư ma hađăch ƀon Makêda nâm bu păng hŏ ƀư jêh ma hađăch ƀon Yêrikô.

Yôsuê 10:39

Păng pit sŏk ƀon nây ndrel ma lĕ rngôch ƀon jê̆, jêh nây nhŭp hađăch păng jêh ri sŏk đao ƀư rai khân păng. Păng ƀư rai lĕ rngôch bunuyh tâm ƀon nây, mâu om du huê hôm gŭ rêh. Păng hŏ ƀư jêh ma ƀon Dêbir jêh ri hađăch ƀon nây tâm ban ma păng hŏ ƀư jêh ma Hêbron jêh ri Lipna nđâp ma hađăch păng.

Yôsuê 11:11

Y-Yôsuê jêh ri phung tahan păng sŏk đao nkhĭt lĕ rngôch bunuyh gŭ tâm ƀon nây, mâu om du mpa geh n'hâm nsôr hôm rêh, jêh ri păng su ƀon Hasôr ma ŭnh.

Yôsuê 11:14

Phung ƀon lan Israel sŏk pit lĕ rngôch ndơ jêh ri mpô mpa rong tâm lĕ ƀon nây, ƀiălah sŏk đao nkhĭt lĕ rngôch bunuyh jêh ri ƀư rai khân păng. Khân păng mâu om du huê bunuyh hôm rêh.

Yôsuê 8:2

Ăn may ƀư ma ƀon Ai jêh ri ma hađăch păng tâm ban may hŏ ƀư jêh ma Yêrikô jêh ri hađăch păng. Khân may dơi sŏk ndơ pit in jêh ri mpô mpa rong ăn ma khân may nơm. Dơm hom phung tahan gŭ kâp dâp pakơi ƀon.”

Yôsuê 8:22

Phung êng tâm ban đŏng luh du bơh ƀon hăn tâm lơh đah phung Ai, jêh ri phung Israel nchueng jŭm khân păng. Phung Israel lơh nkhĭt khân păng kŏ tât mâu hôm geh du huê hôm rêh mâu lah hôm klaih ôh.

Yôsuê 9:3

Ƀiălah dôl phung Gibêôn tăng nau Y-Yôsuê ƀư jêh ma Yêrikô jêh ri Ai

Nau Tâm Mpơl 18:21

Nôk nây, du huê tông mpăr bêng nau dơi sŏk du mlâm lŭ toyh nâm bu mpăl kĭn toyh klŭp tâm dak mƀŭt jêh ri lah: “Babilôn, ƀon dŭt toyh bu mra klŭp păng trŭnh tâm ban pônây, jêh ri mâu hôm geh nơm mra joi saơ păng.

I Samuel 15:3

Pôri aƀaơ, hăn hom tâm lơh đah phung Amalek jêh ri ƀư rai lĕ rngôch ndơ khân păng geh. May mâu mra yô̆ nđach ôh khân păng, nkhĭt lơi lĕ bu klâu, bu ur, phung kon se, lĕ ndrôk, biăp, seh samô jêh ri seh bri.’”

I Samuel 15:8

Păng nhŭp rêh Y-Agak, hađăch phung Amalek, jêh nây ƀư rai lĕ rngôch ƀon lan ma mpiăt đao.